ເປີດຕົວ BMW 7 Series ລຸ້ນຫຼ້າສຸດ.

ງານເປີດຕົວ BMW 7 Series ລຸ້ນຫຼ້າສຸດ ໄດ້ຈັດໃນຂຶ້ນໃນຕອນແລງຂອງວັນທີ 2 ມິຖຸນາ 2016 ທີ່ຫ້ອງຂາຍ ພຣີມຽມ ໂອໂຕລາວ, ຖະໜົນ 23 ສິງຫາ, ບ້ານໜອງບອນ, ເມືອງໄຊເສດຖາ, ນະຄອນຫຼວງວຽງຈັນ ໂດຍການເປັນກຽດເຂົ້າຮ່ວມຂອງທ່ານ ກວັກ ໂຫວ ກຸນ(Kwag Hyu Gun) ປະທານ ພຣີມຽມ ໂອໂຕລາວ, ທ່ານ ສີລາ ວຽງແກ້ວ ຮອງລັດຖະມົນຕີກະຊວງການເງິນ ແລະ ບັນດາສື່ມວນຊົນ.

ລົດ BMW 7 Series ລຸ້ນຫຼ້າສຸດໄດ້ມີການພັດທະນາຫຼາຍຂຶ້ນກວ່າເກົ່າ ບໍ່ວ່າຈະເປັນລະບົບແຜງໜ້າປັດຄວາມໄວແບບໄຟຟ້າ, ລະບົບ ”ເຊັນເຊີ” ໃນການຈອດລົດ ແລະ BMW 7 Series ມາພ້ອມຄວາມຫຼາກຫຼາຍທາງດ້ານເຕັກໂນໂລຊີໃໝ່ໆທີ່ລ້ຳຍຸກເຊັ່ນ: “Carbon Core” ເປັນວັດສະດຸທີ່ນຳມາໃຊ້ໃນລົດ ເພື່ອຫຼຸດຜ່ອນນ້ຳໜັກຂອງລົດລົງໄດ້ເຖິງ 130 kg, ລະບົບຈໍສຳຜັດ, ລະບົບສັ່ງການດ້ວຍທ່າທາງຂອງມື, ລະບົບຫຼັງຄາແກ້ວ ທີ່ມີຫຼາກຫຼາຍສີທີ່ປັບປ່ຽນໄດ້ຕາມບັນຍາກາດ ແລະ ມາພ້ອມເຄື່ອງຈັກ 6ສູບ – ເທີໂບຄູ່. ທີ່ມີແຮງມ້າເຖິງ 326hp, ອັດຕາການກິນນ້ຳມັນແມ່ນສະເລ່ຍຢູ່ທີ 15km/L.

ບົດຄວາມແນະນໍາ

ສະແດງຄວາມຄິດເຫັນ