LV-IMEX
Senglao content (728×90)

ເຊີນທ່ຽວບຸນປີໃໝ່ຊົນເຜົ່າກຶມມຸ ແຂວງອຸດົມໄຊ ວັນທີ 13-15 ມັງກອນນີ້!

ໃນວັນທີ 13-15 ມັງກອນ 2018 ທີ່ຈະມາເຖິງນີ້ ແຂວງອຸດົມໄຊ ຈະຈັດງານເປີດປີທ່ອງທ່ຽວລາວ 2018, ຕິດ​ພັນກັບງານ​ສະ​ເຫຼີມສະຫຼອງ​ ບຸນປີ​ໃໝ່​ຂອງ​ຊົນ​ເຜົ່າ​ກຶມ​ມຸ (ບຸນ​ເຕັດ​ນຶມໂດຍຈະມີຫຼາຍ ກິດຈະກໍາສໍາຄັນ ​​ເປັນ​ຕົ້ນ ການ​ແຫ່​ຂະ​ບວນກ້ອນ​ກໍາລັງ​ພາກສ່ວນ​ຕ່າງໆລວມທັງ​ກ້ອນ​ກໍາລັງ​ ຂອງ​ບັນດາ​ເຜົ່າ​ພາຍ​ໃນ​ແຂວງ​ມີ​ການສະ​ແດງ​ສິ​ລະ​ປະ ວັດທະນະ​ທໍາ​ບັນດາ​ເຜົ່າ ​ໃນ​ຊຸດ​ການສະ​ແດງພູຜາສາຍ​ນໍ້າວັດທະນະ​ທໍາ​ຊົນ​ເຜົ່າ​, ປະ​ກວດນາງ​ສາວ​​ເຜົ່າກຶມ​ມຸການ​ເດີນ​ແບບ​ຊຸດ​ຊົນ​ເຜົ່າງານ​ຕະຫຼາດ ນັດວາງສະ​ແດງ​ຜະລິດ​ຕະພັນ​ການທ່ອງທ່ຽວ​​ເຄື່ອງ​ຫັ​ດຖະກໍາ ວິຖີ​ຊີວິດ​ເຜົ່າ​ກຶມ​ມຸ ສິລະ​ປະວັດ​ທະນະ​ທໍາ​ເຜົ່າ​ກຶມ​ມຸ ​ແລະ ​ເຜົ່າ​ອື່ນໆນອກຈາກ​ນີ້​ ກໍ​ຈະ​ມີບຸນປະ​ເພນີຕ່າງໆ ໂດຍ​ໄດ້​ຈັດ​ວາງ​ເປັນ​ປະຕິທິນ​ ການທ່ອງທ່ຽວ ​ເທສະການບຸນ​ປະ​ເພນີ​ປະ​ຈໍາປີ ຢູ່​ແຕ່ລະ​ເມືອງພາຍ​ໃນ​ແຂວງຕື່ມ​ອີກ.

ການຈັດປີທ່ອງທ່ຽວລາວ 2018 ທີ່​ແຂວງ​ອຸດົມ​ໄຊ ​ເຜີຍແຜ່​ແນວທາງນະໂຍບາຍ​ ຂອງ​ພັກລັດ ກໍ​ຄື ຜົນສຳເລັດ​ ໃນ​ການ​ສ້າງສາ​ພັດ​ທະນາ​ ຂອງ​ປະຊາຊົນ​ບັນດາເຜົ່າພາຍ​ໃນ​ແຂວງ,​ ເພື່ອ​ປົກ​ປັກ​ຮັກສາ ​ແລະ ຄຸ້ມ​ຄອງ​ມໍລະດົກ​ທາງ​ດ້ານ​ທໍາ​ມະ​ຊາດວັດທະນະ​ທໍາ ​ແລະ ປະຫວັດສາດ ​ຂອງ​ແຂວງ​ໃຫ້​ຄົງ​ຄຸນຄ່າ​ ເພື່ອ​ດຶງ​ດູດ ​ແລະ ສົ່ງ​ເສີມ​ການທ່ອງທ່ຽວ​ເປັນ​ການ​ໂຄສະນາ​ເຜີຍ​ແຜ່​ ວັດທະນະ​ທໍາຮີດຄອງ​ປະ​ເພນີ​ອັນ​ດີງາມ​ວິຖີ​ຊີວິດ​ອັນ​ຈົບງາມ ​ຂອງປະຊາຊົນ​ບັນດາ​ເຜົ່າ ແຂວງ​ອຸດົມ​ໄຊຊຸກຍູ້​ປຸກ ລະດົມ​ຂະ​ບວນການ​ພັດທະນາ ແລະ ສົ່ງເສີມການທ່ອງທ່ຽວ​ ທີ່​ຖື​ເອົາການທ່ອງທ່ຽວ​ທຳ​ມະ​ຊາດວັດທະນະ​ທຳ ແລະ ປະຫວັດສາດ ໃຫ້ຂະຫຍາຍຕົວ​ຢ່າງ​ແຂງແຮງ​ຕໍ່​ເນື່ອງ ແລະ ຍືນ​ຍົງ,

