Senglao content (728×90)
Senglao content (728×90)

5 ເຫດຜົນທີ່ການຕະຫຼາດຍຸກດິຈິຕ້ອລ ຕ້ອງໃຊ້ AI

ການຕະຫຼາດຍຸກດິຈິຕ້ອລ ປະຕິເສດບໍ່ໄດ້ເລີຍວ່າຕ້ອງວ່ອງໄວ ,ວິເຄາະເຈາະເລິກ ,ເຂົ້າເຖິງເປົ້າໝາຍກຸ່ມລູກຄ້າ ແລະ ຮູ້ລະອຽດລ່ວງໜ້າວ່າທິດທາງຂອງການຕະຫຼາດຄວນຈະວາງໄປທາງໃດ ເພື່ອໃຫ້ໄດ້ຂາຍ ແລະ ໄດ້ກໍາໄລສູງ , ປັນຍາປະດິດ ຫຼື AIອີກແລ້ວເດີ້ ເທັກໂນໂລຍີ້ອ່ານໃຈມະນຸດ ເໝືອນກັບ Siriໃນ iPhone ທີ່ຮູ້ເກືອບທຸກເລື່ອງເວລາຖາມ, ຫຼື Jarvis ທີ່ເປັນຜູ້ຊ່ວຍຂອງ  Iron Man , ລ່າສຸດ Facebook ໄດ້ເລີ່ມໃຫ້ມີລະບົບ Chatbot Marketing ໂປຣແກຣມໂຕ້ຕອບ ແລະ ເວົ້າວົມກັບລູກຄ້າຢ່າງຊານສະຫຼາດ , ເມື່ອມີຄໍາຖາມເຂົ້າມາໃນ Messenger  ແຕ່ສໍາຫຼັບນັກການຕະຫຼາດໃນຍຸກນີ້ບໍ່ຄວນພາດທີ່ຊິມາຮຽນຮູ້ກັບມັນຫຼາຍໆ ຮັບຮອງວ່າເຈົ້າຈະມີຄູ່ຫູທີ່ເປັນກູຣູເລື່ອງການຕະຫຼາດ ແລະ ມາເບິ່ງດູວ່າAI ຊິຊານສະຫຼາດຂະໜາດໃດ ແລະ ຊິຊ່ວຍໃຫ້ມີ Return of Investment ໄດ້ຫຼາຍປານໃດ !!!

ຖາມລ້ານເທື່ອກະຕອບໄດ້ໝົດ

ໝົດປັນຫາເລື່ອງຕອບຊ້າ Chatbotຈະເຮັດໜ້າທີ່ແທນເຮົາເລື່ອງໃຫ້ຂໍ້ມູນກັບລູກຄ້າ , ທີ່ສໍາຄັນຄື ຄ່ອຍໆປ່ຽນແປງພຶກຕິກໍາຂອງຜູ້ບໍລິໂພກໃຫ້ເຮັດຕາມແບບ Self – Service ກັບ AI ເມື່ອລູກຄ້າໄດ້ຮັບການຕອບສະໜອງຢ່າງວ່ອງໄວ , ຢູ່ລາວເຮົາກະເຫັນໃຊ້ຫຼາຍໃນເພຈຂາຍເຄື່ອງ Online ຫຼື ສູນບໍລິການຂອງອົງກອນໃຫ່ຍໆ ເຊັ່ນທະນາຄານເປັນຕົ້ນ,ນີ້ຄືຕົວຢ່າງການໃຊ້ Chatbotລອງເຂົ້າໄປເບິ່ງເດີ້ www.youtube.com/watch ?v=DPVJTbOStgc

