ເປີດຕົວວາລະສານ Lines Magazine

ວາລະສານ Lines Magazine ໄດ້ເປີດຕົວຂຶ້ນໃນຕອນແລງຂອງວັນທີ 15 ກໍລະກົດ 2016 ຢູ່ທີ່ໂຮງແຮມ ລັດສະໝີ ພລາຊາ ໂດຍການເປັນກຽດເຂົ້າຮ່ວມຂອງທ່ານ ບັນດິດ.ສຈ.ດຣ ບໍ່ວຽງຄໍາ ວົງດາລາ ລັດຖະມົນຕີ ວ່າການກະຊວງ ວິທະຍາສາດ ແລະ ເຕັກໂນໂລຊີ, ທ່ານ ສະຫວັນຄອນ ລາຊມຸນຕີ ຮອງລັດຖະມົນຕີ ກະຊວງ ຖະແຫຼງຂ່າວ ວັດທະນະທໍາ ແລະ ທ່ອງທ່ຽວ, ທ່ານ ວົງໄພ ບຸນມະນີ ບັນນາທິການ ວາລະສານ Lines Magazine, ພ້ອມດ້ວຍແຂກເຂົ້າຮ່ວມຈາກບໍລິສັດຕ່າໆ ແລະ ພ້ອມດ້ວຍສື່ມວນຊົນ.

ວາລະສານດັ່ງກ່າວ ມີເນື້ອຫາທາງດ້ານ ສິລະປະກຳ, ສະຖາປັດຕະຍະກຳ, ການອອກແບບດ້ານຕ່າງໆ ເປັນເວທີສົ່ງເສີມຜົນງານຂອງນັກສິລະປະ, ນັກອອກແບບ, ຜູ້ປະກອບການດ້ານທີ່ກ່ຽວຂ້ອງ ໂດຍແນ່ໃສ່ ກຸ່ມຜູ້ອ່ານ ນັກສິລະປະ, ນັກສະຖາປະນິກ, ວິສະວະກອນ, ນັກອອກແບບ, ບໍລິສັດຫ້າງຮ້ານ, ຜູ້ປະກອບການ ອະສັງຫາລິມະຊັບ ແລະ ບຸກຄົນທົ່ວໄປທີ່ສົນໃຈໃນການອ່ານ.

ວາລະສານ Lines Magazine ວາງຂາຍໃນລາຄາ 25.000 ກີບ/ສະບັບ ແລະ ວາງຈໍາໜ່າຍທົ່ວປະເທດຕາມຮ້ານມິນິມາກ , ຮ້ານຂາຍໜັງສືທົ່ວໄປ ແລະ ຈະວາງຈໍາໜ່າຍ 6 ສະບັບຕໍ່ປີ.

ບົດຄວາມແນະນໍາ

ສະແດງຄວາມຄິດເຫັນ