Senglao content (728×90)
Senglao content (728×90)

ໄປທ່ອງທ່ຽວ ຍາມຝົນ ດີແບບໃດ? ມື້ນີ້ ເຮົາມີຄຳຕອບ…

ຫຼາຍຄົນມີຄວາມອຸກອັ່ງໃນມະໂນໃນກ່ຽວກັບວຽກງານ , ກ່ຽວກັບສະຖາພາບທີ່ເປັນຢູ່ ຢາກຊິໄປປົດປ່ອຍຮ້ອງກ໊າກດັງໆ ຢູ່ບ່ອນໄກໆ ກະພັດຄິດຍາກ ວ່າ ຍາມຝົນນິມັນຈື້ນ, ໄປທ່ຽວລໍາບາກ ແລະ ກະບໍ່ຮູ້ຊິໄປໃສດີລະ

ຖິ້ມຄວາມຄິດຫຍຸ້ງໆຫັ້ນໄວ້ຊະ ລະຄິດວ່າຕົວເອງເປັນເດັກນ້ອຍອີກເທື່ອໜຶ່ງ ແລ້ວຮ້ອງດັງໆແຂ່ງສຽງຝົນວ່າ :  ຝົນມາແລ້ວ ໄດ້ເວລາອອກລັນລ່າ ມື້ນີ້ TARGET TRICK N TIP ຊິພາມາເບິ່ງຂໍ້ດີຂອງການທ່ຽວຍາມຝົນ ວ່າມັນຊິຟິນຂະໜາດ.

1; ທໍາມະຊາດບໍາບັດ :

ຄວາມຮູ້ສຶກສົດຊື່ນ , ຕົ້ນໄມ້ຂຽວງາມ, ທົ່ງຫຍ້າກ້ວາງສຸດສາຍຕາ, ຫຼຽວໄປທາງໃດກະສະບາຍໃຈ ເພາະສີຂຽວເປັນສີທີ່ເຮັດໃຫ້ຄົນມີພະລັງບວກ ,ກິ່ນດິນ ແລະ ລະອອງອາຍຝົນເຢັນໆຕັດກັບຄວາມຂຽວຂອງທິວທັດ ມັນກະເປັນພາບທີ່ງົດງາມຫຼາຍ ທີ່ໃນລະດູອຶ່ນບໍ່ສາມາດເຫັນໄດ້ , ຫາກເຮົາໄດ້ໄປຢືນໂງ່ໆ ຢູ່ຍອດພູ ຫຼື ທົ່ງກວ້າງ ແລ້ວວາແຂນອອກກກອດທໍາມະຊາດ ຄິດເບິ່ງແມ້ວ່າມັນຊິຟິນຂະໜາດໃດ

2; ອາຫານບໍາບັດ :

ຍາມແລ້ງ ອາຫານການກິນມັນກະອຶດແດ່ , ກິນຫຍັງກະແພງ , ໂດຍສະເພາະເວລາທີ່ເຮົາຕ້ອງຮັດສາຍແອວໃຫ້ເຄັ່ງໆ ເພື່ອບໍລິຫານຈັດການເງິນໃຫ້ລອດຮອດທ້າຍເດືອນເຮົາກະຕ້ອງໄດ້ກິນແບບອຶດຢາກແດ່ແມ່ນບໍ່ລະ , ແຕ່ລະດູຝົນອາຫານຕາມທໍາມະຊາດ, ຕາມລະດູການມີເກີດຂຶ້້ນຫຼາຍ ,ໂດຍສະເພາະແມ່ນ: ປາໄຂ່, ເຫັດປວກ, ເຫັດລະໂງກ , ຜັກປ່າ , ໜໍ່ໄມ້ຫວານໆ , ໝາກໄມ້ລົດຊາດເລີດໆ ທັງໝາກນັດ, ທຸລຽນ , ເງາະ , ລີ້ນຈີ່ , ລະມຸດລໍາໄຍ , ໜ່ວຍໄສໆແມ່ນໝາກຂາມປ້ອມ ກະວ່າໄປ … ບໍ່ວ່າຈະໄປທ່ຽວເມືອງດັງໆ ຫຼື ຕາມແຂວງຕ່າງໆ ກໍ່ຈະມີອາຫານການກິນທີ່ຄຸນະພາບດີ , ສົດ ແລະ ແຊບ , ແຫ່ງຖ້າເຮົາອອກທ່ຽວແບບວິຖີທ້ອງຖິ່ນ ຫຼື ກະແສ ECO- TOURISTM ກະແຫ່ງໄດ້ກິນດີຢູ່ດີໃນລາຄາບໍ່ແພງ

