Senglao content (728×90)
Senglao content (728×90)

ສູນກາງສະຫະພັນແມ່ຍິງລາວ ຈັດຕັ້ງສະເຫຼີມສະຫຼອງວັນແມ່ຍິງສາກົນ ຄົບຮອບ 108 ປີ

 ວັນທີ 7 ມີນາ 2018, ຄະນະນຳ ສູນກາງ ສະຫະພັນແມ່ຍິງລາວ ໄດ້​ຈັດໃຫ້ມີ 7 ກິດຈະກຳ ເພື່ອສະເຫຼີມສະຫຼອງ ວັນ​ແມ່ຍິງ​ ສາກົນ ຄົບຮອບ 108 ​ ວັນທີ 8 ມີນາ 2018 ພາຍໃຕ້ຄຳຂວັນ “ເຖິງເວລາແລ້ວ ທີ່ທຸກຄົນ ຕ້ອງຮ່ວມມືກັນ ປັບປຸງຊີວິດ ການເປັນຢູ່ຂອງແມ່ຍິງ ໃນຕົວເມືອງ ແລະ ຊົນນະບົດ ໃຫ້ໄດ້ຮັບການ ປ່ຽນແປງດ້ານຄຸນນະພາບທີ່ດີຂຶ້ນ” ເພື່ອ ໃຫ້ມີເນື້ອໃນຄວາມໝາຍເລິກເຊິ່ງ ແລະ ເປັນຂະບວນການກວ້າງຂວາງໃນທົ່ວປະເທດ.


1. ງານໂຮມຊຸມນຸມມິດຕິງ ເພື່ອທົບທວນຄືນ ປະຫວັດການຕໍ່ສູ້ ຂອງແມ່ຍິງ;

2. ກິດຈະກຳສຳ ມະນາສົ່ງ ເສີມຄວາມຮູ້ ພາຍໃຕ້ຫົວຂໍ້ “ແມ່ຍິງກັບສຸຂະພາບ”;

3. ກິດຈະກໍາ ກວດສຸຂະພາບ ເປັນຕົ້ນ: ສຸຂະພາບຕາ ເພື່ອສ້າງເງື່ອນໄຂ ໃຫ້ແມ່ຍິງໄດ້ມີໂອກາດເອົາໃຈໃສ່ ຕໍ່ສຸຂະພາບຂອງຕົນເອງ ແລະຄອບຄົວ;

4. ງານວາງ ສະແດງ ສິນຄ້າກໍຄື: ຜະລິດຕະພັນ ເພື່ອໂຄສະນາ ແລະ ຈຳໜ່າຍ ທີ່ເປັນສີໄມ້ລາຍມື ແລະ ຫົວຄິດປະດິດ ສ້າງ ຂອງແມ່ຍິງລາວບັນດາເຜົ່າ ຕິດພັນກັບ ປີທ່ອງທ່ຽວ ລາວ 2018;

5, ການຖາມ-ຕອບຄວາມຮູ້ແບບ ຄອບຄົວ ​ເຊິ່ງ ເນື້ອໃນໄດ້ເນັ້ນໃຫ້ຕິດພັນກັບ ວັນແມ່ຍິງສາກົນ;

6. ກິດຈະກຳຂີ່ລົດຖີບ ເພື່ອການກຸສົນ ເຊິ່ງຈະເລີ່ມຈາກປະຕູໄຊ ຜ່ານເສັ້ນທາງແຄມຂອງ ແລະ ເສັ້ນທາງ ຕ່າງໆ;

7. ກິດຈະກຳກິລາ, ສິລະປະວັນນະຄະດີ ແບບມວນຊົນຕິດພັນກັບຊີວິດ ປະຈຳວັນ ພາຍໃນ ຄອບຄົວ ແລະ ການສາຍວີດີໂອ ທີ່ເວົ້າເຖິງການເຄື່ອນໄຫວ ພົ້ນເດັ້ນໃນເວທີສາກົນ ເພື່ອຊຸກຍູ້ ສົ່ງເສີມພັນທະນາໜ້າທີ່ໃນການປະຕິບັດ ສົນທິສັນຍາ, ຖະແຫຼ່ງການ ແລະ ເປົ້າໝາຍ ການພັດທະນາ ແບບຢືນຍົງ. ລາຍຮັບທີ່ໄດ້ມາຈາກງານ ໃນຄັ້ງນີ້ແມ່ນມອບໃຫ້ ສູນປົກປ້ອງ ແມ່ຍິງທັງໝົດ.


