Senglao content (728×90)
Senglao content (728×90)

ລັດຖະບານ ສືບຕໍ່ປະຕິບັດຄຳສັ່ງ 15/ນຍ ຢ່າງເຂັ້ມງວດ

ການຈັດຕັ້ງປະຕິບັດ ຄຳສັ່ງເລກທີ 15/ນຍ ຂອງລັດຖະບານ ມາຮອດປັດຈຸບັນສາມາດດັດສົມ ແລະ ຍຸບເລີກໂຮງງານປຸງແຕ່ງໄມ້ ນັບທັງທຸລະກິດປຸງແຕ່ງໄມ້ຂະໜາດນ້ອຍ ທີ່ບໍ່ໄດ້ຮັບອະນຸຍາດ ແລະ ຜິດກົດໝາຍໄດ້ທັງໝົດ 1.545 ຫົວໜ່ວຍ ​ໃນຈຳນວນທັງໝົດ 2.857 ຫົວໜ່ວຍ.

ໃນຈຳນວນ 1.545 ຫົວໜ່ວຍ ທີ່ໄດ້ຍຸບເລີກຄັ້ງນີ້ ເປັນໂຮງງານທີ່ຕັ້ງຢູ່ໃນ ແລະ ໃກ້ກັບ 3 ປະເພດປ່າຈຳນວນ 27 ໂຮງງານ, ມີໂຮງງານອຸດສາຫະກຳປຸງແຕ່ງໄມ້ຈຳນວນ 328 ແຫ່ງ ແລະ ທຸລະກິດປຸງແຕ່ງໄມ້ຂະໜາດນ້ອຍແບບຄອບຄົວ 1.190 ຫົວໜ່ວຍ. ພ້ອມດຽວກັນນີ້ ລັດຖະບານ ຍັງສາມາດ ກວດພົບຜູ້ກະທຳຜິດ 630 ກໍລະນີ ລວມທັງໝົດ 700 ຄົນ ໃນນັ້ນ ມີພະນັກງານລັດ 421 ຄົນ, ຜູ້ປະກອບການ 59 ຄົນ ແລະ ປະຊາຊົນ 222 ຄົນ ເຊິ່ງໄດ້ມີການປັບໄໝ ແລະ ລົງໂທດຕໍ່ຜູ້ກະທຳຜິດ ຕາມລະບຽບກົດໝາຍ.

ທີ່ມາ: ຂ່າວສານປະເທດລາວ.

Comments