Senglao content (728×90)
Senglao content (728×90)

ສະຫຼຸບຜົນການແຂ່ງຂັນ Lao Golf Challenge 2018

ວາລະສານ ທາເກັດ ຮ່ວມກັບ ສະຫະພັນກິລາກ໊ອຟແຫ່ງຊາດລາວ ຈັດການແຂ່ງຂັນ Lao Golf Challenge ປະຈໍາປີ 2018 ຂຶ້ນຢ່າງເປັນທາງການໃນວັນທີ 10 ມີນາ 2018 ຢູ່ທີ່ສະໜາມກ໊ອຟ ລອງວຽນ, ນະຄອນຫຼວງວຽງຈັນ. ໂດຍການເຂົ້າຮ່ວມຂອງທ່ານ ບົວລານ ສິລິປັນຍາ ຮອງລັດຖະມົນຕີກະຊວງສຶກສາທິການ ແລະ ກິລາ, ທ່ານ ສູນທອນ ສີຣິສັກ ປະທານສະຫະພັນ ກ໊ອຟແຫ່ງຊາດລາວ, ມີບັນດາທ່ານຜູ້ໃຫ້ການສະໜັບສະໜູນ ແລະ ນັກກິລາກ໊ອຟ ຫຼາຍພາກສ່ວນທັງສາຍສະໜັກຫຼິ້ນ, ສາຍອາຊີບ ແລະ ສາຍອະວຸໂສ ເຂົ້າຮ່ວມທັງໝົດ 140 ຄົນ ໃນນີ້ ສາຍລາວຊາເລັນ ມີ 40 ຄົນ. 

ພິເສດໃນປີທີ 6 ນີ້ເພື່ອເຮັດໃຫ້ການແຂ່ງຂັນກິລາກ໊ອຟຂອງລາວເຮົາ ກ້າວສູ່ລະດັບສາກົນໃນອະນາຄົດ ທາງຄະນະກໍາມະການຈຶ່ງໄດ້ຕົກລົງຈັດການແຂ່ງຂັນຂຶ້ນ 2 ມື້ຕິດຕໍ່ກັນ ສຳລັບສາຍ Challenge (ບໍ່ມີແຕ້ມຕໍ່) ແມ່ນໄດ້ເລີ່ມແຂ່ງຂັນກັນໃນວັນທີ 9 ມີນາ 2018. ທັງນີ້,  ເພື່ອເປີດໂອກາດໃຫ້ນັກກິລາໄດ້ມີເວລາໃນການກຽມຕົວ ແລະ ບໍ່ມີຄວາມເຄັ່ງຕຶງໃນການແຂ່ງຂັນ ພ້ອມນີ້ທາງດ້ານກົດກະຕິກາຕ່າງໆ ກໍຈະໄດ້ປັບໃຫ້ເຂົ້າສູ່ລະດັບສາກົນ.

ທ່ານ ໄຊຍະສອນ ປັນຍາທິບ ຜູ້ອໍານວຍການສ້າງວາລະສານທາເກັດ ໃນນາມປະທານຈັດງານໄດ້ແຈ້ງໃຫ້ຊາບວ່າ: ການຈັດການແຂ່ງຂັນກ໊ອຟ ກໍເພື່ອເປັນການສ້າງຄວາມສາມັກຄີລະຫວ່າງນັກກິລາກ໊ອຟຂອງລາວ, ເພື່ອສົ່ງເສີມ ແລະ ພັດທະນາວົງການກິລາກ໊ອຟຂອງລາວໃຫ້ຂະຫຍາຍຕົວຂຶ້ນເລື້ອຍໆ, ເພື່ອເປັນການສ້າງຂະບວນການໃນວົງການກິລາກ໊ອຟລາວ ໃຫ້ມີອັນພົ້ນເດັ່ນຂຶ້ນ, ເພື່ອເປັນເວທີແຂ່ງຂັນຄັດເລືອກ ແລະ ເລືອກເຟັ້ນນັກກິລາກ໊ອຟສະໝັກຫຼິ້ນຂອງລາວ ທີ່ມີສີມືດີ ເຂົ້າແຂ່ງຂັນຢູ່ໃນລະດັບສາກົນ ແລະ ເພື່ອພົບປະສ້າງສັນ ແລກປ່ຽນທຸລະກິດ-ການຄ້າ ຮ່ວມກັນລະຫວ່າງເຈົ້າພາບຈັດງານ ກັບບັນດາສະມາຊິກລູກຄ້າ, ຫົວໜ່ວຍທຸລະກິດ ອ້ອມຂ້າງ.