 ພັດທະນາ​ການທ່ອງທ່ຽວ​ ໃຫ້ກາຍເປັນ​ອຸດສາຫະກຳ​ ການ​ທ່ອງທ່ຽວ​ທີ່​ມີ​ຄວາມ​ເຂັ້ມແຂງ ແລະ ​ສາມາດ​​ເພີ່ມ​ລາຍ​ໄດ້​ ທັງເປັນການ ໂຄສະນາ​ດຶງ​ດູດ ​ນັກ​ທ່ອງ​ທ່ຽວທັງ​ພາຍ​ໃນ ​ແລະ ຕ່າງປະເທດ ໃຫ້ກວມ​ເອົາ​ອັດຕາ​ສ່ວນ​ເພີ່ມ​ພ້ອມນີ້ ຍັງເປັນການຊຸກຍູ້​ສົ່ງເສີມ​ ການ​ທ່ອງທ່ຽວ​ພາຍ​ໃນ ລາວ​ທ່ຽວ​ລາວອຸດົມ​ໄຊ​ທ່ຽວ​ອຸດົມ​ໄຊ” ນອກຈາກຈະໄປທ່ຽວຊົມງານບຸນປີໃໝ່ຊົນເຜົ່າກຶມມຸແລ້ວ ແຂວງອຸດົມໄຊ ​ຍັງມີ ແຫຼ່ງທ່ອງ​ທ່ຽວ ​ທີ່​ໂດດ​ເດັ່ນຫຼາຍບ່ອນ​ເຊັ່ນ

  •  ນໍ້າ​ກັດ​ຢໍ​ລາ​ປາ

ຕັ້ງຢູ່ບ້ານແຟນ, ເມືອງໄຊ, ແຂວງອຸດົມໄຊ ຫ່າງຈາກເທດສະບານເມືອງໄຊ 24 ກິໂລ ແມັດ. ຈຸດເດັ່ນ ຫຼື ສິ່ງດຶງດູດນັກທ່ອງທ່ຽວມາທ່ຽວຢູ່ໃນ ເຂດປ່າສະຫງວນທີ່ມີປ່າດົງດິບດົກໜາ, ຕົ້ນໄມ້ໃຫຍ່, ມີຊີວະນາໆພັນຊະນິດຕ່າງໆ ທີ່ອາໄສຢູ່ໃນປ່າສະຫງວນ ດັ່ງກ່າວ ແລະ ເໝາະສົມທີ່ຈະໄປສຶກສາວິໄຈ ສິ່ງທີ່ມີຊີວິດດ້ານ ພຶກສາຊາດ, ຕາກອາກາດ, ກິນເຂົ້າປ່າ, ພັກຜ່ອນຢ່ອນອາລົມຕາມໂງ່ນຫີນ ແລະ ສາຍນ້ຳ. ນ້ຳຕົກຕາດນ້ຳກັດເປັນຕາດຊັ້ນດຽວ ມີຄວາມສູງປະມານ 15-20 ແມັດ ແລະ ກວ້າງປະມານ 20-50 ແມັດ, ໜ້າຕາດມີອ່າງອາບນ້ຳທຳມະຊາດ ທີ່ເຢັນສະບາຍ.

  •  ວັດ​ພະ​ເຈົ້າ​ສິງ​ຄໍາ​ ອົງ​ສັກສິດ​ເມືອງ​ຫຼາ

ວັດພະເຈົ້າສິງຄຳ ຕັ້ງຢູ່ໃຈກາງເທດສະບານ ເມືອງຫຼາ, ມີທ່າແຮງໃນການພັດທະນາ ໃຫ້ເປັນແຫຼ່ງທ່ອງທ່ຽວ. ເປັນວັດທີ່ເກົ່າແກ່, ມີປະຫວັດຄວາມເປັນມາ ທີ່ຍາວນານ ແລະ ເປັນວັດທີ່ມີ ພະເຈົ້າສັກສິດແຫ່ງໜຶ່ງ ທີ່ມີຊາວພຸດ ແລະ ສາສະນິກະຊົນທົ່ວໄປ ໄດ້ເຂົ້າໄປ ກາບໄຫ້ວພະເຈົ້າສິງຄຳ ເປັນຈຳນວນຫຼວງຫຼາຍ ເພື່ອຂໍພອນຕ່າງໆ ຕາມໃຈປະສົງ ຂອງແຕ່ລະຄົນ ບໍ່ໄດ້ຂາດໃນແຕ່ລະວັນ.

ວັດພະເຈົ້າສິງຄຳ ແຕ່ກ່ອນ ເອີ້ນວ່າ “ວັດກາງ” ເພາະເປັນວັດໃຫຍ່ ທີ່ຊາວເມືອງຫຼາ ພາກັນມາກາບໄຫ້ວສັກກາລະບູຊາເປັນທີ່ເພິ່ງທາງໃຈ. ຕາມການສັນນິຖານຂອງເຖົ້າແກ່, ວັດນີ້ໄດ້ສ້າງຂຶ້ນ ປະມານ 2,000 ກວ່າປີມາແລ້ວ ຕັ້ງຢູ່ເທິງພູເຂົາຄວາຍ ບ້ານປາກຫຼາ (ປະຈຸບັນໂຮມເປັນບ້ານດອນສະອາດ). ພາຍຫຼັງໄດ້ນຳເອົາພະເຈົ້າສິງຄຳ ມາປະດິດສະຖານໄວ້ນະທີ່ນີ້ ຈຶ່ງປ່ຽນຊື່ ວັດກາງ ມາເປັນ “ວັດພະເຈົ້າສິງຄຳ” ຕາມຊື່ຂອງພະເຈົ້າສິງຄຳ ສຶບຕໍ່ມາຈົນເຖິງປະຈຸບັນ.