ຂໍ້ມູນພ້ອມເຮັດການຕະຫຼາດຢ່າງຕໍ່ເນື່ອງ

ນັກການຕະຫຼາດທຸກຄົນຮູ້ດີວ່າຂໍ້ມູນຂອງຜູ້ບໍລິໂພກເປັນສິ່ງທີ່ສໍາຄັນ ແລະ ມີຄ່າທີ່ສຸດ ເຊິ່ງ Chatbotບໍ່ປ່ອຍໃຫ້ເລື່ອງນີ້ຜ່ານໄປລ້າໆຢູ່ແລ້ວ , ທຸກບົດສົນທະນາຈະໄດ້ຮັບການບັນທຶກ ແລະ ວິເຄາະຕໍ່ໄປເພື່ອພັດທະນາ , ທັງໂຕໂປຣແກຣມເອງ ແລະ ກຸ່ມເປົ້າໝາຍໃຫ້ຊັດເຈນຍິ່ງຂຶ້ນ AIສາມາດບອກເຮົາໄດ້ວ່າ ລູກຄ້າສົ່ງຄໍາຖາມໃດເຂົ້າມາຫຼາຍທີ່ສຸດ , ສິນຄ້າໂຕໃດໄດ້ຮັບຄວາມສົນໃຈໃນແຕ່ລະໄລຍະ, ວິທີການຊໍາລະເງິນຍອດນິຍົມ ຫຼື ແມ້ແຕ່ໝວດຄໍາທີ່ໃຊ້ກໍ່ສາມາດວິເຄາະອອກມາເປັນຄວາມຮູ້ສຶກຂອງລູກຄ້າໄດ້ ຖືວ່າເຮັດໄດ້ດີກວ່າລະບົບ Mamual ຫຼາຍເທົ່າ

ຍິງໂປຣໂມຊັ້ນ ເຖິງກຸ່ມເປົາໝາຍ

Customer Insight ຄືເຄື່ອງມືທີ່ນັກການຕະຫຼາດເອົາໄວ້ຈັດໂປຣໂມຊັ້ນ  , Newsletter  ແລະ EDM ເພື່ອສົ່ງເຖິງລູກຄ້າ ເພື່ອດຶງດູດໃຫ້ກັບມາໃຊ້ບໍລິການອີກຄັ້ງ, ແຕ່ Chatbotລໍ້າໜ້າໄປກວ່ານັ້ນຫຼາຍແລ້ວ ຄ້າຍໆກັບວ່າເປັນຊ່ອງໃໝ່ສໍາຫຼັບໂປຣໂມດສິຄ້າ ແລະ ການບໍລິການຢ່າງເຂົ້າເຖິງ , ໂປຣແກຣມຍັງປະເມີນຂໍ້ມູນລູກຄ້າທີ່ມີ ແລ້ວຍິງໂປຣໂມຊັ້ນອັນຫຼາກຫຼາຍໄປທາງ Messenger ໂດຍກົງ , ຮູ້ຈັກໃຊ້ພາສາໃນກຸ່ມດຽວກັນກັບຜູ້ບໍລິໂພກອີກ , ສະຫຼາດລໍ້າອີ່ຫຼີ  Chatbot, ເຖິງແມ່ນວ່າຈະເປັນຄ້າຍໆກັບລະບົບແບບ Customize ທີ່ສ້າງຄວາມເພິ່ງພໍໃຈໃຫ້ກັບລູກຄ້າໄດ້ດີກໍ່ແມ່ນ ແຕ່ ດ້ວຍອາລົມຂອງຄົນບາງເທື່ອເມື່ອໄດ້ຮັບຂໍ້ຄວາມໂຄສະນາຫຼາຍໆ ກໍ່ອາດຈະເປັນການລົບກວນ ແລະ ລໍາຄານໄດ້ ,ສະນັ້ນ AI ກໍ່ຈະຮູ້ຈັກຈັດການໃຫ້ເໝາະສົມ