ທ່ານ ນາງ ອິນລາວັນ ແກ້ວບຸນພັນ ປະທານ ຄະນະບໍລິຫານງານ​ສູນ​ກາງ​ ສະຫະພັນ​ແມ່ຍິງ​ລາວ ກ່າວວ່າ: ການສະເຫຼີມສະຫຼອງ ວັນແມ່ຍິງ ສາກົນ ​ໃນ​ປີນີ້ ເປັນຂະບວນການ ຟົດຟື້ນທົ່ວສັງຄົມ ແລະ ທຸກກົມກອງ ແລະ ມີເນື້ອໃນ ຄວາມໝາຍເລິກເຊິ່ງ ທັງເປັນການສຶກສາອົບຮົມ, ປຸກລະດົມ ຂະບວນການແມ່ຍິງ ໃນການຈັດຕັ້ງຜັນຂະຫຍາຍ ມະຕິ ກອງປະຊຸມໃຫ່ຍ ຄັ້ງທີ X ຂອງພັກ, ມະຕິກອງປະຊຸມໃຫ່ຍ ຜູ້ແທນແມ່ຍິງລາວທົ່ວປະເທດ ຄັ້ງທີ VII ແລະ ປະກອບສ່ວນສ້າງ ຂະບວນການ ປີທ່ອງທ່ຽວລາວ 2018. ພ້ອມ​ທັງ ​ຊີ້​ໃຫ້​ເຫັນ​ວ່າ: ໃນ​ໄລຍະ​ຜ່ານ​ມາ ເອື້ອຍນ້ອງແມ່ຍິງລາວບັນດາເຜົ່າ ກໍຄືແມ່ຍິງທົ່ວໂລກ ​ໄດ້ປະເຊີນໜ້າ ກັບສິ່ງທ້າ ທາຍຫຼາຍຢ່າງ ໃນຄວາມພະຍາຍາມຮ່ວມມື ກັນຕໍ່ສູ້ ແກ້ໄຂຄວາມທຸກຍາກ, ພ້ອມທັງສູ້ຊົນຊອກ ທຸກວິທີທາງ ແລະ ກາລະໂອກາດ ທີ່ເໝາະສົມໃນການ ສົ່ງເສີມ ຄວາມກ້າວໜ້າ ໃຫ້ແມ່ຍິງ ໄດ້ເຂົ້າເຖິງ ສິດທິ ແລະ ຜົນປະໂຫຍດ ອັນຊອບທຳ ຢູ່ໃນຂະບວນການ ພັດທະນາຮອບດ້ານ, ການສ້າງເງື່ອນໄຂ ເພື່ອເຮັດໃຫ້ຊີວິດການເປັນຢູ່ ໃນຄອບຄົວ ແລະ ສະພາບແວດລ້ອມ ລວມທັງ ໃນໜ້າທີ່ວຽກງານ ນັບມື້ນັບດີຂຶ້ນ.


ທ່ານ ນາງ ອິນລາວັນ ແກ້ວບຸນພັນ ລະບຸ​ຕື່ມ​ວ່າ: ສະເຫຼີມສະຫຼອງ ວັນ​ແມ່ຍິງ​ສາກົນ ຄົບຮອບ 108 ຍັງ​ເປັນ​ການ ທົບທວນຫວນຄືນປະຫວັດ ການເຄື່ອນໄຫວ ຂອງຂະບວນການ ແມ່ຍິງທົ່ວໂລກ, ພາກພື້ນ, ອາຊຽນ ແລະ ການເຂົ້າຮ່ວມເຄື່ອນໄຫວ ໃນຂະບວນການດັ່ງກ່າວ ຂອງ ສະຫະພັນແມ່ຍິງລາວ ໃນແຕ່ລະໄລຍະ ໂດຍສະເພາະ ໄລຍະ 1 ປີ ຜ່ານມານີ້.

ພ້ອມດຽວກັນນັ້ນ, ຍັງເປັນການ ປຸກລະດົມຄະນະນຳ ສະຫະພັນແມ່ຍິງແຕ່ລະຂັ້ນ, ສະມາຊິກ ສະຫະພັນແມ່ຍິງ ແລະ ແມ່ຍິງລາວບັນດາເຜົ່າ ຕັ້ງໜ້າເຂົ້າ ຮ່ວມຈັດຕັ້ງ ປະຕິບັດ ແຜນພັດທະນາ ເສດຖະກິດ-ສັງຄົມ ແຫ່ງຊາດ,ແຜນພັດທະນາ ແມ່ຍິງລາວ (2016-2020) ຕິດພັນກັບຂະບວນການ ເຄື່ອນໄຫວ ຂອງແມ່ຍິງ ໃນການເຂົ້າຮ່ວມ ປະກອບສ່ວນ ແກ້ໄຂຄວາມທຸກຍາກ,ການຈັດຕັ້ງ ປະຕິບັດສົນທິ ສັນຍາ, ຖະແຫລງການ ແລະ ເປົ້າໝາຍການພັດທະນາ ແບບຍືນຍົງ ​ຮອດ​ປີ 2030.


ສິ່ງສຳຄັນແມ່ນ ເປັນການຕີລາຄາຄືນ ແຜນພັດທະນາແມ່ຍິງລາວ, VIII ແຜນງານ 34 ໂຄງການ, ຕິດພັນກັບແຜນ ດຳເນີນງານແຫ່ງຊາດ ເພື່ອ ຄວາມສະເໝີພາບຍິງ-ຊາຍ, 6 ແຜນງານ ແລະ ແຜນດຳ ເນີນງານ ແຫ່ງຊາດວຽກງານແມ່ ແລະ ເດັກ, 5 ແຜນງານ, 159 ໂຄງການນຳ​ອີກ.

 

Comments