Senglao content (728×90)

ປະຊາຊົນເດືອດຮ້ອນ! ວອນເຈົ້າໜ້າທີ່ກວດກາຄືນ ລົດແກ່ດິນ, ຫີນ, ຊາຍ ເຮັດເຮ່ຍຕາມເສັ້ນທາງ

“ວອນເຈົ້າໜ້າທີ່ ເລັ່ງກວດກາຄືນ ລົດແກ່ດິນ, ຫີນ, ຊາຍ ທີ່ເຮັດເຮ່ຍຕາມທາງ ສ່ຽງເກີດອຸປະຕິເຫດ, ທາງເປີເປື້ອນ, ຂີ້ຝຸ່ນ ແລະ ເກີດບັນຫາຕ່າງໆຕາມມາ”

ມີຫຼາຍໆຄັ້ງທີ່ເກີດເຫດການແບບນີ້ຂຶ້ນຕາມເສັ້ນທາງຫຼາຍສາຍໃນນະຄອນຫຼວງວຽງຈັນ ແລະ ກໍຄິດວ່າ ແຂວງອື່ນໆກໍຄົງຈະພົບກັບບັນຫາເຫຼົ່ານີ້ຄືກັນ. ບາງເສັ້ນທາງປູຢາງ – ປູເບຕົງງາມໆແລ້ວ ກໍຍັງພົບກັບບັນຫານີ້ຄື ລົດແກຫີນ, ແກດິນ, ແກຊາຍ ໃສ່ຫຼາຍ ແລະ ໜັກເກີນກຳນົດ, ອັດຝາບໍ່ແໜ້ນ ຈົນລົ້ນແລ້ວຕົກເຮ່ຍຕາມເສັ້ນທາງ ເຊິ່ງເປັນສາເຫດໃຫ້ຖະໜົນຫົນທາງເປີເປື້ອນ, ເປັນຝຸ່ນ, ເປັນຕົມ ນອກຈາກນີ້. ກໍຍັງເປັນສາເຫດເຮັດໃຫ້ທາງເປ່ເພ່ໄວນຳອີກ.  ຕໍ່ກັບບັນຫານີ້ ຄິດວ່າຍັງບໍ່ມີທາງແກ້ໄຂ ແລະ ປະຕິບັດໃສ່ລະບຽບຕໍ່ກັບຜູ້ບໍ່ມີຈິດສຳນຶກ ແລະ ບໍ່ຮັບຜິດຊອບແບບນີ້ ເຮັດໃຫ້ປະຊາຊົນເດືອດຮ້ອນ.

ຝາກໃຫ້ເຈົ້າຂອງທຸລະກິດ ແລະ ພາກສ່ວນກ່ຽວຂ້ອງໄດ້ເອົາໃຈໃສ່ ກວດກາ ແລະ ມີມາດຕະກາດເດັດຂາດ ເພື່ອຊ່ວຍກັນຮັກສາເສັ້ນທາງ ໃຫ້ມີຄວາມສະອາດສວຍງາມ. ເນື່ອງຈາກ ບ້ານເມືອງມີການກໍ່ສ້່າງ ຖ້າບໍ່ມີມາດຕະການທີ່ເຂັ້ມງວດ ກໍ່ຈະເຮັດໃຫ້ການຂົນສົ່ງ ດິນ, ຫີນ, ຊາຍ ສ້າງຄວາມເປີເປື້ອນແກ່ເສັ້ນທາງ.

ລ່າສຸດດັ່ງກໍລະນີນີ້ ທີ່ຫາກໍເກີດຂຶ້ນມາໃໝ່ມາດໆ ແມ່ນວັນທີ 9 ມັງກອນ 2018 ເວລາປະມານ 12:40 ນາທີ ມີລົດບັນທຸແກ່ດິນ ແລ່ນລະຫວ່າງບ້ານສາລາຄຳ-ໄຟແດງ ໜອງໄຮ ເມືອງຫາດຊາຍຟອງ (ຖະໜົນທ່າເດື່ອ) ເຮັດດິນທີ່ແກ່ຕົກເຮ່ຍຕາມທາງ ມີທັງກ້ອນໃຫຍ່ ແລະ ນ້ອຍ ເປັນຈຳນວນຫຼາຍ.
>ສາເຫດເນື່ອງຈາກລົດບັນທຸກຄັນດັ່ງກ່າວບໍ່ລັອກຝາປິດທ້າຍ ຈຶ່ງເຮັດໃຫ້ເວລາບົດຕົກຂຸມ ຫຼື ແລ່ນບ່ອນມີຄື້ນ ກໍ່ຈະເຮັດໃຫ້ຝາເງີງແລ້ວດິນກໍ່ເຮ່ຍອອກ, ດັ່ງນັ້ນຈຶ່ງວອນພາກສ່ວນກ່ຽວຂ້ອງເບິ່ງຄືນ ເພາະດິນທີ່ຕົກເຮັດໃຫ້ລົດແລ່ນນຳຫຼັງມີຄວາມສ່ຽງ ໂດຍສະເພາະລົດຈັກແມ່ນຈະໄດ້ຮັບຄວາມສ່ຽງສູງ ອີກທັງຍັງເຮັດໃຫ້ເສັ້ນທາງເປື້ອນອີກ

