Jaguar F-Type SVR ຄວາມໄວລະດັບ 321 ກມ/ຊມ

Jaguar ເປີດໂຕລົດສະປອດ(Sports) ລຸ້ນໃໝ່ Jaguar F-Type SVR ກ່ອນການເປີດຕົວຢ່າງເປັນທາງການສູ່ສາທາລະນະທີ່ງານ ເຈນີວາ ມໍເຕີໂຊ (Geneva Motor Show ) ໃນເດືອນມີນານີ້.

F-Type SVR ເຊິ່ງມີກໍານົດການອອກຈໍາໜ່າຍໃນໄລຍະກາງປີນີ້ໄດ້ຮັບການພັດທະນາພາຍໃຕ້ແນວຄິດ “ ລົດສະປອດ ທີ່ມີສັກກະຍາພາບຢ່າງເຕັມທີ່ ແລະ ຮອງຮັບການໃຊ້ວຽກງານໃນຊີວິດປະຈໍາວັນ ”.

ລາຍລະອຽດທາງເຕັກນິກຂອງລົດຍັງບໍ່ໄດ້ຮັບການເປີດເຜີຍ ແຕ່ເມື່ອເບິ່ງຈາກຮູບພາບແລ້ວຈະເຫັນຄວາມແຮງຮອບຄັນ, ຊ່ອງກັນອາກາດດ້ານໜ້າມີຂະໜາດໃຫຍ່, ຝາກະໂປງລົດແບບມີຮ່ອງລະບາຍຄວາມຮ້ອນ, ທໍ່ອາຍເສຍ spoiler titanium ຫຼັງແບບ active ທີ່ຈະປັບລະດັບໄດ້ຕາມຄວາມໄວຂອງລົດ, ລໍ້ລົດອະລູມີນຽມຂະໜາດ 20 ນິ້ວຫຸ້ມດ້ວຍຍາງ Pirelli P Zero.

ພາຍໃນຫ້ອງໂດຍສານຍັງມີໂຄງສ້າງຄືກັບ F-Type ລຸ້ນມາດຕະຖານ ແຕ່ປ່ຽນພວງມະໄລແບບ Sports, ຕົກແຕ່ງດ້ວຍອະລູມີນຽມປັດເງົາ ແລະ ເບາະນັ່ງແບບ Sports.

ຄາດວ່າເຄື່ອງລົດຂອງ F-Type SVR ຈະເປັນບລ໋ອກ V8 ສາມາດບັນຈຸກະບອກສູບ 5.0 ລິດ ຄວາມແຮງ 575 ແຮງມ້າ, ແຮງບິດ 516 ft-lbs ສົ່ງກໍາລັງດ້ວຍລະບົບເກຍອັດຕະໂນມັດ 8 ສະປີດ ຂັບເຄື່ອນ 4 ລໍ້  ອັດຕາເລັ່ງຂອງລົດສະປອດ(Sports)ລຸ້ນນີ້ 0-100 ກມ/ຊມ ເຮັດໄດ້ໃນເວລາພຽງ 3,7 ວິນາທີ ຄວາມໄວສູງສຸດ 321 ກມ/ຊມ.

ໂດຍ: Phonepaseuth

ຂໍ້ມູນຈາກ: autospinn

ບົດຄວາມແນະນໍາ

ສະແດງຄວາມຄິດເຫັນ