Senglao content (728×90)
Senglao content (728×90)

ນາຍົກມາເລເຊຍ ປັບຫຼຸດເງິນເດືອນຕົນເອງ ແລະ ຄະນະ 10%

ສຳນັກຂ່າວຕ່າງປະເທດລາຍງານ ຈາກນະຄອນຫຼວງກົວລະລຳເປີ ປະເທດມາເລເຊຍ ວ່າ: ດຣ.ທ່ານ ມະຫາເທ ໂມຮັມຫມັດ ນາຍົກລັດຖະມົນຕີມາເລເຊຍ ໄດ້ຫຼຸດເງິນເດືອນຕົນເອງ ພ້ອມດ້ວຍຄະນະລັດຖະມົນຕີ  10% ເພື່ອແບ່ງເບົາພາລະໜີ້້ສິນຂອງປະເທດ, ພ້ອມຍັງສັ່ງຍຸບເລີກໜ່ວຍງານ ຫຼື ຫ້ອງການທີ່ບໍຈຳເປັນຂອງລັດຖະບານອີກຈຳນວນໜຶ່ງ.  ເນື່ອງຈາກລັດຖະບານຊຸດໃໝ່ນີ້ ຕ້ອງຮັບມືກັບພາລະໜີ້ມູນຄ່າສູງເຖິງ 1 ລ້ານລ້ານລິງກິດ (ປະມານ 2.515 ແສນໂດລາ) ເຊິ່ງເປັນໜີ້ທີ່ສູງທີ່ສຸດເປັນປະຫວັດສາດ ເນື່ອງຈາກການສໍ້ໂກງຂອງລັດຊຸດເກົ່າ.

ການປະກາດຫຼຸດເງິນເດືອນຂອງຄະນະລັດຖະມົນຕີນີ້ ໄດ້ສະເໜີຂຶ້ນ ຢູ່ທີ່ກອງປະຊຸມລັດຖະມົນຕີ ເຊິ່ງເປັນກອງປະຊຸມຄັ້ງທຳອິດທີ່ຄະນະລັດຖະບານຊຸດໃໝ່ເຂົ້າຮັບຕໍາແໜ່ງ ແລະ ໄດ້ມີມະຕິເຫັນດີ ປັບຫຼຸດເງິນເດືອນລົງ 10% ໃນວັນພຸດ ວັນທີ 23 ພຶດສະພາ 2018  ເຊິ່ງເປັນແນວຄວາມຄິດ ນຳສະເໜີຂອງ ດຣ.ທ່ານ ມາຫາເທ ໂມຮັມຫມັດ ນາຍົກລັດຖະມົນຕີມາເລເຊຍ  ມາດຕະການນີ້ ເປັນມາດຕະການດຽວກັນກັບໃນໄລຍະທີ່ທ່ານເຄີຍ ໄດ້ຮັບແໜ່ງເປັນນາຍົກລັດຖະມົນຕີເປັນຄັ້ງທຳອິດໃນປີ 1981.  

ແລະ ທ່ານຍັງໄດ້ກ່າວວ່າ ຈະບໍ່ມີການບັງຄັບໃຫ້ພະນັກງານລັດລະດັບສູງ ຄົນອື່ນໆປະຕິບັດຕາມ ແຕ່ພວກເຂົາແມ່ນສາມາດເຂົ້າຮ່ວມໄດ້ຖ້າຫາກຕ້ອງການເປັນສ່ວນໜຶ່ງຂອງແຜນການຫຼຸດຄ່າໃຊ້ຈ່າຍພາຍໃນປະເທດ.

 

 

Comments