Senglao content (728×90)
Senglao content (728×90)

ກຽມວາງສີລາລຶກ ໂຄງການກໍ່ສ້າງ ພະເຈົ້າໃຫຍ່ ແຂວງບໍ່ແກ້ວ

ວັນທີ 17 ພຶດສະພາ 2018 ທີ່ຈະມາເຖິງນີ້ ແຂວງບໍ່ແກ້ວ ຈະໄດ້ຈັດພິທີວາງສີລາລຶກ ໂຄງການ ກໍ່ສ້າງ ພຣະພຸດທະຣັດຕະນະບາຣະມີສຣີບໍ່ແກ້ວ ປາງຊະນະມານ ດ້ວຍທອງສຳລິດ ປະດິດສະຖານຢຸ່ພູໄຊຫົວຂອງບາຣະມີ (ພູ 106) ເມືອງຫ້ວຍຊາຍ ແຂວງບໍ່ແກ້ວ. ດັ່ງນັ້ນ, ຈຶ່ງຂໍເຊີນທຸກທ່ານເຂົ້າຮ່ວມພິທີ ແລະ ແຈ້ງຂ່າວມະຫາກຸສົນ ຜົນບຸນມາຍັງມວນຊົນ ກໍຄືຜູ້ທີ່ມີຈິດໃຈສັດທາ  ຊ່ວຍສົມທົບທຶນ ໃນການກໍ່ສ້າງພຣະເຈົ້າໃຫຍ່🙏🏻
ເຊິ່ງເຈົ້າຂອງໂຄງການແມ່ນ ຫ້ອງວ່າການແຂວງບໍ່ແກ້ວ,  ອອກແບບ ແລະ ຮັບເມົາກໍ່ສ້າງໂດຍ ບໍລິສັດ ຮ່ວມໃຈ  ສຳຫຼວດອອກແບບ ແລະ ທີ່ປຶກສາ ຈຳກັດຜູ້ດຽວ. 

ການລົງທຶນທັງໝົດແມ່ນການປະກອບສ່ວນຂອງທົ່ວສັງຄົມເປັນເຈົ້າສັດທາອຸໂປໂມທະນາວັດຖຸປັດໄຈກໍ່ສ້າງ ຊຶ່ງຈະມີການໂຄສະນາ ປຸກລະດົມ ແຜ່ປັດໄຈ ໄປຕາມແຕ່ລະບາດກ້າວ (ບໍ່ແມ່ນການລົງທຶນຂອງບໍລິສັດເອກະຊົນແຕ່ປະການໃດ) ທັງນີ້ກໍເພື່ອສ້າງໃຫ້ເປັນແຫຼ່ງທ່ອງທ່ຽວ, ເປັນສັນຍາລັກ- ເອກະລັກຂອງແຂວງບໍ່ແກ້ວ, ເປັນອານຸສອນສະຖານ ແລະ ເປັນມູນມໍລະດົກໄວ້ໃຫ້ແກ່ຄົນຮຸ່ນສືບທອດຕໍ່ໆໄປ. ຂໍຖືໂອກາດນີ້ແຈ້ງຂ່າວບຸນມາຍັງບັນດາທ່ານທີ່ມີຈິດໃຈໃສ່ສັດທາຈົ່ງກະກຽມກຳລັງໃຈ ກຳລັງກາຍ ກຳລັງວັດຖຸປັດໃຈໄວ້ເພື່ອປະກອບສ່ວນເປັນເຈົ້າສັດທານຳກັນ.

 

🙏🏻 ກຽມງານປັກສີລາລຶກ ໂຄງການພຣະເຈົ້າໃຫຍ່🙏🏻 🇱🇦ທີ່ພູ 106 ເມືອງຫ້ວຍຊາຍ ແຂວງບໍ່ແກ້ວ 🇱🇦

โพสต์โดย All About Bokeo – ຄົນບໍ່ແກ້ວ ແຂວງບໍ່ແກ້ວ เมื่อ 14 พฤษภาคม 2018

 

ຂ່າວທີ່ກ່ຽວຂ້ອງກ່ອນໜ້ານີ້:

ລົງທຶນ 40 ຕື້ ສ້າງພະເຈົ້າໃຫຍ່ ໃຫ້ກາຍແຫຼ່ງທ່ອງທ່ຽວອີກແຫ່ງໜຶ່ງຂອງບໍ່ແກ້ວ

ບໍ່ແກ້ວ

Comments