Senglao content (728×90)
Senglao content (728×90)

ສີ ຈິ້ນຜິງ ສາບານຕົນ​​ເຂົ້າຮັບຕໍາ​ແໜ່​ງອີກໜຶ່ງສະ​ໄໝ

ສີ ຈິ້ນຜິງ ສາບານ​​ຕົນເຂົ້າຮັບຕໍາ​ແໜ່​ງ ​​ປະທານ​ ປະເທດຈີນ ອີກໜຶ່ງສະ​ໄໝ​ໃນຕອນ​ເຊົ້າວັນ​ເສົາທີ່ຜ່ານ ດ້ວຍຄະ​ແນນສຽງທີ່​ເປັນ​ເອກະພາບຈາກສາມັກຊິກ​ໃນ​ກອງປະຊຸມຄົບຄະນະຄັ້ງທີ 1 ຂອງສະ​ພາ​ປະ​ຊາ​ຊົນ​ແຫ່ງ​ຊາດ​ຈີນສະ​ໄໝ​ທີ 13 ຈໍານວນທັງ​ໝົດ 2,970 ສຽງ.

ທ່ານ ສີ ຈິ້ນຜິງ ອາຍຸ 64 ປີ ຍັງ​ໄດ້ຮັບ​​ເລືອກຕັ້ງ​ເປັນປະທານ ຄະນະກໍາມາທິການທະຫານສູນກາງ​ແຫ່ງ ສາທາລະນະລັດປະຊາຊົນຈີນ ດ້ວຍຄະ​ແນນສຽງ​ເປັນ​ເອກະພາບ ຂອງສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ.

ພິທີສາບານ​​ຕົນເຂົ້າຮັບຕໍາ​ແໜ່​ງຄັ້ງນີ້​ເປັນຄັ້ງທໍາອິດ ທີ່ ທ່ານ ສີ ຈິ້ນຜິງ ​ໃຫ້ສັດຈະຍາ​ບັນຕໍ່ໜ້າລັດທະທໍາມະນູນວ່າ ຈະຊື່ສັດບໍລິສຸດ​ຕໍ່ປະ​ເທດຊາດ ຕໍ່ປະຊາ​ຊົນ ຊື່ສັດຕໍ່ການປະຕິບັດໜ້າ​ທີ່ ​ແລະ ຍືດໝັ້ນພາລະກິດ​ສ້າງສາສັງຄົມ​ນິຍົມທີ່​ທັນສະ​ໄໝ​ແບບສີສັນພິ​ເສດຂອງຈີນສ້າງຄວາມຈະເລີນຮຸ່ງເຮືອງ, ຄວາມ​ເຄັ້ມ​ແຂງ ປະຊາທິປະ​ໄຕ ວັດທະນາທໍາທີ່ກ້າວໜ້າ ຄວາມກົມກຽວ ​ແລະ ຄວາມສວຍງາມ.
ກ່ອນໜ້ານີ້​ເມື່ອ​ເດືອນ ຕຸລາ ທີ່ຜ່ານ​ມາ, ກອງປະຊຸມໃຫຍ່ຄັ້ງທີ 19 ຂອງພັກກອມມູນິດຈີນຄັ້ງທໍາ​ອິດ ກໍໄດ້​ເລືອກຕັ້ງ​ ສີ ຈິ້ນຜິງ ເປັນເລຂາທິການ​ໃຫຍ່ ຄະນະ​ກໍາມະການສູນ​ກາງພັກກອມ​ມູນິດຈີນ ​ແລະ ປະທານ ຄະນະກໍາມາທິການທະຫານສູນກາງ​ແຫ່ງສາທາລະນະລັດປະຊາຊົນຈີນ.
​ປີ 2007, ທ່ານ ສີ​ ໄດ້ຮັບການ​ແຕ່ງຕັ້ງ​ເປັນ ຜູ້ປະຈໍາການຄະນະກໍາມະການສູນກາງພັກສູນ​ກາງພັກກອມ​ມູນິດຈີນ ແລະ ເປັນ ເລຂາທິການ​ໃຫຍ່ ຄະນະ​ກໍາມະການສູນ​ກາງພັກກອມ​ມູນິດຈີນ ປີ 2012 ​ແລະ ປະທານ ຄະນະກໍາມາທິການທະຫານສູນກາງ​ແຫ່ງສາທາລະນະລັດປະຊາຊົນຈີນ 2013.
​ໃນມື້ດຽວກັນ, ​ກອງປະຊຸມຄົບຄະນະຄັ້ງທີ 1 ຂອງສະ​ພາ​ປະ​ຊາ​ຊົນ​ແຫ່ງ​ຊາດ​ຈີນສະ​ໄໝ​ທີ 13 ​ໄດ້​ລົງຄະ​ແນນສຽງ​ ເລືອກ​ເອົາຮອງປະທານ ​ປະ​ເທດ ​ແລະ ປະທານ ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນສະ​ໄໝທີ 13 ​ໂດຍທານ ຫວັງ ກີສານ (Wang Qishan) ​​ເປັນຮອງ ປະທານ ​ປະ​ເທດ ​ແລະ ທ່ານ ຫຼີ ສານຊູ (Li Zhanshu) ​ເປັນ ປະທານ ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນສະ​ໄໝທີ 13​​.
ຫຼີ ​ເກີ​ສຽງ (Li Keqiang) ກໍ​ໄດ້ຮັບການລົງຄະ​ແນນສຽງຈາກສະມາຊິກ ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນສະ​ໄໝທີ 13 ​ເກືອບ 3.000 ຄົນ ​ເປັນ​​ນາຍົກລັດທະມົນຕີ​ແຫ່ງ ສປ ຈີນ ​ໃນວັນອາທິດຕອນເຊົ້ານີ້.
ທີ່ມາ: ຂ່າວສານປະເທດລາວ. ຂ່າວ: ຄໍາຫຼ້າາ ພານຸ​ວົງ

Comments