ໃນ 5 ປີທີ່ຜ່ານມາຖືໄດ້ວ່າວົງການກິລາກ໊ອຟໃນບ້ານເຮົາໄດ້ມີການພັດທະນາຂຶ້ນ ແລະ ມີຜູ້ສົນໃຈເຂົ້າມາຫຼິ້ນກິລາປະເພດນີ້ຫຼາຍຂຶ້ນ ພ້ອມນີ້ ໂຄງການ Lao Golf Challenge ພວກເຮົາຍັງສາມາດສ້າງນັກກິລາລຸ້ນສືບທອດ,ລຸ້ນສາຍອາຊີບ ແລະ ສາຍສະໜັກຫຼິ້ນໃນແຕ່ລະປີ.

ສຳລັບຜົນການແຂ່ງຂັນ Lao Golf Challenge 2018 ມີດັ່ງນີ້:

ການແຂ່ງຂັນລະບົບ Galaway (ມີແຕ້ມຕໍ່) 

  • ລາງວັນຊະນະເລີດ ສາຍອາວຸໂສ ໄດ້ແກ່ທ່ານ ຈັນສະແຫວງ ທິບຄູນທອງ ຄະແນນ 89 ແຕ້ມຕໍ່ 15  ອອກ 74  ໄດ້ຮັບຂັນລາງວັນໃຫຍ່, ເຄື່ອງດື່ມ Carlberng ຟຣີ 6 ເດືອນ ພ້ອມ Gifset, ຖົງກ໊ອຟ ມາເຈສຕີ, ອ່ານວາລະສານທາເກັດ ຟຣີ 5 ປີ.
  • ລາງວັນພິເສດ ຕີໃກ້ທຸງ (Nearest to the PIN) ຂຸມ 7 ໄດ້ແກ່ທ່ານ ມຸກດາ ພົມມະຈັນ ໄລຍະຕີໄດ້ 1,7 ແມັດ ໄດ້ຮັບຂັນລາງວັນ, ເຄື່ອງດື່ມ Carlberng ຟຣີ 6 ເດືອນ, ເງິນສົດມູນຄ່າ 2.500.000 ກີບ Gifset ຈາກ ຈາກົວ ແລນໂຣເວີ, ອ່ານວາລະສານທາເກັດ ຟຣີ 5 ປີ.

  • ລາງວັນພິເສດ ຕີໃກ້ທຸງ (Nearest to the PIN) ຂຸມ 12 ໄດ້ແກ່ທ່ານ ໂກ້ ຕີສອນ ໄລຍະຕີໄດ້  2.00 ແມັດ ໄດ້ຮັບຂັນລາງວັນ, ເຄື່ອງດື່ມ Carlberng ຟຣີ 6 ເດືອນ, ເງິນສົດມູນຄ່າ 2.500.000 ກີບ Gifset ຈາກ ລາວ ຟອດຊີຕີ້​ ແລະ ອ່ານວາລະສານທາເກັດຟຣີ 5 ປີ.
  • ລາງວັນຕີໄກສຸດ (Long Drive) ຂຸມ 16 ໄດ້ແກ່ທ່ານ ມະໄລທອງ  ໄລຍະ 325 ຢາດ ໄດ້ຮັບຂັນລາງວັນ, ເຄື່ອງດື່ມ Carlberng ຟຣີ 6 ເດືອນ, ເງິນສົດມູນຄ່າ 2.500.000 ກີບ ຈາກ ຈາກົວ ແລະ ແລນໂລເວີ, ຫົວ Drive ໄມ້ກ໊ອຟ ຈາກມາເຈສຕີ  ແລະ ອ່ານວາລະສານທາເກັດຟຣີ 5 ປີ.

