8 ອາຫານຊວ່ຍເສີມພະລັງເພດຊາຍ

ຜູ້ຊາຍກັບເລື່ອງເພດຖືວ່າເປັນຂອງຄູ່ກັນ ເພາະຜູ້ຊາຍມີສັນຊາດຕະຍານຂອງການສືບພັນ ມື້ນີ້ເຮົາມີອາຫານເສີມຊ່ວຍໃຫ້ສຸຂະພາບເພດຂອງທ່ານແຂງແຮງ ບໍ່ເວົ້າກັນຍືດຍາວມາເບິ່ງກັນເລີຍ:

  1. ຫອຍນາງລົມ: ເປັນອາຫານທະເລທີ່ມີປະລິມານແຮ່ທາດສັງກະສີຢູ່ໃນປະລິມານທີ່ສູງຈຶ່ງເຮັດ ໃຫ້ສະເປີມເຄື່ອນໄຫວໄດ້ໄວຂຶ້ນ ເພາະໃນຫອຍນາງລົມມີໂອເມກ້າ 3 ເຊິ່ງມີຄວາມສຳຄັນຕໍ່ ລະບົບປະສາດໃນດ້ານການຕອບສະໜອງທາງເພດ ນອກຈາກນີ້ຫອຍນາງລົມຍັງຊ່ວຍຫຼຸດ ຄວາມສ່ຽງຕໍ່ການເກີດຕ່ອມລູກໝາກບວມອັກເສບໄດ້ອີກ
  2. ແກ່ນໝາກອຶ: ເປັນອີກໜື່ງໃນເມັດທັນຍະພືດທີ່ທຸກໆຄົນມັກກິນ ເພາະຫາຊື້ງ່າຍແຖມລາຄາບໍ່ແພງ ແຕ່ທ່ານຮູ້ບໍ່ວ່າໃນແກ່ນໝາກອຶນ້ອຍໆນີ້ອຸດົມໄປດ້ວຍວິຕາມິນ ແຖມຍັງມີແຮ່ທາດ ສັງກະສີຫຼາຍ ບໍ່ຕ່າງຫຍັງຈາກຫອຍນາງລົມ ເຊິ່ງສັງກະສີມີສ່ວນຊ່ວຍໃນເລື່ອງການແຂງ ແຮງຂອງອະສຸຈິ ແລະ ປ້ອງກັນການຂາດຮໍໂມນ Testosterone ໃນເພດຊາຍໄດ້
  3. ຊ໋ອກໂກແລ໋ດ: ສາມາດກະຕຸ້ນໃຫ້ເກີດຄວາມຕື່ນເຕັ້ນແລະສ້າງຄວາມພຶງພໍໃຈ ເນື່ອງຈາກໃນຊ໋ອກໂກແລ໋ດມີສານ Methylxanthines ເຊິ່ງສົ່ງຜົນດີຕໍ່ລະບົບຫົວໃຈ ແລະ ປະສາດ ເມື່ອກິນຊ໋ອກໂກແລ໋ດເຂົ້າໄປຈຶ່ງຮູ້ສຶກຄຶກຄັກ
  4. ໝາກໂມ: ນັກວິໄຈຈາກ ສະຫະລັດອາເມລິກາ ໄດ້ອອກມາເປີດເຜີຍວ່າການກິນໝາກໂມ ຈະ ເຮັດໃຫ້ລະບົບໄຫຼວຽນຂອງເລືອດໄດ້ດີທົ່ວຮ່າງກາຍ ແລະ ອາດເພີ່ມຄວາມຕ້ອງການທາງ ເພດໄດ້ ນອກຈາກນີ້ແກ່ນໝາກໂມຍັງອຸດົມໄປດ້ວຍ ໂປຼຕີນ, ຄາໂບຼໄຮເດດ, ເຄວຊຽມ, ສັງກະສີ ແລະ ກາກໃຍອາຫານ
  5. ໝາກອະໂວຄາໂດ: ມີກົດປະລິມານໄຂມັນບໍ່ອິ່ມໂຕໃນປະລິມານຫຼາຍເຮັດໃຫ້ດີຕໍ່ລະບົບ ຫົວໃຈ ແລະ ຫຼອດເລືອດ ນອກຈາກນີ້ຍັງມີກົດ Folic ທີ່ມີໃນໝາກອະໂວຄາໂດຍັງຊ່ວຍ ເພີ່ມຄວາມຕ້ອງການທາງເພດ ຊ່ວຍໃນການເຜົາຜານໂປຼຕີນ ແລະ ເພີ່ມພະລັງໃຫ້ກັບຮ່າງ ກາຍ
  6. Almond: ເປັນພືດຕະກູນຖົ່ວທີ່ອັດແໜ້ນໄປດ້ວຍຄຸນຄ່າທາງໂພສະນາການ ຊ່ວຍສ້າງພູມຄຸ້ມກັນຄວາມແຂງແຮງໃຫ້ກັບຮ່າງກາຍ ສານອາການທີ່ຢູ່ໃນ Almond ຈະສາມາດກະຕຸ້ນໃຫ້ການສ້າງຮໍໂມນຄວາມຕ້ອງການຂອງເພດຊາຍໃຫ້ເພີ່ມຂຶ້ນ

