Senglao content (728×90)
Senglao content (728×90)

ໄດ້ຮັບເລືອກແລ້ວ! ເຈົ້າພາບບານໂລກ 2026 ມີ 3 ປະເທດຮ່ວມກັນ

ດັ່ງທີ່ເຮົາຮູ້ແລ້ວວ່າ ເຈົ້າພາບຈັດການແຂ່ງຂັນ ບານໂລກໃນຄັ້ງຕໍ່ໄປ ໃນປີ 2022 ແມ່ນ ປະເທດ ກາຕ້າ  ແລະ ໃນວັນທີ 13 ມິຖຸນາ 2018 ກ່ອນມື້ເປີດການແຂ່ງຂັນບານໂລກມື້ນີ້ ໄດ້ຈັດມີປະຊຸມ ລົງຄະແນນສຽງ ຈາກສະມາຊິກສະຫະພັນ​ບານ​ເຕະ​ນາໆ​ຊາດ ຫຼື ຟີຟາ ເພື່ອຄັດເລືອກເຈົ້າພາບຈັດການແຂ່ງຂັນບານໂລກໃນປີ 2026  ໄດ້ແກ່:  ອາ​ເມ​ລິ​ກາ, ​​ເມັກ​ຊິ​ໂກ ​ແລະ ກາ​ນາ​ດາ ຈະ​ຈັບ​ມື​ກັນ​ເປັນ​ເຈົ້າພາບ​ບານ​ໂລກ 2026 .  ເຊິ່ງຖືວ່າເປັນຄັ້ງທຳອິດທີ່ມີການໄດ້ຈັດຮ່ວມກັນ 3 ປະເທດ ແລະ ຍັງມີການເພີ່ມທີມໃນຮອບຊຸດທ້າຍຈາກ 32 ທີມ ມາເປັນ 42 ທີມ ອີກດ້ວຍ. 

3 ປະ​ເທດ​ຈາກ​ອາ​ເມ​ລິ​ກາ​ເໜືອ ​ໄດ້ສຽງ​ຄະ​ແນນ​ໂຫວດ​ເຖິງ 134 ຈາກ​ທັງ​ໝົດ 203 ຈາກ​ການ​ລົງມະຕິ​ຂອງ​ສະມາຊິກ ຟີ​ຟາ ທີ່​ນະຄອນຫຼວງ​ມອສ​ໂກ ປະ​ເທດຣັດ​ເຊຍ ​ໂດຍ​ເອົາ​ຊະນະ ​ໂມຣ໊ອກ​ໂກ ທີ່​ໄດ້ 65 ສຽງ​ໄປ.

ທັງ​ນີ້ ຖື​ວ່າ​ການຈັດການແຂ່ງຂັນບານໂລກ ຈະ​ກັບ​ໄປ​ຈັດ​ໃນ​ທະວີບອາ​ເມ​ລິ​ກາ​ເໜືອ​ເປັນຄັ້ງ ​ນັບ​ແຕ່​ປີ 1994 ​ເຊິ່ງເຄີຍຈັດ​ທີ່​ປະ​ເທດ​ສະຫະລັດ​ອາ​ເມ​ລິ​ກາ.

Comments