Senglao content (728×90)

ແມວ ແລະ ພວກເຮົາ (Les Chats et nous)

ວັນທີ 7 ກໍລະກົດ 2016 ໄດ້ເປີດງານວາງສະແດງຮູບພາບ ແມວ ແລະ ພວກເຮົາ (Les Chats et nous) ທີ່ເຮືອນວັດທະນະທຳນາໄຊ ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານນາງ Claudine LEDOUX ເອກອັກຄະລັດຖະທູດຝຣັ່ງປະຈໍາລາວ ທ່ານ Stanny Khol Former officer of UNESO in Paris, ທ່ານ ນາງ Jilie Delfour ຜູ້ຮັບຜິດຊອບສະຖາບັນຝຣັ່ງ ແລະ ທ່ານ ນາງ ໄຊປານີ ຈັນທະລັງສີ ຮອງອຳນວຍການເຮືອນວັດທະນະທຳນາໄຊ ແລະ ແຂກຖືກເຊີນຈໍານວນໜຶ່ງ.

ໃນງານໄດ້ມີການວາງສະແດງຮູບພາບ ເຊິ່ງໄດ້ຍົກໃຫ້ເຫັນກ່ຽວກັບຄວາມສໍາພັນລະຫວ່າງແມວກັບມະນຸດທີ່ຢູ່ອາໄສ ແລະ ໃກ້ສິດກັນມາໄດ້ປະມານ 10.000 ປີແລ້ວ ,ການຈັດງານດັ່ງກ່າວກໍເພື່ອຢາກໃຫ້ມະນຸດໃຫ້ຄວາມສໍາຄັນກັບແມວ.

ປັດຈຸບັນນີ້, ແມວບ້ານສ່ວນຫຼາຍຢູ່ລອດໂດຍບໍ່ມີພວກເຮົາ ເມື່ອບໍ່ມີເຈົ້າຂອງ ແລະ ບໍ່ມີທີ່ຢູ່ອາໄສທີ່ແນ່ນອນ ພວກມັນຈຶ່ງຮູ້ຈັກໃຊ້ປະໂຫຍດຈາກທີ່ຢູ່ຂອງພວກເຮົາ , ດັ່ງນັ້ນຄວາມສຳພັນທີ່ໄດ້ພັດທະນາລະຫວ່າງແມວ ແລະ ມະນຸດ ແມ່ນເປັນການນັບຖືເຊິ່ງກັນ ແລະ ກັນ.

ງານວາງສະແດງຮູບພາບ ແມວ ແລະ ພວກເຮົາ ໄດ້ຈັດຂຶ້ນຕັ້ງແຕ່ວັນທີ 7 ເຖິງ 20 ກໍລະກົດ 2016 ນີ້ ທ່ານສາມາດເຂົ້າຊົມໄດ້ໂດຍບໍ່ໄດ້ເສຍຄ່າ.

ສະແດງຄຳຄິດເຫັນ