Senglao content (728×90)

ມອບລາງວັນທຸລະກິດດີເດັ່ນໃນລາວປີ 2016

ວັນທີ 27 ກໍລະກົດ 2016 ທີ່ ໂຮງແຮມດອນຈັນພລາເລດ,ສະພາການຄ້າ ແລະ ອຸດສາຫະກໍາແຫ່ງຊາດລາວ ໄດ້ຈັດງານ ມອບລາງວັນ ທຸລະກິດດີເດັ່ນ ຂອງ ສປປ ລາວ ປະຈຳປີ 2016 (Lao Business Awards) ແລະ (ASEAN BUSINESS AWORDS 2016 LAO P.D.R)ໃຫ້ແກ່ບັນດາທຸລະກິດດີເດັ່ນໃນລາວເພື່ອເປັນກໍາລັງໃຈໃຫ້ແກ່ຜູ້ທີ່ມີຜົນງານດີເດັ່ນໄດ້ສືບຕໍ່ສ້າງຜົນງານຂອງຕົນໃຫ້ດີຂຶ້ນ. ໃຫ້ກຽດເຂົ້າຮ່ວມງານໂດຍທ່ານ ທອງລຸນ ສີສຸລິດ ກຳມະການກົມການເມືອງສູນກາງພັກ, ນາຍົກລັດຖະມົນຕີ, ມີບັນດາລັດຖະມົນຕີ ແລະ ຮອງລັດຖະມົນຕີ,ບັນດາແຂກພາກສ່ວນທີ່ກ່ຽວຂ້ອງເຂົ້າຮ່ວມຢ່າງຫຼວງຫຼາຍ.ລາງວັນດັ່ງກ່າວ ແມ່ນຄະນະກຳມະການຈາກພາກສ່ວນລັດ ແລະ ພາກສວນທຸລະກິດເປັນຜູ້ວາງມາດຖານໂດຍເນັ້ນໃສ່ບໍລິສັດທີ່ປະກອບສ່ວນເສຍພັນທະຕໍ່ລັດໄດ້ດີ, ມີພັນທະຕໍ່ສັງຄົມ ແລະ ສືບຕໍ່ດໍາເນີນທຸລະກິດຢ່າງເປັນປົກກະຕິມາຫຼາຍກວ່າ 10 ປີຂຶ້ນໄປ.ລາງວັນທີມອບໃຫ້ບັນດາບໍລິສັດດີເດັ່ນແມ່ນໄດ້ແບ່ງອອກເປັນ 2 ປະເພດຄື: ລາງວັນທຸລະກິດດີເດັ່ນ 40 ປີ ປະຈໍາປີ  2016 ມີທັງໝົດ 46 ບໍລິສັດ ແລະ ລາງວັນ ອາຊຽນ ລາວເຊິ່ງລວມມີ 3 ໝວດ19 ລາງວັນ.

ສະແດງຄຳຄິດເຫັນ