Senglao content (728×90)
Senglao content (728×90)

ໃສ່ບາດສອງແຜ່ນດິນ ສັບປະດາວິສາຂະບູຊາ (ຕາມຮອຍຮັກສອງສີ )

ຜູ້ໃຫ່ຍທັງສອງຝັ່ງຮ່ວມນໍາພາພຸດທະສາຊະນິກະຊົນຢ່າງຫຼວງຫຼາຍຈາກສອງແຜ່ນດິນ ໃສ່ບາດໃນສັບປະດາວິສາຂະບູຊາ (ຕາມຮອຍຮັກສອງສີ ) ແລະ ອັດທະມີບູຊາອາຊຽນ ສານສໍາພັນໄມຕຣີອາຊຽນ ວັນທີ 20 ມີຖຸນາ 2018 , ກົງກັບ ມື້ຂຶ້ນ 8ຄໍ່າ ເດືອນ 8 ພສ 2561

ໂດຍທ່ານ ອໍາຄາ ລັດສະໝີ ຮອງເຈົ້າເມືອງແກ່ນທ້າວ, ແຂວງໄຊຍະບູລີ , ສປປ ລາວ ແລະ ທ່ານ ບຸນເລີດ ລັນທະນານາຍອໍາເພີທ່າລີ້ , ຈັງຫວັດເລີຍ ຂອງ ຣາຊະອາຈັກໄທ ຕັ້ງແຕ່ເຊົ້າໆ ທັງມີການສູດປະລິຕະມຸງຄຸນ , ຖວາຍປັດໃຈໄຊຍະທານ , ສໍາມະທານສິນໝູ່, ດ້ວຍຈຸດປະສົງໃຫ້ມິຕິທາງຫຼັກທໍາທາງພຸດທະສາດສະໜາເຊື່ອມໂຍງລະຫວ່າງສອງປະເທດ , ໃນການນໍາມາເຊິ່ງຄວາມສໍາພັນອັນແໜ້ນແຟ້ນຍິ່ງຂຶ້ນ

ເຖິງແມ່ນວ່າຂົວມິດຕະພາບລາວ-ໄທ ນໍ້າເຫືອງ ຫາກໍເຊື່ອມຈອດແຜ່ນດິນໄດ້ບໍ່ດົນປີ , ແຕ່ສໍາຫຼັບຄົນທ້ອງຖິ່ນແບນີ້ແລ້ວ ບໍ່ວ່າສາຍນໍ້າເຫືອງ ຫຼື ສາຍນໍ້າຂອງກໍ່ບໍ່ເຄີຍຕັດແຍກຄວາມຮັກ ຄວາມສາມັກຄີຂອງປະຊາຊົນສອງຝັ່ງໄດ້,  ເວົ້າຮວມກໍ່ຄື ຄົນສອງຊາດ ສອງສີທີ່ມີມາແຕ່ອາດີດຕະການຍາວນານເຖິງ 458​ ປີນີ້ແລ້ວ, ດັ່ງພະທາດສຣີສອງຮັກ ທີ່ຍັງຕັ້ງເດັ່ນເປັນສະຫງ່າ , ເປັນຫຼັກຖານແຫ່ງການສານສໍາພັນລະຫວ່າງອານາຈັກສຣີສັດຕະນະຄະຫຸດ ອຸດຕະມະ ຣາຊະທານີ ລ້ານຊ້າງຫົ່ມຂາວ ກັບ ອານາຈັກສຣີອາຍຸດທະຍາ ທີ່ຍາມໃດປະຊາຊົນຂອງສອງສີແຜ່ນດິນກໍ່ບໍ່ເຄີຍປະລະຮີດໃຫ້ໝອງ ບໍ່ປ່ອຍຄອງໃຫ້ເສົ້າ ລະລຶກເຖິງ ແລະ ໃຫ້ຄວາມສັກກາລັກບູຊາສະເໝີມາ

 

 

Comments