Senglao content (728×90)
Senglao content (728×90)

ປ່າໄມ້ ຄືຄຳຂຽວຂອງຊາດ ( Forest is the national green gold)

ໃນສະບັບເດືອນມິຖຸນາ 2018 ນີ້ ທາງວາລະສານທາເກັດ ຂໍຍົກເອົາການຄຸ້ມຄອງປ່າໄມ້ຂອງລັດຖະບານ ແລະ ການເພີ່ມເນື້ອທີ່ປົກຫຸ້ມຂອງປ່າໄມ້ທີ່ລັດຖະບານວາງເປົ້າໝາຍໄວ້ຮອດປີ 2020 ໃຫ້ໄດ້ 70% ໃນຂອບເຂດທົ່ວປະເທດມາສະເໜີ ເຊິ່ງເນື່ອງໃນໂອກາດເປັນເດືອນແຫ່ງການສະເຫຼີມສະຫຼອງວັນປູກຕົ້ນໄມ້ແຫ່ງຊາດ ແລະ ວັນເດັກນ້ອຍສາກົນ ທີ່ໝູນວຽນມາບັນຈົບຄົບຮອບອີກວາລະໜຶ່ງ.

ພັກ ແລະ ລັດຖະບານ​ໄດ້ກຳນົດ​ເອົາ​ວັນ​ທີ 1 ມິຖຸນາ (ວັນເດັກນ້ອຍ​ສາກົນ) ເປັນ​ວັນ​ປູກ​ຕົ້ນໄມ້​ແຫ່ງ​ຊາດ ເພື່ອ​ແນໃສ່​ປູກ​ຈິດສຳນຶກ​ໃຫ້​ແກ່​ລູກ​ຫຼານ​ຜູ້​ເກີດ​ໃໝ່ໃຫຍ່​ລຸນ​ໄດ້​ຮັບ​ຮູ້ ແລະ ເຂົ້າໃຈຄວາມ​ໝາຍ​ຄວາມ​ສຳຄັນ​ຂອງປ່າໄມ້ ທັງ​ເປັນ​ການ​ປຸກລະດົມ ແລະ ເສີມ​ຂະຫຍາຍ​ວຽກ​ງານ ບູລະນະປົກ​ປັກ​ຮັກສາ​ປ່າໄມ້​ໃຫ້ມີ​ຄວາມ​ອຸດົມສົມບູນ, ການ​ປູກຕົ້ນໄມ້​ໂອກາດ​ວັນ​ດັ່ງກ່າວ ໄດ້ກາຍເປັນ​ປະເພນີ ຫຼື ກຳນົດ​ໝາຍຂອງ​ພັກ ແລະ ລັດຖະບານ ເພື່ອຍົກ​ລະດັບ​ຄວາມ​ປົກ​ຫຸ້ມ​ປ່າໄມ້ໃຫ້​ໄດ້ 70% ໃນ​ປີ 2020 ກໍ​ຄືວິໄສ​ທັດ​ຮອດ​ປີ 2030 ກ່ຽວ​ກັບການ​ພັດທະນາ​ຕາມ​ທິດ​ສີຂຽວ ແລະ ຍືນ​ຍົງ.

Comments