  • ຖໍ້າ​ຈອມ​ອອງ ​ເມືອງ​ໄຊ

ຕັ້ງຢູ່ບ້ານຈອມອອງ ເມືອງໄຊຫ່າງຈາກ ເທດສະບານເມືອງ   45 ກິໂລແມັດ. . ທ່າແຮງໃນການພັດທະນາ ການທ່ອງທ່ຽວຂອງ ແຂວງ ແມ່ນເປັນຖ້ຳໃຫຍ່, ຍາວ ແລະ ສວຍງາມທີ່ສຸດຂອງ ແຂວງ ອຸດົມໄຊເຊິ່ງປະກອບດ້ວຍສີສັນຕ່າງໆ ແບບທຳມະຊາດ ທີ່ອັດສະຈັນ, ມີຫຼາຍຮູ ເຂົ້າ-ອອກ ເຊິ່ງມີຄວາມຍາວທັງໝົດ ປະມານ 16 ກວ່າກິໂລແມັດ, ຄວາມກວ້າງຂອງຖ້ຳ ປະມານ 15-50 ແມັດ ແລະ ຄວາມສູງປະມານ 25-100 ແມັດ. ຢູ່ໃນຖ້ຳບາງບ່ອນ ມີສາຍນ້ຳໄຫຼຜ່ານ, ມີນົມຜາ, ຫີນຍ້ອຍທີ່ມີລວດລາຍສວຍງາມ, ຫີນແກ້ວເປັນສີຂາວເຫຼື້ອມ ຄືກັບເພັດພອຍ ເປັນກ້ອນໃຫຍ່ປະດັບປະດາ ຫ້ອຍຢູ່ຕາມຝາຫີນ ຄືກັບດອກໄຟຟ້າ ຢ່າງສວຍງາມ. ປັດຈຸບັນ ຖ້ຳດັ່ງກ່າວ ໄດ້ເອົາໄຟຟ້າແສງຕາເວັນເຂົ້າແລ້ວ ປະມານ 500 ແມັດ. ຢູ່ໃນຖ້ຳ ຍັງເປັນລັກສະນະເດີມ ທີ່ຍັງບໍ່ໄດ້ຮັບການດັດແປງແຕ່ຢ່າງໃດ. ຖ້ຳນີ້ ໄດ້ຜ່ານການສຳຫຼວດ ຂອງນັກວິທະສາດ ຈາກສະຫະພາບເອີຣົບໃນປີ 2009 ແລະ ປີ 2010 ເປັນຖ້ຳທີ່ເໝາະສົມ ໃນການພັດທະນາ ເປັນສະຖານທີ່ທ່ອງທ່ຽວ ໃນລະດັບຊາດ.

  •  ຕາດ​ຕະ​ແລ​ ເມືອງ​ຮຸນ ​

ຕາດຕະແລ ຕັ້ງຢູ່ບ້ານຕະແລ, ຫ່າງຈາກເທດ ສະບານເມືອງຮຸນປະມານ 20 ກວ່າກິໂລແມັດ, ການເຂົ້າເຖິງເປັນເສັ້ນທາງດິນແດງ. ຈຸດເດັ່ນຂອງຕາດນີ້ ເປັນນ້ຳຕົກຕາດແຫ່ງໜຶ່ງທີ່ມີຄວາມສວຍສົດງົດງາມທາງທຳມະຊາດ ເຊິ່ງອ້ອມຮອບດ້ວຍປ່າດົງດິບ ແລະ ປ່າເຄິ່ງດົງດິບທີ່ມີຕົ້ນໄມ້ໃຫຍ່, ນ້ອຍທີ່ມີໃບດົກໜາ ຂຽວງາມ ແລະ ເຕັມໄປດ້ວຍນົກນາໆຊະນິດ, ນ້ຳ ຕົກຕາດແຫ່ງນີ້ມີທັງໝົດ 7 ຕາດດ້ວຍກັນ, ມີທັງຕາດໃຫຍ່, ຕາດນ້ອຍຢັ່ງຢາຍໄປ ຕາມສາຍນ້ຳຕະ ແລະ ຍາວປະມານ 600 ກວ່າແມັດ

  • ທະ​ເລ​ໝອກ​ເມືອງ​ເໜືອສຳພັດກັບບັນຍາກາດໜາວເຢັນທີ່ເປັນທຳມະຊາດສຸດໆ. 

 

ຂ່າວ: ວັນ​ສີ ພວງ​ມະ​ໄລ

Comments