Bike For Her
Senglao content (728×90)

ຊາຟ (SHARP) ຜູ້ນຳດ້ານເຕັກໂນໂລຊີຈາກຍີ່ປຸ່ນ ພ້ອມແລ້ວທີ່ຈະນຳພາຄວາມສຸກມາສູ່ຄອບຄົວພີ່ນ້ອງຊາວລາວ!!!

ຊາຟ (SHARP) ເປີດໂຕຢ່າງເປັນທາງການ ພາຍໃຕ້ຊື່ຊາຟ Sharp is coming! ໃນ ສປປ ລາວ.

ໃນຄໍ່າຄືນຂອງວັນທີ 2 ກຸມພາ 2018 ທີ່ຜ່ານມາ ຊາຟ ໄດ້ມີການຈັດງານເປີດໂຕ ຜະລິດຕະພັນຍີ່ຫໍ້ ຊາຟ (SHARP) ຢ່າງເປັນທາງການ ພາຍໃຕ້ຊື່ຊາຟ Sharp is coming! ໃນ ສປປ ລາວ ເຊິ່ງພິທີດັ່ງກ່າວໄດ້ຈັດຂຶ້ນທີ່ລານໜ້າຂອງ ບໍລິສັດ ສະຫຍາມ ອິນເຕີເນຊັນແນວ, ເປັນກຽດເປັນປະທານໃນງານໂດຍ ທ່ານ ໂລເບີດ ວູ ກຳມະການຜູ້ຈັດການ ບໍລິສັດ ຊາຟໄທ, ທ່ານ ສະຫຍາມ ອຳນວຍການບໍລິສັດ ສະຫຍາມ ອິນເຕີເນຊັ່ນແນວ, ທ່ານ ປ້ອງ ນະວັດ ກຸນລັດຕະນະລັດ ນັກສະແດງຊື່ດັງຈາກປະເທດເພື່ອນບ້ານ ພ້ອມດ້ວຍແຂກຮັບເຊີນຢ່າງຫຼວງຫຼາຍ ແລະ ພ້ອມດ້ວຍບັນດາອ້າຍນ້ອງຊື່ມວນຊົນທຸກຂະແໜງການ.

ທ່ານ ໂລເບີດ ວູ ກຳມະການຜູ້ຈັດການ ບໍລິສັດ ຊາຟໄທ ຍັງໄດ້ກ່າວວ່າ: ຊາຟ ແລະ ຄົນລາວມີ 2 ຢ່າງທີ່ຄ້າຍຄືກັນ ນັ້ນກໍຄືຄວາມຈິງໃຈ ແລະ ຄວາມຄິດ ຄືກັບສະໂລແກນທີ່ວ່າ ຊາຟຄື Sincerity ແລະ Creativity ແລະ ຂ້າພະເຈົ້າຫວັງວ່າ ຊາຟ ຈະນຳຄວາມສຸກມາສູ່ພີ່ນ້ອງຊາວລາວທຸກຄອບຄົວໃນລາຄາທີ່ຈັບຕ້ອງໄດ້ ສະບາຍກະເປົ໋າ ແລະ ໃນຂະນະທີ່ປະເທດລາວກຳລັງພັດທະນາເຕີບໃຫ່ຍໄປຢ່າງວ່ອງໄວ ຊາຟ ຂໍເປັນສ່ວນໜຶ່ງໃນການພັດທະນາເຕີບໂຕໄປພ້ອມໆກັບຊາວລາວດ້ວຍກັນ ເພື່ອຄຸນນະພາບຊີວິດທີ່ດີຂຶ້ນ ສະດວກສະບາຍຫຼາຍຂຶ້ນ ເຊິ່ງປະເທດລາວຖືເປັນປະເທດທຳອິດທີ່ ຊາຟ ໄດ້ເຂົ້າມາຂະຫຍາຍຕະຫຼາດໃນກຸ່ມອາຊ່ຽນ ແລະ ປະເທດທີ່ ຊາຟ ຈະມີແຜນຂະຫຍາຍຕໍ່ໄປແມ່ນ ກຳປູເຈຍ ແລະ ມຽນມ່າ ຕາມລຳດັບໃນໄວໆນີ້ Sharp is coming!!!

ສຳລັບ Sharp ຄືຜູ້ນຳດ້ານ ເຕັກໂນໂລຊີຈໍພາບ ຈາກປະເທດຍີ່ປຸ່ນ ເຊິ່ງເປັນບໍລິສັດ ທີ່ມີປະຫວັດຄວາມເປັນມາຫຼາຍກວ່າ 100 ປີ ເຊິ່ງຕະຫຼອດໄລຍະທີ່ຜ່ານມາ ຊາຟໄດ້ນຳສະເໜີຜະລິດຕະພັນທີ່ມີຄວາມເປັນເອກະລັກ ແລະ ໄດ້ສ້າງສັນສິ່ງໃໝ່ໆຢູ່ສະເໜີ ເພື່ອຕອບສະໜອງ ໃຫ້ຊີວິດການເປັນຢູ່ຂອງຜູ້ຊົມໃຊ້ໃຫ້ມີຊີວິດຊີວາຫຼາຍຂຶ້ນ ພ້ອມທັງຊ່ວຍໃຫ້ວິທີການເຮັດວຽກຂອງເຂົາເຈົ້າ ມີປະສິດທິພາບດີຂຶ້ນ ພ້ອມທັງຊ່ວຍໃຫ້ວິທີການເຮັດວຽກຂອງເຂົາເຈົ້າມີປະສິດທີພາບດີຂຶ້ນ, ປັດຈຸບັນນີ້ ຊາຟ ໄດ້ມີການຂະຫຍາຍຕະຫຼາດໄປທົ່ວມຸມໂລກ ພາຍໃຕ້ຄວາມເຊື່ອທີ່ວ່າ ”ຄວາມຈິງໃຈ ແລະ ສ້າງສັນ”

Comments