ສ້າງການຕະຫຼາດທີ່ຍືນຍາວຈາກຄວາມຈິງໃຈ

Chatbotຫຼື AI ກະເປັນພຽງແຕ່ເຄື່ອງມືເຮັດໃຫ້ເຮົາເຂົ້າໃຈຜູ້ບໍລິໂພກ ຫຼາຍຂຶ້ນ ແລະ ຕອບສະໜອງພວກເຂົາໄດ້ກົງຕາມຄວາມຕ້ອງການ, ຕ້ອງບໍ່ລືມວ່າພຶດຕິກໍາຂອງຜູ້ບໍລິໂພກສາມາດປ່ຽນແປງໄດ້ສະເໝີ ອັນເກີດຈາກຫຼາຍໆປັດໃຈ ເຊິ່ງບາງຄັ້ງກໍ່ເກີນການຄວບຄຸມ, ໜ້າທີ່ຂອງເຮົາຄືການສ້າງການຕະຫຼາດແບບບອກຕໍ່ , ອີກ Key Word ໜຶ່ງທີ່ສ້າງຄວາມໝັ້ນຄົງໃຫ້ກັບທຸລະກິດ , ຄົ້ນຫາລູກຄ້າລາຍໃໝ່ ທີ່ສົນໃຈສິນຄ້າ ແລະ ການບໍລິການ, ຮວມທັງໃສ່ໃຈກັບປະສົບການຂອງລູກຄ້າເດີມທີ່ມີຢູ່ແລ້ວ, ຄວາມສະຫຼາດຂອງ Chatbotຈະຄົງຄວາມສະໝໍ່າສະເໝີໃນຂີດຄວາມສາມາດ ແລະ ການເຮັດວຽກກັບ Mass Cosumerໄດ້ແບບບໍ່ຮູ້ເມື່ອຍ ພຽງແຕ່ຄົນເທົ່ານັ້ນທີ່ເຂົ້າໃຈໃນຄວາມລະອຽດອ່ອນຂອງຄວາມຮູ້ສຶກຂອງຄົນ ກໍ່ຄືລູກຄ້າ , ດັ່ງນັ້ນເມື່ອມີການຕອງຮັບໃນທາງລົບ ຫຼື ປັນຫາທຸກກໍລະນີ ກໍ່ຍັງຕ້ອງແມ່ນຄົນທີ່ເປັນນັກການຕະຫຼາດທີ່ດີນັ້ນແຫຼະ ທີ່ຕ້ອງແກ້ໄຂຢ່າງຈິງໃຈ ໃຫ້ກັບລູກຄ້າ ແລະ ກໍ່ເພື່ອປັບປຸງການບໍລິການຂອງຕົວເອງໃຫ້ຄອງໃຈຜູ້ບໍລິໂພກ

ເຮັດການຕະຫຼາດໄດ້ ກະໃຊ້ເທັກໂນໂລຍີ້ໃຫ້ເປັນ  

ນັກການຕະຫຼາດລຸ້ນໃໝ໋ ຄວນໃຊ້ເຄື່ອງມືເທັກໂນໂລຍີ້ໃຫ້ເປັນ , ເພື່ອເອົາມາເປັນຕົວຊ່ວຍໃນການເຮັດວຽກໃຫ້ໄດ້ປະສິດທິພາບຫຼາຍຂຶ້ນ , ສໍາຫຼັບ AI ຄື Chatbotທີ່ວ່າມາຂ້າງຕົ້ນນັ້ນ , ນັກການຕະຫຼາດກໍ່ສາມາດສ້າງລະບົບຂຶ້ນມາດ້ວຍຄອນເຊັບຂອງເຮົາເອງ , ທໍາອິດເຮົາຕ້ອງເຂົ້າໃຈທໍາມະຊາດຂອງກຸ່ມເປົ້າໝາຍ ,ວາງຄາແຣັກເຕີ້ຂອງChatbotວ່າຢາກໃຫ້ຜູ້ບໍລິໂພກມີຄວວາມຮັບຮູ້ຕໍ່ມັນແບບໃດ?​Platform ທີ່ເໝາະກັບຕົວທຸລະກິດຂອງຕົວເອງ , ອາດຈະຊອກຂໍ້ມູນຈາກ Google ດ້ວຍຄໍາວ່າ: Chatbot Platformເຈົ້າຊິເຫັນຂໍ້ມູນມະຫາສານມີມາໃຫ້ເລືອກ, ຫຼື ວິທີທີ່ງ່າຍກວ່ານັ້ນກໍ່ຄືຈ້າງຄົນທີ່ມີຄວາມເຂົ້າໃຈກ່ຽວກັບAI ມາເບິ່ງແຍງໃຫ້ໃນແຕ່ລະຂັ້ນຕອນ , ຖ້າເປົ້າໝາຍຂອງເຈົ້າຊັດເຈນແລ້ວ ກໍ່ໃຫ້ລົງມືລອງເລີຍ ກ່ອນທີ່ຄົນອຶ່ນເຂົາຊິແຊງໜ້າໄປ /

 

Comments