ລະບົບ Gallaway ສາຍ ຄ  2 ລາງວັນ

ຮອງອັນດັບ 1 ໄດ້ແກ່ທ່ານ  ເສັດ ໄຊຍະລາດ  ຂຸມ 8 ຄະແນນ 109 ແຕ້ມຕໍ່ 31 ອອກ 78 ໄດ້ຮັບຂັນລາງວັນ, ເຄື່ອງດື່ມ Carlberng ຟຣີ 6 ເດືອນ ແລະ ອ່ານວາລະສານທາເກັດຟຣີ 5 ປີ

ຜູ້ຊະນະເລີດໄດ້ແກ່ ທ່ານ ຈັນສະແຫວງ ບຸນຍົງ ຄະແນນ 103 ແຕ້ມຕໍ່ 25 ອອກ 78  ໄດ້ຮັບຂັນລາງວັນໃຫຍ່, ເງິນສົດ 1.500.000 ກີບ, ເຄື່ອງດື່ມ Carlberng ຟຣີ 6 ເດືອນ ແລະ ອ່ານວາລະສານທາເກັດຟຣີ 5 ປີ

ສາຍ ຂ ມີ 2 ລາງວັນ

ຮອງອັນດັບ 1 ໄດ້ແກ່ທ່ານ ຕຸ໋ຍ ທອງສະບາ ຂຸມ 13  ຄະແນນ 88 ແຕ້ມຕໍ່ 15 ອອກ 73  ໄດ້ຮັບຂັນລາງວັນ, ເຄື່ອງດື່ມ Carlberng ຟຣີ 6 ເດືອນ ແລະ ອ່ານວາລະສານທາເກັດຟຣີ 5 ປີ

ຜູ້ຊະນະເລີດ ໄດ້ແກ່ທ່ານ ສັນຕິ ແສງດາລາ ຂຸມ 16 ຄະແນນ 87 ແຕ້ມຕໍ່ 16 ອອກ 71 ໄດ້ຮັບຂັນລາງວັນໃຫຍ່, ເງິນສົດ 1.500.000 ກີບ, ເຄື່ອງດື່ມ Carlberng ຟຣີ 1 ປີ ແລະ ອ່ານວາລະສານທາເກັດຟຣີ 5 ປີ

ສາຍ ກ ມີ 2 ລາງວັນ

ຮອງອັນດັບ 1 ໄດ້ແກ່ທ່ານ ໂກບິຊຸ ຈັກໄມຕີ ຂຖມ 13 ຄະແນນ 78 ແຕ້ສຕໍ່ 6 ອອກ 72 ໄດ້ຮັບຂັນລາງວັນ, ເຄື່ອງດື່ມ Carlberng ຟຣີ 6 ເດືອນ ແລະ ອ່ານວາລະສານທາເກັດຟຣີ 5 ປີ.

ຜູ້ຊະນະເລີດ ໄດ້ແກ່ທ່ານ ຈອນສັນ Jhonson ຄະແນນ 80 ແຕ້ມຕໍ່ 9 ໄດ້ຮັບຂັນລາງວັນໃຫຍ່, ເງິນສົດ 1.500.000 ກີບ, ເຄື່ອງດື່ມ Carlberng ຟຣີ 1 ປີ ແລະ ອ່ານວາລະສານທາເກັດຟຣີ 5 ປີ

ການແຂ່ງຂັນລະບົບ Challeng (ບໍ່ມີແຕ້ມຕໍ່) ມີ 5 ລາງວັນ.

ຮອງອັນກັບ 4 ໄດ້ແກ່ທ່ານ ຈັດຕະນະວົງ ກິນດາວົງ ຄະແນນ 78+79=157 ໄດ້ຮັບຂັນລາງວັນ , ເງິນສົດ 1.500,000 ກີບ ເຄື່ອງດື່ມ Carlberng ຟຣີ 6 ເດືອນ ແລະ ອ່ານວາລະສານທາເກັດຟຣີ 5 ປີ, ບັດຮັບປະທານອາຫານບຸນເຟ ຟຣີ ຈຳນວນ 1 ລາງວັນ (2 ຄົນ) ທີ່ໂຮງແຮຄຣາວພາຊາ ວຽງຈັນ.