3; ນອນບໍາບັດ

ການຫາທີ່ພັກດີໆ ສະດວກສະບາຍ ແລະ ປ່ຽນບັນຍາກາດ ປ່ຽນບ່ອນນອນແດ່,  ກະຖືເປັນປັດໃຈສໍາຄັນໃນການທ່ອງທ່ຽວ ເພື່ອເພີ່ມພະລັງບວກ , ລະດູຝົນຖືເປັນ Low Season ຂອງການທ່ອງທ່ຽວໃນລາວ  ແລະ ບັນດານັກທ່ອງທ່ຽວຈາກຫຼາຍປະເທດໃນໂລກທີ່ເຂົາເຈົ້າຈະບໍ່ມີຕາຕະລາງວັນພັກຍາວ , ກະຖືວ່າເປັນການດີ ທີ່ມັນສົ່ງຜົນໃຫ້ບັນເຮືອນພັກ , ບັງກາໂຣ , ຣີສອດ ແລະ ໂຮງແຮມລະດັບຫຼາຍດາວນັ້ນ ຫຼຸດລາຄາຫ້ອງພັກ ຫຼາຍກວ່າ 50% ເລີຍກະວ່າໄດ້ , ແລ້ວຍັງບໍ່ພໍ ບາງບ່ອນຍັງມີການຈັດ Promotion ດີໆຫຼາຍຢ່າງ , ພຽງແຕ່ເຮົາຊອກເບິ່ງໄດ້ເລີຍຕາມ Page ທ່ອງທ່ຽວຂອງແຂວງ ຫຼື ໂຮງແຮມນັ້ນໆໄປເລີຍ , ຕົວຢ່າງບາງ Pakget: ພັກ 3ຄືນ ຈ່າຍ 2 ຄືນ , ແຖມອາຫານເຊົ້າ , ບວກນວດຜ່ອນຄາຍ , ບາງບ່ອນຮວມຄ່າບໍລິການລົດຮັບ-ສົ່ງເດີ່ນບິນ ຫຼື ລົດສົ່ງເຖິງສະຖານທີ່ທ່ອງທ່ຽວ ເຊັ່່ນນີ້ເປັນຕົ້ນ,  ຫາກວ່າໃນລະດູການທ່ອງທ່ຽວແລ້ວ Pakgetເຫຼົ່ານີ້ອາດຈະແພງຈົນຫູຈີກ ຫຼືທີ່ພັກກໍ່ເຕັມໝົດຈັ່ງຊີ້ , ແຕ່ຄວາມສະດວກຂອງການຈ່ອງທີ່ພັກຍາມຝົນ ຍັງບໍ່ໝົດເທົ່ານັ້ນ,  ບາງທ່ານ ອາດຈະທ່ຽວແບບ Bagepakerໄປຄໍ່າໃສນອນນັ້ນ,  ກໍ່ບໍ່ຕ້ອງກັງວົນວ່າທີ່ພັກຊິເຕັມ , ເຮົາສາມາດໄປຮອດສະຖານທີ່ ແລ້ວເລືອກຕໍ່ລອງກັບເຈົ້າຂອງທີ່ພັກໄດ້ແບບສະບາຍໆ , ແລ້ວທີ່ດີທີ່ສຸດ ເຮົາຊິໄດ້ພົບກັບມິດຕະພາບໃໝ່ໆ ກັບຄົນທີ່ໄປພັກບ່ອນດຽວກັນ ຫຼື ສ້າງຄວາມສະໜິດສະໜົມກັບເຈົ້າຂອງທີ່ພັກໄດ້ອີກ ເພາະລູກຄ້າໜ້ອຍ ເພີ່ນກະມີເວລາເບິ່ງແຍງເຮົາປຽບສະເໝືອນລູກຄ້າລະດັບ VERY VIP ແຕ່ລາຄາ VERY CHEEPແລະ ໄປອີກເທື່ອໜ້າກະຈະໄດ້ລາຄາພິເສດອີກ.

