Senglao content (728×90)

ທ່ານ ຄຳໄຕ ສີພັນດອນ ຢ້ຽມຢາມແຂວງອັດຕະປື ສະແດງຄວາມເປັນຫ່ວງການເກີດສໍ້ລາດບັງຫຼວງ

ໃນຕອນບ່າຍ ວັນທີ 11 ມັງກອນ 2018, ທ່ານ ຄຳໄຕ ສີພັນດອນ ອາດີດປະທານພັກ, ປະທານປະເທດ ໄດ້ເດີນທາງມາຢ້ຽມຢາມແຂວງອັດຕະປື  ໂດຍມີທ່ານ ເລັດ ໄຊຍະພອນ ເລຂາພັກແຂວງ, ເຈົ້າແຂວງອັດຕະປື ພ້ອມດ້ວຍຄະນະປະຈຳພັກແຂວງ ໃຫ້ການຕ້ອນຮັບ. ໂອກາດດັ່ງກ່າວ ໄດ້ມີພິທີ ພົບປະໂອ້ລົມ ທີ່ສະໂມສອນຊັ້ນ 5 ສຳນັກງານອົງການປົກຄອງແຂວງ ໂດຍມີຄະນະພັກ, ຄະນະນຳຈາກພະແນກການອອ້ມຂ້າງຂອງແຂວງ ແລະ ເມືອງເຂົ້າຮ່ວມ.

ພາຍຫຼັງໄດ້ຮັບຟັງທ່ານເຈົ້າແຂວງ ລາຍງານສະພາບການພັດທະນາ ເສດຖະກິດ-ສັງຄົມ ຂອງແຂວງແລ້ວ ທ່ານ ຄຳໄຕ ສີພັນດອນ ໄດ້ໃຫ້ກຽດໂອ້ລົມ ປະເດັນສຳຄັນ ນອກຈາກທ່ານໄດ້ຍົກໃຫ້ເຫັນ ມູນເຊື້ອ ການນຳພາ ຂອງພັກແລ້ວ ທ່ານຍັງໄດ້ສະແດງຄວາມເປັນຫ່ວງ ຕໍ່ຄວາມເປັນແບບຢ່າງ ຂອງພະນັກງານສຳມະຊິກພັກ ທີ່ນຳພາແຕ່ລະຂົງເຂດໃນປັດຈຸບັນ, ເກີດມີການສໍ້ລາດບັງຫຼວງ ແລະ ເຮັດເປັນຂະບວນການ

ໂອກາດດັ່ງກ່າວ ທ່ານໄດ້ ຊີ້ນຳ ແລະ ເນັ້ນໃຫ້ແຂວງອັດຕະປື ກວດກາ ແລະ ປັບປຸງຄືນ ວຽກງານພັກ ໂດຍສະເພາະ ການກໍ່ສ້າງໜ່ວຍພັກ ຮູ້ນໍາພາຮອບດ້ານ ໃນແຕ່ລະຂົງເຂດ ລວມທັງຮາກຖານບ້ານກວດກາຄວາມຮັບຜິດຊອບ ການນຳພາຂອງສຳມະຊິກພັກ ແຕ່ລະສະຫາຍ ໃນການເຮັດສຳເລັດໜ້າທີ່ຕາມພາລະບົດບາດ ພ້ອມທັງ ປັບປຸງຄືນ ການສ້າງແຂວງ ເປັນຫົວໜ່ວຍຍຸດທະສາດ, ສ້າງເມືອງເປັນຫົວໜ່ວຍເຂັ້ມແຂງຮອບດ້ານ ແລະ ສ້າງບ້ານຫົວໜ່ວຍພັດທະນາ ໂດຍນຳໃຊ້ທ່າແຮງ ດ້ານຊັບພະຍາກອນມະນຸດ ແລະ ຊັບພະຍາກອນທຳມະຊາດ ເຂົ້າໃນການພັດທະນາ ໃຫ້ເກີດປະໂຫຍດສູງສຸດ ປະຊາຊົນ ແລະ ປະເທດຊາດ.

ທີ່ມາ:  Attapeu Online

Comments