Senglao content (728×90)
Senglao content (728×90)

ດວງປະຈຳວັນສຸກ ວັນທີ 20 ເມສາ 2018

ວັນສຸກ ວັນທີ 20 ເມາສາ ພສ 2561 ຂຶ້ນ 6 ຄໍ່າ ເດືອນ 6 ລາວ.

ວັນອາທິດ: ວຽກງານ ຄວນຟ້າວສະສາງວຽກງານໃຫ້ສຳເລັດເພາະອີກບໍ່ດົນຈະມີວຽກງານເຂົ້າມາໃຫ້ທ່ານຮັບຜິດຊອບ, ການເງິນ ເກີດບັນຫາຕິດຂັດບໍ່ເປັນໄປຕາມຄາດຫວັງ, ຄວາມຮັກ ຄົນມີຄູ່ຄວາມສຳພັນຄ່ອງຕົວເພາະຕ່າງຄົນຕ່າງເຂົ້າໃຈກັນ, ຄົນໂສດມີເກນສົມຫວັງໃນໄວໆນີ້.

ວັນຈັນ: ວຽກງານ ເຖິງຈະມີອຸປະສັກ ແລະ ບັນຫາເຂົ້າມາແຕ່ໂດຍລວມຖືວ່າທ່ານກໍປະສົບຜົນສຳເລັດ, ການເງິນ ຄວນວາງແຜນການເງິນໄວ້ລ່ວງໜ້າເພາະໄລຍະນີ້ທ່ານເກັບເງິນບໍ່ຢູ່. ຄວາມຮັກ ຄົນມີຄູ່ມີໂອກາດໄດ້ໃກ້ຊິດກັບເພດກົງກັນຂ້າມຈົນເຮັດໃຫ້ຈິດໃຈຫວັ່ນໄຫວ, ຄົນໂສດຍັງຕ້ອງໂສດ.

ວັນອັງຄານ: ວຽກງານ ມື້ນີ້ເປັນມື້ດີເພາະບໍ່ວ່າທ່ານຈະເຮັດຫຍັງກໍຄ່ອງຕົວດີ. ການເງິນ ຖ້າຫາກມີບັນຫາຕິດຂັດຈະມີຄົນຄອຍໃຫ້ຄວາມຊ່ວຍເຫຼືອ, ຄວາມຮັກ ຄົນມີຄູ່ເລີ່ມເບື່ອໜ່າຍໃນຄວາມຮັກ, ຄົນໂສດມີໂອກາດໄດ້ພົບຮັກກັບເພື່ອນໃຫມ່.

ວັນພຸດ: ວຽກງານ ມີເກນປະສົບຄວາມສຳເລັດໃນສິ່ງທີ່ປາຖະໜາ, ການເງິນ ມີເກນໝົດເງິນໄປເພາະການໃຊ້ຈ່າຍກ່ຽວກັບເລື່ອງສຸຂະພາບ, ຄວາມຮັກ ຄົນມີຄູ່ຄົນຮັກເຂົ້າໃຈຜິດເພາະຄຳເວົ້າບາງຄຳ, ຄົນໂສດມີເກນຄອງໂສດແບບໄລຍະຍາວ.

ວັນພະຫັດ: ວຽກງານ ຈະມີເລື່ອງໃຫ້ທ່ານຕ້ອງຕັດສິນໃຈ ເຊິ່ງເປັນສິ່ງທີ່ມີຜົນຕໍ່ໜ້າທີ່ວຽກງານຂອງທ່ານໃນອະນາຄົດ, ການເງິນ ມີລາຍໄດ້ຫຼາຍແຕ່ກໍມີລາຍຈ່າຍຫຼາຍເຊັ່ນກັນ, ຄວາມຮັກ ຄົນມີຄູ່ຕ່າງຄົນຕ່າງເຮັດວຽກຈົນບໍ່ມີເວລາໃຫ້ກັນ, ຄົນໂສດຖ້າຫາກຮັກໃຜໃຫ້ເລີ່ມຈາກຄວາມເປັນເພື່ອນຈະສົມຫວັງ.

ວັນສຸກ: ວຽກງານ ສິ່ງທີ່ທ່ານຄິດ, ສິ່ງທີ່ທ່ານຫວັງກຳລັງຈະເປັນຄວາມຈິງໃນໄວໆນີ້, ການເງິນຄ່ອງຕົວດີບໍ່ມີບັນຫາ, ຄວາມຮັກ ຄົນມີຄູ່ມີຄວາມສຸກຫຼາຍເພາະມີໂອກາດໄດ້ໃຫ້ຊິດຄົນຮັກ, ຄົນໂສດຍັງຕ້ອງໂສດເພາະໄລຍະທີ່ທ່ານເຮັດວຽກຫຼາຍຈົນບໍ່ມີເວລາໃສ່ໃຈ.

ວັນເສົາ: ວຽກງານ ມີເກນໄດ້ຮັບຜິດຊອບວຽກງານທີ່ຍາກເກີນຄວາມສາມາດຈົນຄົນອື່ນຍ້ອງຍໍໃນຄວາມສາມາດຂອງທ່ານ, ການເງິນ ມີເກນໝົດເງິນໄປກັບການຊື້ຊັບສິນສິ່ງໃຫຍ່. ຄວາມຮັກ ຄົນມີຄູ່ເຂົ້າໃຈກັນເພາະມີເວລາໃຫ້ກັນຫຼາຍຂຶ້ນ, ຄົນໂສດມີເກນໄດ້ພົບກັບຄົນທີ່ຖືກໃຈໃນໄລຍະນີ້.

 

Comments