 

ຊົມຄຼິບ ທີ່ປະຊາຊົນ ຖ່າຍມາ!

"ວອນເຈົ້າໜ້າທີ່ ເລັ່ງກວດກາຄືນ ລົດແກ່ດິນ ເຮັດດິນເຮ່ຍຕາມທາງ ສ່ຽງເກີດອຸປະຕິເຫດ" ວັນທີ 9 ມັງກອນ 2018 ເວລາປະມານ 12:40 ນາທີ ມີລົດບັນທຸແກ່ດິນ ແລ່ນລະຫວ່າງບ້ານສາລາຄຳ-ໄຟແດງ ໜອງໄຮ ເມືອງຫາດຊາຍຟອງ (ຖະໜົນທ່າເດື່ອ) ເຮັດດິນທີ່ແກ່ຕົກເຮ່ຍຕາມທາງ ມີທັງກ້ອນໃຫຍ່ ແລະ ນ້ອຍ ເປັນຈຳນວນຫຼາຍ.>ສາເຫດເນື່ອງຈາກລົດບັນທຸກຄັນດັ່ງກ່າວບໍ່ລັອກຝາປິດທ້າຍ ຈຶ່ງເຮັດໃຫ້ເວລາບົດຕົກຂຸມ ຫຼື ແລ່ນບ່ອນມີຄື້ນ ກໍ່ຈະເຮັດໃຫ້ຝາເງີງແລ້ວດິນກໍ່ເຮ່ຍອອກ, ດັ່ງນັ້ນຈຶ່ງວອນພາກສ່ວນກ່ຽວຂ້ອງເບິ່ງຄືນ ເພາະດິນທີ່ຕົກເຮັດໃຫ້ລົດແລ່ນນຳຫຼັງມີຄວາມສ່ຽງ ໂດຍສະເພາະລົດຈັກແມ່ນຈະໄດ້ຮັບຄວາມສ່ຽງສູງ ອີກທັງຍັງເຮັດໃຫ້ເສັ້ນທາງເປື້ອນອີກ

โพสต์โดย Laos 360°C / ລາວ 360 ອົງສາ บน 9 มกราคม 2018

ຄອມເມັ້ນຂອງປະຊາຊົນ ໃຫ້ຄວາມຄິດເຫັນ

ຢາກໃຫ້ພາກສ່ວນທີ່ກ່ຽວຂ້ອງເບີ່ງລົດແກ່ດີນເສັ້ນທາງຫຼັກ21ຕັດຫາເສັ້ນທາງ450ເປັນແບບນີ້ລະ ຕາມຄຼິບລຸ່ມນີ້!

ຢາກໃຫ້ພາກສ່ວນທີ່ກ່ຽວຂ້ອງເບີ່ງລົດແກ່ດີນເສັ້ນທາງຫລັກ21ຕັດຫາເສັ້ນທາງ450ເປັນແບບນີ້ລະ

โพสต์โดย Noumpom Somsack บน 1 พฤษภาคม 2017

ຢາກໃຫ້ພາກສ່ວນທີ່ກ່ຽວຂ້ອງຊ່ອຍເບີ່ງໃຫ້ແດ່ຕອນເຊົ້າມື້ນີ້ເວລາ7ໂມງມີລົດຂົນດີນແລ່ນຈາກຈີນາຍໂມແລ່ນຕາມເສັ້ນທາງຈີນາຍໂມໄປທາງສະຫນາມບີນວັດໄຕຢ່າງໄວເຮັດດີນຕົກໄປຕາມທາງຈົນລຳຄານຜູ້ຂັບຂີ່ຕາມຫລັງ ປ້າຍລົດແກ່ດີນແມ່ນປ້າຍກຳແພງ ບຊ 9596ເດີ້

โพสต์โดย ຄ້າຍແດງຟ້າຜ່າ ກັດຄືໝາວໍ້-ລໍ້ຄືໄກ່ປ່າສຸດໆ บน 13 พฤศจิกายน 2015

Comments