Senglao content (728×90)
Senglao content (728×90)

6 ວິທີຊ່ວຍປະຢັດການຊື້ລົດຄັນໃໝ່ ໃຫ້ໄດ້ລາຄາຖືກ ແລະ ກຸ້ມຄ່າ.

ຊື້ລົດໃໝ່ແບບປະຢັດເງິນໃນກະເປົາ ບໍ່ເປັນພຽງຄວາມຝັນອີກຕໍ່ໄປ ເພາະ 6 ວິທີນີ້ຈະຊ່ວຍໃຫ້ທ່ານຊື້ລົດຄັນໃໝ່ໄດ້ລາຄາທີ່ເໝາະສົມ ແລະ ກຸ້ມຄ່າ.

ຊື້ລົດຊ່ວງໂປຣໂມຊັ່ນ: ຖ້າທ່ານມີແຜນຢາກຊື້ລົດໃໝ່ຈັກຄັນ ນັບແຕ່ວິນາທີທີ່ຄິດຈະຊື້ລົດຄັນໃໝ່ໃຫ້ໝັ່ນຕິດຕາມຂ່າວສານຂອງລົດທຸກຍີ່ຫໍ້ ໂດຍການຕິດຕາມເພສຂອງຄ່າຍລົດໆໃນລາວທາງເຟສບຸກ ຫຼື ຕິດຕາມຕອນໄລຍະເທສະການງານບຸນຕ່າງໆ ຫຼື ລໍຖ້າຈັງຫວະທີ່ມີງານມໍເຕີໂຊປະຈໍາປີກໍໄດ້ (ປະເທດລາວເຮົາ ໄດ້ຈັດຂຶ້ນ 2 ປີ ແລ້ວ ແລະ ປີນີ້ ຈະເປັນເປັນທີ 3 ຈັດຂຶ້ນໃນລະຫວ່າງເດືອນ ຕຸລາ-ພະຈິກ ຂອງທຸກໆປີ ລົດແຕ່ລະຄ່າຍຈະມາລວມກັນ ແລະ ຈັດໂປຣໂມຊັນ ຫຼຸດລາຄາລົດແບບພິເສດສຸດໆ)  ແລະ ແມ່ນວ່າລາຄາໃນຊ່ວງໂປຣໂມຊັ່ນຈະບໍ່ໄດ້ຖືກກວ່າປົກກະຕິຫຼາຍປານໃດ ຢ່າງນ້ອຍທີ່ສຸດບໍລິສັດກໍອາດຈັດຂອງແຖມເຊັ່ນປະກັນໄພຊັ້ນໜຶ່ງ ຫຼື ດອກເບ້ຍຜ່ອນລົດທີ່ຖືກລົງ ລວມທັງເຄື່ອງຕົບແຕ່ງລົດ ແລະ ອຸປະກອນເສີມອື່ນໆໃຫ້ເທົ່ານີ້ກໍປະຢັດໄປໄດ້ຫຼາຍພໍສົມຄວນແລ້ວ.

ເລືອກລົດລຸ້ນເກົ່າ: ຢ່າຟ້າວຄິດວ່າລົດລຸ້ນໃໝ່ທີ່ຫາເປີດຕົວອອກມາໄດ້ບໍ່ດົນຈະເປັນລົດທີ່ມີປະສິດທິພາບ ແລະ ດີທີ່ສຸດໃນບັນດາລົດທຸກລຸ້ນຂອງແບຣນນັ້ນໆ ເພາະຄວາມຈິງແລ້ວລົດລຸ້ນເກົ່າທີ່ເປີດຕົວຕັ້ງແຕ່ 1-2 ປີທີ່ຜ່ານມາກໍອາດຈະມີສະມັດທະພາບທີ່ຄວບຄຸມການໃຊ້ງານຂອງທ່ານຫຼາຍກວ່າ ບາງເທື່ອການອອກແບບອາດຄລາສສິກຫຼາຍກວ່າລຸ້ນໃໝ່ກໍໄດ້ແຕ່ທີ່ສໍາຄັນລົດລຸ້ນເກົ່າທີ່ອອກມາດົນແລ້ວ ກໍມັກຈະມີລາຄາຕໍ່າກວ່າຕອນເປີດຕົວທໍາອິດ ນັ້ນໝາຍຄວາມວ່າທ່ານອາດຈະໄດ້ລົດທີ່ມີປະສິດທິພາບສູງໃນລາຄາສົມເຫດສົມຜົນທີ່ສຸດ.

ໃຊ້ປະໂຫຍດຈາກໂລກອອນລາຍໃຫ້ເປັນ: ດຽວນີ້ພຽງແຕ່ຄິກດຽວຈາກປາຍນິ້ວມືກໍສາມາດຄົ້ນຫາຂໍ້ມູນຂ່າວສານໄດ້ຢ່າງໄວວາ ສະນັ້ນເຮົາກໍຄວນນໍາປະໂຫຍດຂອງອິນເຕີເນັດມາໃຊ້ໃຫ້ກຸ້ມຄ່າ ກ່ອນຕັດສິນໃຈຊື້ລົດລອງຄົ້ນເບິ່ງຂໍ້ມູນຂອງລົດລຸ້ນຕ່າງໆກ່ອນ ,ເບິ່ງລີວິວຂອງຜູ້ໃຊ້ລົດມາກ່ອນກໍຍິ່ງດີ ແລ້ວນໍາຂໍ້ມູນທີ່ໄດ້ມາປຽບທຽບຂໍ້ດີຂໍ້ເສຍຢ່າງລະອຽດອີກເທື່ອໜຶ່ງ.

ສອບຖາມລາຍລະອຽດຂອງບໍລິການຫຼັງຂາຍ: ການຊື້ລົດຈັກຄັນບໍ່ແມ່ນເລື່ອງນ້ອຍໆ ເບິ່ງຈາກຈໍານວນເງິນທີ່ເຮົາຕ້ອງຈົກອອກຈາກກະເປົາຈ່າຍອອກໄປ ດັ່ງນັ້ນທາງທີ່ດີເຮົາຄວນເກັບກ່ຽວປະໂຫຍດຈາກບໍລິການຫຼັງການຂາຍເອົາໄວ້ໃຫ້ໄດ້ຫຼາຍທີ່ສຸດ ຫຼື ຕໍ່ລອງເງື່ອນໄຂບາງຢ່າງທີ່ເປັນປະໂຫຍດກັບຕົນເອງຈາກພະນັກງານຂາຍ.

Comments