 

  1. ໝາກກ້ວຍ: ເປັນໝາກໄມ້ທີ່ອຸດົມໄປດ້ວຍວິຕາມິນບໍ່ພຽງແຕ່ຈະຊ່ວຍເພີ່ມພະລະກຳລັງ ແລະ ຄວາມແຂງແຮງຂອງກ້າມຊີ້ນຈາກການວິໄຈຍັງຄົ້ນພົບວ່າໝາກກ້ວຍເປັນໝາກໄມ້ ທີ່ບຳລຸງທາງດ້ານເຊັກສ໌ເປັນຢ່າງດີ ເພາະມັນຈະມີສານອາຫານຈຳພວກແປ້ງແລະນ້ຳຕານ ຈຶ່ງຊ່ວຍກະຕຸ້ນການເຮັດວຽກຂອງສະບົບປະສາດ ແລະ ກ້າມຊີ້ນໃຫ້ເຮັດວຽກໄດ້ດີ
  2. ກະທຽມ: ເປັນພືດສະໝຸນໄພທີ່ມີສັບພະຄຸນຊ່ວຍໃຫ້ລະບົບການໄຫຼວຽນຂອງລະບົບເລືອດໃນ ບໍລິເວນອະໄວຍະວະເພດເຮັດວຽກໄດ້ດີ ຊ່ວຍເພີ່ມຄວາມຕ້ອງການທາງເພດ ແຕ່ຫາກທ່ານໃດ ທີ່ບໍ່ສາມາດທົນຕໍ່ກິ່ນກະທຽມແບບດິບໆໄດ້ ໃຫ້ລອງຊອກກະທຽມທີ່ເປັນແບບແຄມຊູນມາກິນ ກໍ່ບໍ່ມີບັນຫາຫຍັງ ນອກຈາກນີ້ກະທຽມຍັງຊ່ວຍໃນເລື່ອງຂອງບັນຫາຜົມຫຼົ່ນ, ຮັກສາສິວ, ຮັກ ສາໄຂ້ຫວັດ ແລະ ຄວບຄຸມນ້ຳໜັກໄດ້ອີກ.       ນອກຈາກອາຫານທີ່ແນະນຳມານີ້ ກໍ່ຄວນກິນອາຫານໃຫ້ຄົບ 5 ໝູ່ ແລະ ໝັ່ນອອກກຳລັງກາຍຢ່າງສະໝ່ຳສະເໝີຢ່າງໜ້ອຍອາທິດລະ 3 ເທື່ອ ຫຼີກລ່ຽງອາຫານທີ່ມັນ-ຫວານ ແລະ ຫຼຸດເຄື່ອງດື່ມທີ່ມີ Alcohol ພຽງເທົ່ານີ້ທ່ານສຸພາບບຸລຸດກໍ່ຈະມີສຸຂະພາບດີຕະຫຼອດປີແຂງແຮງຕະຫຼອດໄປແລ້ວ.

ຂໍ້ມູນຈາກ: S-health

ໂດຍ:ເນເນ່

ບົດຄວາມແນະນໍາ

ສະແດງຄວາມຄິດເຫັນ