Senglao content (728×90)
Senglao content (728×90)

ສຸດຍອດ! ແພັດ ແຊ້ມ 21 ສະໄໝທີ່ບໍ່ເຄີຍມີເຮັດໄດ້ ຄວ້າເງິນ 265 ລ້ານກີບ!!!

ຫຼາຍຄົນລໍຖ້າຕິດຕາມຊົມ, ເຊຍ ແລະ ຕິດຕາມຂ່າວຄາວຂອງ ສາວລາວຄົນເກັ່ງ ສາວແພັດ ເພັດດາວອນ ທີ່ໄປແຂ່ງຂັນເພຶ່ອຊິງເງິນລ້ານບາດໃນລາຍການ ເສິກວັນດວນເພງ ທາງຊ່ອງ 1 ຂອງປະເທດໄທ. ມື້ວານນີ້ ເປັນມື້ຊິງແຊ້ມເພື່ອຮັບເງິນ 1 ລ້ານບາດ ເຊິ່ງຄູ່ທ້າຊິງຂອງ ສາວແພັດ ເປັນເຖິງເຈົ້າຂອງຄະນະລິເກ ອາຍຸ 20 ປີ ມາໃນເພງທີ່ໃຊ້ນໍ້າສຽງແບບບລູກທົ່ງໄທແທ້ ເຮັດໃຫ້ ແພັດ ໜັກໃຈສຸດໆ ແຕ່ ແພັດ ກໍບໍ່ຍອມແພ້ ງັດໄມ້ເດັດອອກມາໃຊ້ໂດຍໃຊ້ເພງ “ຄຳວ່າຮັກກັນມັນເຮ່ຍຖິ້ມໃສ” ອອກມາສູ້ຄູ່ແຂ່ງ ກ່ອນຮ້ອງເພງ ສາວແພັດ ກໍໄດ້ກຳລັງໃຈທີ່ດີຈາກແມ່ທີ່ສົ່ງຄຼິບມາຫາ ເຮັດໃຫ້ນາງນໍ້າຕາໄຫຼໄດ້ກຳລັງໃຈທີ່ດີຈາກແມ່ຈົນເຮັດໃຫ້ ສາວແພັດ ຮ້ອງເພງມ່ວນ ແລະ ເຕັມທີ່ໃນການຮ້ອງທີ່ສຸດ ຈົນສາມາດຄວ້າຕຳແໜ່ງແຊ້ມ 21 ສະໄໝໄດ້ ແລະໄດ້ເງິນລາງວັນໄປຈຳນວນ 1 ລ້ານບາດ ຫຼື 265 ລ້ານກີບ ໄດ້ກັບມາສ້າງບ້ານໃຫ້ແມ່ທີ່ປາກເຊໄດ້ຢ່າງທີ່ຕັ້ງໃຈ. 

ຊົມຄຼິບເຕັມນ້ຳຕາແຫ່ງໄຊຊະນະນີ້ໄດ້ເລີຍ.

ສຸດຍອດ! ສາວແພັດຄວ້າເງິນລ້ານ !!! ຕ້ອງເກັ່ງເທົ່ານັ້ນຈຶ່ງຈະຄວ້າແຊ໊ມແຈັກພັອດສູງສຸດຂອງລາຍການແຂ່ງຂັນປະກວດຮ້ອງເພງລະດັບປະເທດໄທ ເຖິງ 1 ລ້ານບາດ ຫລື 265.000.000 ກີບ ໄດ້. ເຊື່ອວ່າແຟນຄລັບສາວ ແພັດ ເພັດດາວອນ ຄຳມະນີວົງ ຕ້ອງຮວມໂຕກັນຢູ່ຫນ້າຈໍໂທລະພາບກັນແນ່ນອນ ເພາະມື້ນີ້ເປັນມື້ຕັດສິນວ່າສາວລາວ ຈະຜ່ານດ່ານມະຫາໂຫດນີ້ໄດ້ບໍ່ ແຕ່ແລ້ວຄວາມຝັນທີ່ລໍຄອຍມາເປັນເດືອນກໍກາຍເປັນຄວາມຈິງໄດ້ ໄດ້ເງິນລ້ານສົມໃຈມາສ້າງເຮືອນໃຫມ່ໃຫ້ແມ່ທີ່ປາກເຊ.ຊົມຄລິບເຕັມນ້ຳຕາແຫ່ງໄຊຊະນະນີ້ໄດ້ເລີຍ.

โพสต์โดย ແນວລາວ Neolao เมื่อ 24 เมษายน 2018

ມາຮູ້ຈັກ! ກັບແພັດ ເພັດດາວອນ ຄຳມະນີວົງ ອາຍຸ 28 ປີ ປັດຈຸບັນ, ເປັນນັກຮ້ອງຢູ່ຮ້ານອາຫານຕໍາມົ້ວ, ນະຄອນຫຼວງວຽງຈັນ, ຄອບຄົວຂອງແພັດ ເປັນຄອບຄົວທີ່ທຸກຍາກຫຼາຍ ຕັ້ງຕອນຍັງນ້ອຍ  ຕອນປະມານ ປ 3  ແມ່ນໄດ້ອອກໂຮງຮຽນ ເພາະມີເອື້ອຍນ້ອງນຳກັນຫຼາຍຄົນ ແມ່ຫາເງິນລ້ຽງ ແລະ ສົ່ງຮຽນບໍ່ທັນ.  ຈາກນັ້ນພໍໃຫຍ່ມາກໍ ຈຶ່ງຕັດສິນໃຈມາຢູ່ ແລະ ເຮັດວຽກກັບເອື້ອຍຢູ່ວຽງຈັນ, ເອື້ອຍເປັນແມ່ຄົວ.  ສ່ວນ ແພັດ ເປັນຜູ້ເສີບ, ລ້າງຖ້ວຍ… ເຮັດປະມານເກືອບ 1 ປີຢູ່ຮ້ານອາຫານຕໍາມົ້ວ ແລະ ມັກ ໃນການຮ້ອງເພງຕະຫຼອດ ໃນຢາມລ້າງຖ້ວຍ ເມື່ອຫົວໜ້າໄດ້ຍິນ ເຫັນແວ່ວໃນການຮ້ອງເພງ ຈຶ່ງເອົາເຮົາລອງຂຶ້ນເວທີຮ້ອງ ພໍມີແຂກຂອງຮ້ານມາທັກມາທ່ວງວ່າຮ້ອງເພງມ່ວນ ກໍໄດ້ກາຍເປັນນັກຮ້ອງປະຈຳຮ້ານອາຫານຕໍາມົ້ວ  ນີ້ກໍເປັນຈຸດເລີ່ມຕົ້ນຂອງການເປັນນັກຮ້ອງຂອງແພັດ.

 

Comments