Bike For Her
Senglao content (728×90)

ລາວ ມີທ່າແຮງບົ່ມຊ້ອນດຶງດູດກຸ່ມບໍລິສັດຈີນ ເຂົ້າມາລົງທຶນດ້ານພະລັງງານໄຟຟ້າ

ຢູ່ເວທີສົນທະນາ ການຮ່ວມມື ລາວ-ຈີນ “ພາຍໃຕ້ ໜຶ່ງແລວ ໜຶ່ງເສັ້ນ ທາງ” ທ່ານ ຢູ ຊຽງຢົງ Yu Xiangrong ຮອງ ຜູ້ອຳນວຍການໃຫຍ່ ບໍລິສັດ ຊີໂນ ຮາຍໂດຣ ຣີສຊິສ ຈຳກັດ ທີ່ຂຶ້ນກັບ ກຸ່ມບໍລິສັດ China Power ໄດ້ ໃຫ້ສຳພາດ ຕໍ່ນັກຂ່າວສຳນັກຂ່າວສານປະເທດລາວ ​ໂດຍ​ຊີ້​ ໃຫ້​ເຫັນ​ວ່າ: ສປປ ລາວ ມີທ່າແຮງບົມຊ້ອນ ທີ່ດຶງດູດໃຫ້ບໍລິສັດ ຕົນ ກໍ​ຄື ຫຼາຍ​ບໍລິສັດ ຈາກ ສປ ຈີນ ເຂົ້າມາລົງທຶນ ດ້ານພະລັງງານໄຟຟ້າຢູ່​ລາວ​ ຢ່າງ​ຫຼວງຫຼາຍ.

 

ທ່າແຮງບົມຊ້ອນ ທີ່ເຮັດໃຫ້ບໍລິສັດ ສົນ​ໃຈ ເຂົ້າມາລົງທຶນໃນ ສ ປປ ລາວ ແມ່ນ ມີສອງປະເດັນຄື: ສອງປະເທດ ລະຫວ່າງ ຈີນ-ລາວ ເປັນປະເທດ ບ້ານໃກ້ ເຮືອນຄຽງ ມີສາຍພົວພັນ ມິດຕະພາບອັນດີງາມ ທີ່ເປັນ ມູນເຊື້ອຍາວນານ ໂດຍສະເພາະ ແມ່ນ ໃນຕົ້ນ ເດືອນ ພະຈິກ 2017​ ປີທີ່ຜ່ານມາ ທ່ານ ສີຈິນ ຜິງ ເລຂາທິການໃຫຍ່ ປະທານປະເທດຈີນ ໄດ້ມາ ຢ້ຽມຢາມ ລາວ ຢ່າງເປັນທາງການ ເຊິ່ງເປັນການຊຸກຍູ້ ການພົວພັນ ຮ່ວມມື ດ້ານຍຸດທະສາດ ລະຫ່ວາງ ລາວ-ຈີນ.​ ນອກນັ້ນ, ປະຊາຊົນລາວ ທີ່ຢູ່ໃນທຸກຂົງເຂດພື້ນທີ່ ກໍອຳນວຍຄວາມ ສະດວກ ແກ່ໂຄງການ ສປ ຈີນ ທີ່ມາ ລົງທຶນໃນ ສປປ ລາວ ມັນສະແດງອອກ ຢູ່ບ່ອນວ່າ ນັບແຕ່ທາງບໍລິສັດ ໄດ້ເລີ່ມຕົ້ນ ລົງມືກໍ່ສ້າງ ເຂື່ອນໄຟຟ້ານ້ຳງື່ມ 5 ທາງປະຊາຊົນ ໃນເຂດນັ້ນ ແລະ ບັນດາອຳນາດການ ປົກຄອງ ທ້ອງຖິ່ນ ລວມທັງ ລັດຖະບານ ສປປ ລາວ ກໍໃຫ້ການ ສະໜັບສະໜູນຊຸກຍູ້ຢ່າງເຕັມທີ່ ແກ່ໂຄງການ ຂອງຈີນ.

ສຳລັບ ປະເດັນທີ​ສອງຄື, ລັດຖະບານ ສປປ ລາວ ໄດ້ຕັ້ງແຜນຍຸດທະສາດ ໃນການສ້າງໃຫ້ ສປປ ລາວ ເປັນໝໍ້ໄຟ ຂອງອາຊຽນ ເຊິ່ງ ມັນເປັນໂອກາດ ແລະ ທ່າແຮງ ທີ່ດີໃຫ້ແກ່ໂຄງການ ສປ ຈີນ ທີ່ຈະເຂົ້າມາລົງທຶນ ກ່ຽວກັບພະລັງງານໄຟຟ້າ, ເນື່ອງຈາກວ່າ ແຜນຍຸດທະສາດ ຂອງ ສປປ ລາວ ກັບແຜນພັດທະນາ ວິສາຫະກິດ ສປ ຈີນ ແມ່ນ ມີຄວາມສອດຄ່ອງກັນ ກັບບັນດາວິສາຫະກິດ ຈີນທີ່ດຳ ເນີນທຸລະກິດ ພະລັງງານໄຟຟ້າ ຢາກເຂົ້າມາລົງທຶນຢູ່ ສປປ ລາວ ເພື່ອຊຸກຍູ້ການພັດທະນາເສດ ຖະກິດ-ສັງຄົມ ປະກອບສ່ວນ ເຂົ້າໃນການພັດທະນາຊີວິດການ ເປັນຢູ່ຂອງປະຊາຊົນເພື່ອ ໃຫ້ຫລຸດພົ້ນອອກຈາກ ຄວາມທຸກຍາກອີກດ້ວຍ.

