Bike For Her
Senglao content (728×90)

ລາວ ຈະສົ່ງ 7 ສາຂາວິຊາຊ່າງ ຮ່ວມແຂ່ງຂັນສີມືແຮງງານ ອາຊຽນ

ສປປ ລາວ ຈະ​ສົ່ງ 7 ສາຂາວິຊາ​ຊ່າງ​​ຄື: ຈອດ​ໂລຫະ, ໄມ້​ເຄື່ອງ​ເຮືອນ, ຕັດຫຍິບ​ເຄື່ອງນຸ່ງ, ຊ່າງ​ກໍ່, ຕິດ​ຕັ້ງ​ໄຟຟ້າ​ ໃນ​ອາຄານ, ປຸງ​ແຕ່ງອາຫານ  ແລະ ອອກ​ແບບ​ກຣາຟິກ ເຂົ້າຮ່ວມ ງານ​ມະຫາ ກຳ​ແຂ່ງຂັນ ສີມື​ແຮງ​ງານ​ອາ​ຊຽນ ຄັ້ງ​ທີ 12 ​ເຊິ່ງຈະຈັດຂຶ້ນ ລະຫວ່າງ​​ວັນທີ 26 ສິງຫາ ເຖິງ 5 ກັນຍາ 2018 ທີ່ອິມແພັກອາລີນາ ເມືອງທອງທານີ ປະເທດໄທ.

​ງານ​ ມະຫາກຳ​ແຂ່ງຂັນ​ສີມື​ແຮງ​ງານ ​ອາ​ຊຽນ ຄັ້ງ​ທີ 12 ໂດຍແມ່ນ ກະຊວງແຮງງານ ແຫ່ງຣາຊະອານາຈັກໄທ ເປັນເຈົ້າພາບ ໂດຍການ ເປັນປະທານ ຂອງ ທ່ານ ວິວັດທະນາ ຕັງຫົງ ຮອງຫົວໜ້າ ຫ້ອງການກະຊວງແຮງງານ ໄທ, ມີ​ຄະນະ​ຜູ້​ແທນ ​ແລະ ຊ່ຽວຊານ ​ຈາກ 10 ປະ​ເທດສະມາຊິກ​ອາ​ຊຽນ, ຄະນະ​ຜູ້​ແທນ​ລາວ​ ນຳ​ໂດຍ​ທ່ານ ຄອນສີ ມະຫາວົງ ຮອງຫົວໜ້າ ກົມພັດທະນາສີມືແຮງງານ ແລະ ຈັດຫາງານ, ກະຊວງ​ແຮງ​ງານ ​ແລະ ສະຫວັດດີ​ການ​ສັງຄົມ ພ້ອມ​ດ້ວຍ​ຄະນະ ​ເຂົ້າ​ຮ່ວມ.

ຈຸດປະສົງ ຂອງກອງປະຊຸມຄັ້ງ​ນີ້ ແມ່ນ​ໄດ້ຄົ້ນຄວ້າ ແລະ ຮັບຮອງ ເອົາຫົວບົດ​ແຂ່ງຂັນ, ຈໍານວນ​ນັກ​ແຂ່ງຂັນ, ວັນ ແລະ ສະຖານ​ທີ່​ ຈັດການແຂ່ງຂັນ, ການແຕ່ງ​ຕັ້ງ​ຫົວໜ້າ ​ຜູ້​ຕັດສິນ, ຫົວໜ້າ​ ​ແລະ ຮອງ ຊ່ຽວຊານ ​ໃນ​ແຕ່​ລະສາຂາວິ​ຊາ​ຊ່າງ, ລວມທັງກົດລະບຽບ ຂອງການແຂ່ງຂັນສີມືແຮງງານ ອາຊຽນ ຄັ້ງທີ 12. ການແຂ່ງຂັນສີມືແຮງງານ ອາຊຽນ ແມ່ນຈັດຂຶ້ນ ໃນທຸກໆ 2 ປີ ​ເຊິ່ງປີນີ້ ຈະມີ 24 ສາຂາວິຊາ ທີ່ ຈະແຂ່ງຂັນ ແລະ 2 ສາຂາວິຊາ ສາທິດ ການແຂ່ງຂັນ ໂດຍ ຈະມີນັກແຂ່ງຂັນ ທີ່ມາຈາກ ບັນດາປະເທດ ສະມາຊິກອາຊຽນ 332 ຄົນ ລວມທັງ ຄູຝຶກ, ຜູ້ສັງເກດການ, ຜູ້ໃຫ້ການ ສະໜັບສະໜູນ ເຂົ້າຮ່ວມ ປະມານ 3.000 ກວ່າຄົນ.

ງານມະຫາກຳ ​ແຂ່ງຂັນ​ສີມື​ແຮງ​ງານ​ ອາ​ຊຽນ ຄັ້ງ​ທີ 12 ​ຈະມີການແຂ່ງຂັນ ທັງໝົດ 25 ສາຂາວິ ຊາຊ່າງຄື: ສາຂາວິຊາ​ຄວບ​ຄຸມ​ ລະບົບ​ເຄືອ​ຂ່າຍ​ໄອ​ທີ, ຄວບ​ຄຸມກົນຈັກອຸດ​ສະຫະ​ກຳ ​ແບບ​ອັດຕະ​ໂລນມັດ, ຕັດຫຍິບ​ເຄື່ອງນຸ່ງ, ປຸງ​ແຕ່ງອາຫານ, ​ເຄື່ອງ​ເຢັນ ​ແລະ ​ແອ​ເຢັນ, ບໍລິການ​ເສີ​ບອາຫານ, ລົດຍົນ, ຄວບຄຸມຫຸ່ນຍົນເຄື່ອນທີ່, ຕິດຕັ້ງສາຍເຄເບີ້ນ ອິນເຕີເນັດ, ອອກແບບ ວິສະວະກຳກົນຈັກ, ​ເມ​ຄາ​ໂທລນິກ, ​ແກ້ໄຂ ບັນຫາຊອ໋ບແວໄອທີສຳລັບ ທຸລະກິດ, ອອກ​ແບບກຣາຟິກ,  ປູ​ກາ​ໂລ ແລະ ຝາ, ອອກ​ແບບ​ ແລະ ພັດທະນາເວັ​ບ​ໄຊ, ຕິດ​ຕັ້ງ​ໄຟຟ້າ​ ໃນ​ອາຄານ, ຊ່າງ​ກໍ່, ປະກອບ​ເຂົ້າມູມ​ໄມ້, ໄມ້​ເຄື່ອງ​ເຮືອນ, ​ເອ​ເລັກ​ໂຕຣ ນິກ, ແຕ່ງ​ຊົງ​ຜົມ, ເສີມ​ສວຍ, ຈອດ​ໂລຫະ, ຊ່ຽນແບບຊີເອັນຊີ. ນອກຈາກ​ນີ້, ຍັງມີ 2 ສາຂາວິຊາ ທີ່ຈະ ສາທິດ ໃນການແຂ່ງຂັນ ຄັ້ງນີ້​ຄື: ສາຂາວິຊາ ສີລົດຍົນ ແລະ ສາຂາວິຊາ ອິນເຕີ ເນັດອ໊ອບຕິງ ເຊິ່ງສອງ ສາຂາວິຊານີ້ ຈະໄດ້ບັນຈຸເຂົ້າ ໃນການແຂ່ງຂັນ ສີມືແຮງງານ ອາຊຽນ ຄັ້ງທີ 13 ປີ.

ທີ່ມາ: ຂ່າວສານປະເທດລາວ. ຂ່າວ: ມະນີ​ທອນ

Comments