ຮອງອັນດັບ 3  ໄດ້ແກ່ທ່ານ ສີປະເສີດ ແພງດີ ຄະແນນ 74+80=154 ໄດ້ຮັບຂັນລາງວັນ , ເງິນສົດ 1.500,000 ກີບ ເຄື່ອງດື່ມ Carlberng ຟຣີ 6 ເດືອນ ແລະ ອ່ານວາລະສານທາເກັດຟຣີ 5 ປີ, ບັດຮັບປະທານອາຫານບຸນເຟ ຟຣີ ຈຳນວນ 1 ລາງວັນ (2 ຄົນ) ທີ່ໂຮງແຮຄຣາວພາຊາ ວຽງຈັນ.

ຮອງອັນດັບ 2 ໄດ້ແກ່ທ່ານ ໄຊຫຍິ່ງ ຕົງເຢີທໍ ຄະແນນ 78+71 =149 ໄດ້ຮັບຂັນລາງວັນ , ເງິນສົດ 1.500,000 ກີບ ເຄື່ອງດື່ມ Carlberng ຟຣີ 6 ເດືອນ ແລະ ອ່ານວາລະສານທາເກັດຟຣີ 5 ປີ, ບັດຮັບປະທານອາຫານບຸນເຟ ຟຣີ ຈຳນວນ 1 ລາງວັນ (2 ຄົນ) ທີ່ໂຮງແຮຄຣາວພາຊາ ວຽງຈັນ.

ຮອງອັນດັບ 1 ໄດ້ແກ່ ທ່ານ ກິດສະນຸ ຄະແນນ 73+75  =148 ໄດ້ຮັບຂັນລາງວັນ , ເງິນສົດ 1.500,000 ກີບ ເຄື່ອງດື່ມ Carlberng ຟຣີ 6 ເດືອນ ແລະ ອ່ານວາລະສານທາເກັດຟຣີ 5 ປີ, ບັດຮັບປະທານອາຫານບຸນເຟ ຟຣີ ຈຳນວນ 1 ລາງວັນ (2 ຄົນ) ທີ່ໂຮງແຮຄຣາວພາຊາ ວຽງຈັນ.

ສຳລັບຜູ້ຊະນະເລີດໃນແຂ່ງຂັນ ລາວກ໊ອຟ ຊາເລັນ ປະຈຳປີ 2018 ໄດ້ແກ່ທ່ານ ທຳມະສັກ ບົວຫອມ ອາຍຸພຽງ 20 ປີ ຄະແນນ 72+74  =146 ໄດ້ຮັບຂັນລາງໃຫຍ່ ແລະ ຂັນວຽນ ພ້ອມເງິນສົດມູນຄ່າ 5 ລ້ານກີບຈາກວາລະສານທາເກັດ,   ເຄື່ອງດື່ມ Carlberng ຟຣີ 1 ປີ , ຫົວ Drive ໄມ້ກ໊ອຟ ຈາກມາເຈສຕີ ແລະ ອ່ານວາລະສານທາເກັດຟຣີ 5 ປີ, ບັດຮັບປະທານອາຫານບຸນເຟ ຟຣີ ຈຳນວນ 1 ລາງວັນ (2 ຄົນ) ທີ່ໂຮງແຮຄຣາວພາຊາ ວຽງຈັນ.

ສຳລັບລາງວັນພິເສດຄື: ລາງວັນຕີໃກ້ຂຸມ 2 ລາງວັນ ແລະ ລາງວັນຕີໄກ 1 ລາງວັນ ແລະ ລາງວັນ Hole In One 2 ລາງວັນ ( ສຳລັບລາງວັນ Hole In One ແມ່ນໄດ້ເງິນສົດ 10 ລ້ານກີບ ຈາກບໍລິສັດ ລາວ ຟອດຊີຕີ້ ແລະ 10 ລ້ານກີບ ຈາກ ບໍລິສັດ ຈາກົວ-ແລນໂຣເວີ້). ປີນີ້ ແມ່ນບໍ່ມີໃຜສາມາດຮັບລາງວັນນີ້ໄດ້.

Comments