4; ເດີນທາງຢ່າງລາຊາໃນລາຄາປະຢັດ

ຍາມຝົນນີ້ ການບໍລິການຂົນສົ່ງທັງໝົດ ບໍ່ວ່າຈະເປັນ ທາງອາກາດ , ທາງບົກ ຫຼື ທາງນໍ້າ, ລາຄາຂອງການບໍລິການມັນກະຊິສວນກະແສກັບລາຄານໍ້າມັນແດ່ເລັກນ້ອຍ ,ຕັ້ງແຕ່ທ້າຍເດືອນເມາສາ ຫາເດືອນກັນຍາ ຖືວ່າເປັນໄລຍະ Low Season , ບັນດາສາຍການບິນ, ບໍລິສັດບໍລິການລົດນໍາທ່ຽວຕ່າງໆ ຕັ້ງແຕ່ລົດເມໃຫ່ຍຫຼາຍສິບບ່ອນນັ່ງ, ລົດຕູ້ ຫຼື ເຮືອ ກໍ່ຈະມີຫຼຸດລາຄາ ເພື່ອເຮັດໃຫ້ໄດ້ມີລາຍໄດ້ , ເຖິງຊິຫຼຸດລົງແດ່ ແຕ່ດີກວ່າບໍ່ມີ,  ເພາະລູກຄ້າໜ້ອຍກວ່າລະດູການອຶ່ນໆ , ເຊິ່ງມັນຈະຕ່າງຈາກລະດູອຶ່່ນ ໂດຍສະເພາະແມ່ນເດືອນ ຕຸລາ ຫາເດືອນ ມີນາ ທີ່ປະເທດລາວຖືວ່າເປັນ Hight Season ອັນນັ້ນລາຄາຄົນລະເລື່ອງກັນເລີຍ , ແຕ່ຢ່າງໃດກໍ່ດີ ເລື່ອງລາຄາບໍລິການການຂົນສົ່ງຄັນທຽບໃສ່ຂອດບໍລິການອຶ່ນກະຈະຖືວ່າ: ບໍ່ໄດ້ຫຼຸດລົງຫຼາຍເຖິງ 50% ໄດ້ ເພາະເຮົາກະເຂົ້າໃຈເຖິງປັດໃຈຫຼັກ ຄືລາຄານໍ້າມັນ , ຍາມຝົນ ຫຼື ຍາມໃດມັນກະບໍ່ໄດ້ຫຼຸດລົງເດ້ເນາະ

5; ຄ່າໃຊ້ຈ່າຍເບົາສະບາຍ

ການວາງແຜນອອກທ່ອງທ່ຽວໃນແຕ່ລະຄັ້ງ ແນ່ນອນວ່າເຮົາຕ້ອງ ຂຶ້ນແຜນລາຍຈ່າຍ ແລະ ມື້ຫ່ວາງໄວ້ລາວງໜ້າ, ເພື່ອບໍ່ໃຫ້ກະທົບກັບວຽກ ແລະຖ້າເປັນພັກຍາມທີ່ຄົນອຶ່ນບໍ່ພັກເຊັ່ນຍາມຝົນນີ້ກໍ່ແຫ່ງດີ , ເພາະຍາມເທດສະການທີ່ຄົນຢາກພັກຫຼາຍໆ ເຮົາກະມາເຮັດວຽກສະເໜີໜ້າໃຫ້ນາຍເຫັນ , ມັນອາດຊິເປັນຜົນດີຕໍ່ວຽກເຮົາອີກ, ເພາະບາງອົງກອນກໍ່ມີເງິນພິເສດໃຫ້ສໍາຫຼັບຜູ້ທີ່ດຸໝັ່ນເຮັດວຽກໃນຍາມພັກຕາມເທດສະການ ເຊັ່ນ: ປີໃໝ່ລາວ , ປີໃໝ່ສາກົນ ຈັ່ງຊີ້ເປັນຕົ້ນ ແລະ ແຜນຂອງລາຍຈ່າຍກໍ່ສໍາຄັນທີ່ສຸດ, ຫາກເຮົາໄປກັບບໍລິສັດທ່ອງທ່ຽວ ກໍ່ສະດວກເລີຍ ເພາະບໍລິສັດທ່ອງທ່ຽວຈະຄິດໄລ່ໃຫ້ເຮົາໝັງໝົດຕະຫຼອດການເດີນທາງ , ແຕ່ກະຕ້ອງກວດກາ ແລະ ສອບຖາມລາຍລະອຽດວ່າ : ຄ່າແພັກເກັຈທີ່ເຮົາຊື້ນັ້ນຄວບຄຸມຄ່າຫຍັງແດ່ ? ແຕ່ຖ້າອອກທ່ຽວເອງ ກໍ່ໄດ້ຂຶ້ນແຜນການເງິນເປັນຄ່າໃຊ້ຈ່າຍໄວ້ເລີຍ , ແຜນລາຍຈ່າຍການທ່ອງທ່ຽວທີ່ຕ້ອງຂຶ້ນໄວ້ຄື:

  • ຄ່າເດີນທາງ : ລົດຕຸ໊ກຕຸ໊ກ , ລົດຕູ້ ຫຼື ສອງແຖວ ,ຍົນ , ເຮືອ ແລະ ອຶ່ນໆ
  • ຄ່າທີ່ພັກ , ພັກຈັກວັນ ? ຕ້ອງ ຄິດເພື່ອໄວ້ 1 ວັນ ເພື່ອເຫດສຸກເສີນ = ?
  • ຄ່າອາຫານ 3 ຄາບ x ຈັກວັນ ? xຄາບລະເທົ່າໃດ ? = ?
  • ຄ່າເຂົ້້າສະຖານທີ່ທ່ອງທ່ຽວ ແລະ ຄ່າກິດຈະກໍາທ່ອງທ່ຽວ = ?
  • ເງິນສໍາຮອງ = ?

ຄ່າໃຊ້ຈ່າຍທັງໝົດເຮົາບໍ່ຈໍາເປັນຕ້ອງເກັບເປັນກ້ອນ ແລ້ວຈ່າຍບາດດຽວ,  ຄັນຫາກວາງແຜນມື້ແລ້ວ ກໍ່ສາມາດແບ່ງລາຍຈ່າຍອອກເປັນເທື່ອລະເດືອນໄດ້ເພາະບາງຄົນອາດຊິເສຍດາຍເງິນກ້ອນໃຫ່ຍ ແລ້ວກະບໍ່ໄດ້ໄປທ່ຽວຊໍ້າ , ສະນັ້ນ ລາຍຈ່າຍຄ່າເດີນທາງ ເຊັ່ນ: ປີ້ຍົນ ຫຼື ຄ່າທີ່ພັກທີ່ເຮົາສາມາດຈ່ອງກ່ອນຈ່າຍກ່ອນໄວເທົ່າໃດ ກໍ່ຈະຍິ່ງຖືກກວ່າເທົ່ານັ້ນ , ນອກຈາກນີ້ມັນຍັງເປັນການຜູກມັດຕົວເອງ,  ບັງຄັບຕົວເອງໃຫ້ທ້ອນເງິນເພື່ອສ່ວນລາຍຈ່າຍອື່ນໆ , ເພາະຄັນເຮົາບໍ່ໄປ ເຮົາກໍ່ຈະຍົກເລີກ ຄ່າປີ້ຍົນ ແລະ ຄ່າທີ່ພັກຂອງເຮົາທີ່ຈ່າຍມັດຈໍາກ່ອນຕາມໂປຣໂມຊັ້ນນັ້ນບໍ່ໄດ້ ແລ້ວ ກະຊິສູນເງິນໄປລ້າໆ , ເພາະແນ່ນອນບໍ່ມີໃຜຢາກສູນເງິນແມ່ນບໍ່ລະ

