ເປີດຕົວລົດ ISUZU ລຸ້ນຫຼ້າສຸດ

    ພິທີເປີດຕົວລົດ ISUZU D-MAX BLUE POWER ແລະ ລົດ ISUZU MU-X BLUE POWER ໄດ້ຈັດຂຶ້ນໃນວັນທີ 23 ມິຖຸນາ 2016 ທີ່ສູນການຄ້າລາວໄອເຕັກ ຊັ້ນ 7 ໂດຍການເປັນກຽດເຂົ້າຮ່ວມຂອງທ່ານ ອາຄິຣະ ໂອດານາກິ ຜູ້ຈັດການທົ່ວໄປ ບໍລິສັດ ຕຣີເພັດ ອີຊູຊຸ ເຊວສ໌ ຈໍາກັດ, ທ່ານ ໂທຊິອາກິ ມາເອຄະວະ ກໍາມະການຜູ້ຈັດການ ບໍລິສັດ ຕຣີເພັດ ອີຊູຊຸ ເຊວສ໌ ຈໍາກັດ ແລະ ບັນດາສື່ມວນຊົນ.

ລົດ ISUZU D-MAX BLUE POWER ແມ່ນທີ່ສຸດຂອງນະວັດຕະກໍາລົດກະບະ ຮູບລັກສະນະໃໝ່ຫຼ້າສຸດທີ່ມາພ້ອມຄວາມໂດດເດັ່ນໃນທຸກອົງປະກອບ ບໍ່ວ່າຈະເປັນພະລັງເຄື່ອງຈັກ ແລະ ຮູບລັກສະນະທີ່ໃໝ່ຫຼ້າສຸດເຊັ່ນ: ເກຍໂອໂຕມາຕິກ 5 ສະປີດແບບ Rev Tronic, ໄຟໜ້າໂປຼເຈັກເຕີໂຄມດໍາ, ກັນຊົນໜ້າແບບໂຄຼມມຽມ, ລໍ້ອັນລອຍດ໌ອອກແບບໃໝ່ຫຼ້າສຸດ ຂະໜາດ 18 ນິ້ວ ພ້ອມຄິ້ວລໍ້ຂຶ້ນຮູບຂະໜາດໃຫຍ່ ແລະ ອີກຫຼາຍຢ່າງທີ່ໄດ້ປັບປ່ຽນ.

ລົດ ISUZU MU-X BLUE POWER ແມ່ນມາພ້ອມຄວາມສົມບູນແບບແຫ່ງຍົນຕະກໍາ ຂັບເຄື່ອນສີ່ລໍ້ ທີ່ມາພ້ອມຄວາມໂດດເດັ່ນໃນທຸກອົງປະກອບ ບໍ່ວ່າຈະເປັນການອອກແບບພາຍໃນທີ່ມີສະເໜ, ເຄື່ອງຈັກທີ່ມີພາລະກໍາລັງຄວາມແຮງ, ພາຍໃນກວ້າງຫຼູຫຼາ ພ້ອມດ້ວຍສິ່ງອໍານວຍຄວາມສະດວກຄົບວົງຈອນ, ລະບົບຊ່ວຍອອກຕົວທາງຄ້ອຍຊັນ HAS ແລະ ຍັງມີອີກຫຼາຍຢ່າງທີ່ແຕກຕ່າງຈາກລຸ້ນເກົ່າ.

ສໍາລັບລົດ ISUZU D-MAX BLUE POWER  ຈໍາໜ່າຍໃນລາຄາເລິ່ມຕົ້ນພຽງແຕ່ 187 ລ້ານກີບ ແລະ  ISUZU MU-X BLUE POWER ໃນລາຄາເລິ່ມຕົ້ນທີ່ 366 ລ້ານກີບ. ຖ້າຫາກທ່ານໃດສົນໃຈແມ່ນສາມາດສອບຖາມລາຍລະອຽດເພິ່ມເຕີ່ມໄດ້ທີ່ ບໍລິສັດ ອີຊູຊຸລາວວິເອັສເອ ຈໍາກັດ (ISUZU LAO VSA CO.,LTD) ຫຼື ທີ່ສູນຈໍາໜ່າຍເຊິ່ງປະກອບມີ 4 ສາຂາເຊິ່ງມີ: ສາຂານະຄອນຫຼວງວຽງຈັນ ຕັ້ງຢູ່ຖະໜົນອາຊຽນ (T2), ບ້ານໜອງດ້ວງເໜືອ ເມືອງສີໂຄດຕະບອງ, ສາຂານະຄອນຫຼວງວຽງຈັນ ຕັ້ງຢູ່ຫຼັກ 8 ຖະໜົນຫຼວງພະບາງ (13 ເໜືອ ), ບ້ານ ນາເລົ່າ, ເມືອງສີໂຄດຕະບອງ ນະຄອນຫຼວງວຽງຈັນ, ສາຂາປາກເຊ ຕັ້ງຢູ່ຖະໜົນ 13 ໃຕ້ ບ້ານໂຊກອໍານວຍ ເມືອງປາກເຊ ແຂວງຈໍາປາສັກ, ສາຂາແຂວງຈໍາປາສັກ ຕັ້ງຢູ່ຖະໜົນ 13 ໃຕ້ ບ້ານແກ້ວສໍາພັນ ເມືອງປາກເຊ ແຂວງຈໍາປາສັກ. ເຊິ່ງລົດດັ່ງກ່າວແມ່ນເລີ່ມເປີດຂາຍຕັ້ງແຕ່ວັນທີ 24 ມິຖຸນາ 2016 ເປັນຕົ້ນໄປ.

ບົດຄວາມແນະນໍາ

ສະແດງຄວາມຄິດເຫັນ