Senglao content (728×90)

ເສັ້ນທາງດົງໂດກ ຫາ ຕານມີໄຊ ໃກ້ຈະສຳເລັດ

ເສັ້ນທາງແຕ່ 4 ແຍກໄຟແດງດົງໂດກ  ຫາ 4 ແຍກໄຟແດງຕານມີໄຊ ໂຄງການດັ່ງກ່າວສໍາເລັດຫຼາຍກວ່າ 95%  ປັດຈຸບັນຍັງພຽງໜ້າວຽກຕິດປ້າຍຈະລາຈອນ, ຕິດໄຟເຍືອງທາງ, ປັບສະຖານທີ່ສອງຂ້າງທາງ ເພື່ອປູກຕົ້ນໄມ້ – ປູກຫຍ້າ ແລະ ໜ້າວຽກຍ່ອຍບາງຈຸດ.    ທ່ານ ຫຸມພັນ ດວງພະເດດ ຫົວໜ້າໂຄງການກໍ່ສ້າງກ່າວວ່າ: ໂຄງການກໍ່ສ້າງປັບປຸງຍົກລະດັບເສັ້ນທາງແຕ່ 4 ແຍກໄຟແດງ 450 ປີ ຫາ ດົງໂດກ-ຕານມີໄຊ ເປັນເສັ້ນທາງປູເບຕົງເສີມເຫຼັກ ທີ່ໄດ້ເລີ່ມລົງມືຈັດຕັ້ງປະຕິບັດມາແຕ່ເດືອນຕຸລາ 2015 ເປັນທາງ 4 ເລັນຈາລະຈອນ ທີ່ມີຄວາມຍາວ 2,5 ກິໂລແມັດ , ກວ້າງ 28 ແມັດ, ມູນຄ່າການກໍ່ສ້າງ 10,8 ລ້ານໂດລາ, ໂດຍແມ່ນພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ ເປັນເຈົ້າຂອງໂຄງການ ແລະ ບໍລິສັດວິສະວະກຳ ຢຸນນານ ເປັນຜູ້ຮັບເໝົາກໍ່ສ້າງ.

ຂໍ້ມູນຈາກ: ເສດຖະກິດ-ການຄ້າ.

ສະແດງຄຳຄິດເຫັນ