6; ຂໍ້ນີ້ສໍາຄັນທີ່ສຸດຂອງກຽມຕົວໄປທ່ຽວໃນຍາມຝົນ

ນອກຈາກເສື້ອກັນຝົນ, ຄັນຮົ່ມ , ໝວກ , ເກີບທີ່ໃສ່ໄດ້ທັງມື້ແດດ ແລະ ມື້ຝົນ , ຢາສາມັນປະຈໍາຕົວທົ່ວໄປແລ້ວ , ກະຄວນຊິມີຢາທາ ຫຼື ສິດກັນຍຸງແບບພົກພາ ເພາະຍາມຝົນກະເປັນຍາມຍຸງຄືກັນ ແລະ ກັນແມງໄມ້ໄດ້ນໍາ

ແຕ່ທີ່ສໍາຄັນທີ່ສຸດໃນການກະກຽມ:  ບໍ່ວ່າຊິອອກທ່ຽວຍາມໃດ ກໍ່ຄວນກຽມຮ່າງກາຍຕົວເອງໃຫ້ແຂງແຮງ , ໂດຍສະເພາະຍາມຝົນນີ້ ຕ້ອງກຽມເປັນພິເສດ ເພາະເຮົາຈະຕ້ອງໄດ້ພໍ້ສະພາບອາກາດທີ່ປ່ຽນແປງ , ບາງມື້ອາດຊິມີແດດແດ່ ,ສ່ວນຫຼາຍກະຊິ ປຽກຫຼາຍແດ່ , ສະນັ້ນສິ່ງທີ່ເຮົາຈະຕ້ອງຊອກຂໍ້ມູນກ່ອນວາງແຜນອອກທ່ຽວທ້າຝົນ ກໍ່ຄື,  ການກວດສອບສະພາບດິນຟ້າອາກາດກ່ອນ, ເພາະໄລລະນີ້ກໍ່ຖືວ່າ ກົມອຸຕຸນິຍົມ ແລະ ອູທົກກະສາດຂອງລາວ ກໍ່ພະຍາກອນອາກາດແມ້ນຕະຫຼອດ , ເພື່ອບໍ່ໃຫ້ເຮົາເອງເສຍອາລົມເກີນໄປ ກໍ່ຢ່າເລືອກໄປບ່ອນໃດ ຫຼື ໄລຍະໃດທີ່ມໍລະສຸມເຂົາໜັກ , ເພາະບາງເທື່ອອາດຈະບໍ່ແມ່ນແຕ່ສະພາບຝົນຕົກໜັກເທົ່ານັ້ນມັນອາດຈະລວມເຖິງນໍ້າຖ້ວມ , ດິນເຈື່ອນ ແລະ ອຶ່ນໆ , ສະນັ້ນການວາງແຜນການເດີນທາງເຜື່ອກະສໍາຄັນ ເພາະວ່າ ຫາກເຮົາຄາໄປຕິດເກາະ, ທາງຂາດ, ສາຍການບິນຍົກເລີກ ຫຼື ຫຼົງປ່າຢູ່ ກະອາດຊິເຮັດໃຫ້ເຮົາກັບມາເຮັດວຽກຊ້າ ແລ້ວຫົວໜ້າອາດຊິເຊີນເຮົາອອກໄປເປັນນັກທ່ອງທ່ຽວອິດສະຫຼະໄປເລີຍກໍ່ເປັນໄດ້

ການທ່ອງທ່ຽວຄືການຈ່າຍທີ່ຄຸ້ມຄ່າທີ່ສຸດ ເພາະເຮົາໄດ້ຄວາມສຸກທີ່ຈັບຕ້ອງບໍ່ໄດ້ ແຕ່ຕິດໃນໃຈເຮົາໄປຕະຫຼອດ , ການອອກເດີນທາງທ່ຽວອາດຈະເປັນຈຸດໝາຍປາຍທາງທີ່່ໃໝ່ ຫຼື ເກົ່າ ທີ່ເຮົາໄປຫຼາຍຄັ້ງ ແຕ່ເຊື່ອວ່າທຸກຄັ້ງຂອງການເດີນທາງທ່ອງທ່ຽວກໍ່ໃຫ້ປະສົບການໃໝ່ ແລະ ຄວາມຊົງຈໍາໃໝ່ໆຕ່າງກັນສະເໝີ /

 

Comments