Senglao content (728×90)
Senglao content (728×90)

ອອນອານົງ ຫອມສົມບັດ ສາວງາມຈາກເວທີ Miss Universe 2017

ສະບາຍດີ ນ້ອງຊື່ວ່າ ອອນອານົງ ຫອມສົມບັດ ຊື່ຫຼິ້ນ “ອອນ” ອາຍຸ 22 ປີ. ຮອງອັນດັບສອງ Miss Universe 2017 ປັດຈຸບັນ, ແມ່ນສໍາເລັດການສຶກສາມາຈາກປະເທດ ຮົງກາລີ ສາຂາ ການພົວພັນຕ່າງປະເທດ ແລະມາເຮັດວຽກເປັນ ຜູ້ຊ່ວຍ “ແອັດມິ້ນ” ຢູ່ທີ່ ອົງການແມ່ນໍ້າຂອງ ໄດ້ເກືອບປີແລ້ວ. ບຸກຄະລິກນິດໄສສ່ວນຕົວເປັນຄົນງ່າຍໆ ສະບາຍ ສະບາຍ ກົງໄປກົງມາ ມັກໃນການຮ້ອງເພງ, ແຕ້ມຮູບ, ປັ້ນຮູບຕ່າງໆ ນອກນັ້ນຍັງມັກອອກກໍາລັງກາຍໂດຍສະເພາະແມ່ນ ລອຍນໍ້າ.

ຂໍ້ດີ ແລະ ຂໍ້ເສຍຂອງ ສາວອອນ ແມ່ນຫຍັງ?

ສໍາລັບນ້ອງແລ້ວຂໍ້ດີ ແລະ ຂໍ້ເສຍຂອງຕົວເອງກໍຄືການເປັນຄົນກົງໄປກົງມານີ້ແຫຼະ ຂໍ້ດີຄືຕາມທີ່ນ້ອງຄິດເອງ ນ້ອງມັກການເວົ້າກົງໆນໍາກັນ ມັນເຮັດໃຫ້ຮູ້ສຶກວ່າມີຄວາມຈິງໃຈຕໍ່ກັນດີ ເພາະຄໍາຕໍານິມັນຈະເຮັດໃຫ້ເຮົາສາມາດປັບປຸງຕົວເອງໃຫ້ດີຂຶ້ນ ແຕ່ຖ້າຍິນແຕ່ຄໍາຍ້ອງເຮົາຈະບໍ່ຮູ້ປັບປຸງຕົວເອງເລີຍ.ຂໍ້ເສຍກໍຄື ສົມມຸດໝູ່ຖາມ ຫຼື ໃຜຖາມຫຍັງມາກໍຕາມ ນ້ອງຈະຕອບກົງໆໄປຄືກັນ ຖ້າມັນບໍ່ໂອເຄກໍຈະບອກວ່າບໍ່ໂອເຄ ຈະບໍ່ເວົ້າໃຫ້ຄົນອື່ນຮູ້ສຶກດີແຕ່ຄວາມຈິງມັນບໍ່ແມ່ນ ການທີ່ເປັນຄົນແບບນີ້ເລີຍເຮັດໃຫ້ຫຼາຍຄົນຮັບບໍ່ໄດ້ ແລະ ເຮັດໃຫ້ເຂົາເບິ່ງເຮົາບໍ່ດີປານໃດ?

 

 

Comments