Senglao content (728×90)

ຈີນ-ທົດລອງບໍລິການລົດເມ TEB-1

ເປັນຄັ້ງທຳອິດຂອງໂລກ ກັບການທົດລອງນໍາໃຊ້ລົດເມໂດຍສານ ຮູບລັກສະນະສູງ (Transit elevated bus, TEB-1) ເປີດການທົດລອງໃຫ້ບໍລິການໃນວັນອັງຄານ ວັນທີ 2 ສິງຫາ 2016 ໃນເຂດ Qinhuangdao ທາງພາກເໜືອຂອງເມືອງ  Hebei ສປ.ຈີນ, ຮູບແບບຂອງລົດ Transit elevated bus, TEB-1 ປະຊາຊົນຈະຮູ້ໃນນາມຂອງ (Land-Airbus) ເຄີຍປະກົດໂຕໃນງານ International High-Tech Expo ມາແລ້ວທີ່ເມືອງ Beijing  ໄດ້ຮັບຄວາມສົນໃຈເປັນອັນດັບໜື່ງຈາກຜູ້ເຂົ້າຮ່ວມງານທັງໝົດ 19 ປະເທດ, ມາມື້ນີ້ລົດຄັນດັ່ງກ່າວໄດ້ເລີ່ມທົດສອບເພື່ອຈະນໍາໃຊ້ຢ່າງເປັນທາງການໃນໄວໆນີ້.

ສຳລັບລົດເມໂດຍສານ Transit elevated bus, TEB-1 ຜູ້ຊ່ຽວຊານໄດ້ອອກແບບມາເປັນພິເສດ, ຫ້ອງໂດຍສານຈະຍົກສູງຂຶ້ນຈາກພື້ນດິນ ລັກສະນະຄືເປັນອຸມົງ ເພື່ອອຳນວຍຄວາມສະດວກໃຫ້ລົດຄັນອື່ນທີ່ໂດຍສານຕາມທາງຖະໜົນສາມາດແລ່ນລອດຜ່ານໄປໄດ້ ທັງບໍ່ກີດຂວາງການຈະລາຈອນ ຖືໄດ້ວ່າເປັນນະວັດຕະກໍາທີ່ນໍາໜ້າລະດັບໂລກ.

ທ່ານ Song Youzhou ຫົວໜ້າວິສະວະກອນທີ່ພັດທະນາເຕັກໂນໂລຊີ TEB ໄດ້ເປີດເຜີຍເຖິງລົດໂດຍສານຄັນນີ້ວ່າ: ມີຄວາມຍາວທັງໝົດ 54 ແມັດ, ມີຄວາມສູງ 4.5-4.7 ແມັດ, ມີຄວາມກວ້າງ 7,8 ແມັດ ແລະ ສາມາດຂົນສົ່ງຜູ້ໂດຍສານໄດ້ເຖິງ 1.200-1.400 ຄົນ ນັບວ່າເປັນການບັນຈຸຜູ້ໂດຍສານຫຼາຍທີ່ສຸດເທົ່າທີ່ເຄີຍມີມາ.

ຂໍ້ມູນຈາກ:

China Xinhua News

ສະແດງຄຳຄິດເຫັນ