ທ່ານ ຢູ ຊຽງຢົງ ​ໃຫ້​ຮູ້​ຕື່ມອີກ​ວ່າ: ທາງບໍລິສັດ ຊີໂນ​ຮາ​ຍ​ໂດຣ ໄດ້​ລົງທຶນ​ ໃສ່​ຂະ​ແໜງການ​ພະລັງງານ​ໄຟ​ຟ້າ​ ໃນ ສປປ ລາ​ວ ນັບ​ແຕ່​ປີ 2018 ​ເປັນຕົ້ນ​ມາ ໄດ້​ມີ​ການ​ກໍ່ສ້າງ ​ເຂື່ອນ​​ໄຟຟ້ານໍ້າ​ງື່ມ 5 ​​ເຊິ່ງສຳ​​ເລັດ ​ໃນປີ 2012​ ພ້ອມ​ດຳ​ເນີ​ນການ ຜະລິດ​ໄຟຟ້າທີ່​ມີ​ຄຸ​ນນະພາ​ບ​ ສະໜອງ​ໃຫ້​ແກ່​ປະຊາຊົນ ​ເຂດ​ນັ້ນ​ໄດ້​ເປັນ​ຢ່າ​ງດີ. ​ຈາກ​ນັ້ນ, ທາງ​ບໍລິສັ​ດ ກໍ​ໄດ້ສືບ​ຕໍ່​ລົງທຶນ​ໃສ່​ການ ​ສ້າງ​ເຂື່ອນ​​ໄຟ​ຟ້າ​ນ້ຳ​ອູ ​ໄລຍະ​ທີ 1 ​ແມ່ນ ​ເລີ່​ມ​ແຕ່ທ້າຍ​ປີ 2012 ​ແລະ ເຂື່ອນ​​ໄຟຟ້ານ້ຳ​ອູ​ 2,​ 5,​ 6 ​ໄປ​ພ້ອມໆ ກັນ ​ໂດ​ຍ​ໃຊ້​ໄລຍະ​ເວລາ​ ໃນ​ການ​ສ້າງ​ແມ່ນ​ 3 ປີ​ກ່ວາ ​ກໍ​ສຳ​ເລັດ, ມີ​ກຳລັງ​ແຮງ​ຕິດ​ຕັ້ງ 540 ​ເມັກ​ກາ​ວັດ ​​ແລະ ຖືກ​ນຳ​ໃຊ້​ ຢ່າງ​ເປັນ​ທາງການ. ຫຼັງ​ຈາກ​ນັ້ນ​, ​ໃນ​ເດືອນ​ ​ເມສາ 2016​ ​ເຊິ່ງ​ເປັນ​ໄລຍະ​ທີ​ສອງ​ ກໍ​ໄດ້​​ເລີ່​ມການ​ກໍ່ສ້າງ​ ເຂື່ອນ​ໄຟຟ້າ ນ້ຳ​ອູ 1,​ 3, 4, 7 ຈົນ​ເຖິ​ງປັດຈຸ​ບັນ ​​ເຊິ່ງຈະ​ໃຊ້​ເວລາ ​ໃນ​ການກໍ່ສ້າງ 21 ​ເດືອນ​, ​ໃນ​ຂະນະ​ນີ້ ທັ​ງ 4 ​ເຂື່ອ​ນ​ແມ່ນ ​ສຳເລັດການ​ສ້າງ​ກັງຫັນ​ນ້ຳ​ ​ແລະ ຄາດ​ວ່າ​ ຈະ​ໃຫ້​ສຳ​ເລັດ​ທັນ​ເວ​ລາ​ ຕາມ​ທີ່​ສັນຍາ​ກຳ​ນົດ​ໄວ້​ ໃນ​ທ້າຍ​ປີ 2019 ​ແລະ ອາດ​ຈະ​ເປີດ​ນຳ​ໃຊ້ ​ຢ່າງ​ເປັນ​ທາງ​ການ​​ ໃນປີ 2020 ​ເຊິ່ງຈະສາມາດ​ນຳ​ໃຊ້ ​ຜະລິດ​ພະລັງງານ​​ໄຟຟ້າ​ໄດ້​ເຖິງ 2 ຕື້ກິ​ໂລ​ວັດ​ໂມ​ງ/ປີ.

ທີ່ມາ: ຂ່າວສານປະເທດລາວ. ຂ່າວ: ພູທອງ ສີວົງສາ

Comments