5 ສະໝຸນໄພຊ່ວຍເສີມພະລັງເພດຊາຍ

ສະໜຸນໄພມີປະໂຫຍດຢ່າງຫຼວງຫຼາຍ ແລະ ໜຶ່ງຄຸນປະໂຫຍດໃນນັ້ນຍັງຊ່ວຍບຳລຸງສຸຂະພາບ ແລະ ຊ່ວຍເສີມພະລັງທາງເພດອີກດ້ວຍ ໃນມື້ນີ້ທາງ Target Magazine ຂໍແນະນໍາພືດ ຜັກ ສະໝຸນໄພ 5 ຢ່າງທີ່ຈະຊ່ວຍໃຫ້ສຸຂະພາບເພດຂອງທ່ານສຸພາບບຸລຸດທຸກທ່ານມີສຸຂະພາບດີ ຢ່າລໍຊ້າມາເບິ່ງກັນເລີຍ:

  1. ກະຊາຍ: ເປັນພືດສະໝຸນໄພທີ່ນິຍົມປູກຕາມບ້ານ ມີສັບພະຄຸນທາງຢາຢ່າງຫຼວງຫຼາຍນິຍົມໃຊ້ສ່ວນ ເຫຼງົ້າ ແລະ ຮາກ ມາຕົ້ມກິນເພື່ອແກ້ທ້ອງອືດ ແກ້ອາການຈຸກສຽດ ແກ້ພະຍາດກະເພາະ ຮັກສາອາການຮ້ອນໃນກະຫາຍນ້ຳ ຂີ້ກາກ-ຂີ້ເກື້ອນ ໃຊ້ເມືອມີອາການປວດຂໍ້ເຂົ່າ ໃຊ້ເປັນຢາອາຍຸວັດທະນະ ບຳລຸງກຳລັງວັງຊາ ແລະ ໃຊ້ບຳບັດອາການເຊື່ອມສະມັດຕະພາບທາງເພດອີກດ້ວຍ.

2. ໝາກເຜັດ: ໃນຄວາມເຜັດຮ້ອນແຮງໃນໝາກເຜັດນີ້ ຈະມີສານໂຕໜື່ງຊື່ວ່າ: ສານ Capsaicin ມີສ່ວນຊ່ວຍໃນການເພີ່ມຄວາມຕ້ອງການທາງເພດຊ່ວຍປັບຄວາມສົມດຸນການເຕັ້ນຂອງຫົວໃຈ ແລະ ຊ່ວຍໄປກະຕຸ້ນສານເອັນໂດຟິນ ເຊິ່ງເປັນຕົວທີ່ຊ່ວຍເຮັດໃຫ້ອາລົມດີມີຄວາມສຸກ ແຕ່ກໍ່ຄວນກິນໃນປະລິມານທີ່ເໝາະສົມຈະເຫັນຜົນດີເປັນຢ່າງຍິ່ງ.

3. ຂິງ: ເອີ້ນໄດ້ວ່າເປັນສະໝຸນໄພທີ່ສາລະພັດປະໂຫຍດກໍ່ວ່າໄດ້ ເພາະຂິງມີສັບພະຄຸນຊ່ວຍໃນການຍ່ອຍອາຫານ ແກ້ຫວັດ ແລະ ຊ່ວຍຫຼຸດອາການວິນຫົວປວດຮາກ ເມົາເຮືອ ເມົາລົດ ເມົາຍົນ ແລະ ຍັງຊ່ວຍການໄຫຼວຽນຂອງເລືອດທົ່ວຮ່າງກາຍລວມເຖິງອະໄວຍະວະເພດນຳອີກ.

 

4. ກະທຽມ: ທ່ານເຊື່ອຫຼືບໍ່ວ່າກະທຽມທີ່ໃຊ້ປະກອບອາຫານມີສ່ວນຊ່ວຍໃຫ້ອະໄວຍະວະເພດຊາຍແຂງໂຕດີ ເພາະກະທຽມມີສານທີ່ຊື່ວ່າ: Allicin ເຊີ່ງມີສັບພະຄຸນຊ່ວຍໃນລະບົບການໄຫຼວຽນຂອງເລືອດບໍລິເວນອະໄວຍະວະເພດໄດ້ເປັນຢ່າງດີດີ ທີ່ສຳຄັນສາມາດຊ່ວຍເພີ່ມຄວາມຕ້ອງ ການທາງເພດອີກດ້ວຍ ນອກຈາກບັນຫາເລື່ອງເພດແລ້ວຍັງຊ່ວຍແກ້ບັນຫາຜົມຫຼົ່ນຮັກສາສິວ ແລະ ຊ່ວຍໃນເລື່ອງການຄວບຄຸມນ້ຳໜັກອີກດ້ວຍ.

5. ເຄືອເຂົາຮໍ: ເປັນສະໝຸນໄພທີ່ມີລົດຊາດຂົມ ຕາມຕໍາລາບູຮານບອກໄວ້ວ່າ: ເຄືອເຂົາຮໍເປັນສະໝຸນໄພບຳລຸງສຸຂະພາບ ເປັນຢາອາຍຸວັດທະນະ ຊ່ວຍໃນການຈະເລີນອາຫານ ແຖມຍັງເປັນສະໝຸນໄພທີ່ຊ່ວຍໃນການເພີ່ມພະລັງທາງເພດໄດ້ດີທີ່ສຸດ.

ນອກຈາກການກິນອາຫານທີ່ມີປະໂຫຍດແລ້ວຢ່າລືມອອກກຳລັງກາຍຢ່າງສະໝ່ຳສະເໝີ ແລະ ພັກ ຜ່ອນໃຫ້ພຽງພໍພຽງເທົ່ານີ້ທ່ານກໍ່ຈະມີສຸຂະພາບທີ່ສົມບູນແຂງແຮງ ລວມເຖິງສຸຂະພາບເພດທີ່ດີອີກດ້ວຍ.

ຂໍ້ມູນຈາກ: S-health

ໂດຍ: ເນເນ່

ບົດຄວາມແນະນໍາ

ສະແດງຄວາມຄິດເຫັນ