ນັກທ່ອງທ່ຽວຈີນ ແລະ ເກົາຫລີ… ມາທ່ຽວລາວຫຼາຍຂຶ້ນ

ໂຮງແຮມ ແລະ ເຮືອນພັກ ຈຳນວນ 2.449 ແຫ່ງ ຄືສະຖານທີ່ທຳອິດ ທີ່ໄດ້ໃຫ້ການຕ້ອນຮັບນັກທ່ອງທ່ຽວ 4,7 ລ້ານຄົນ ທີ່ເດີນທາງເຂົ້າສູ່ ສປປ ລາວ ໃນປີ 2015 ແນ່ນອນເງິນລາຍຮັບ 725 ລ້ານກວ່າໂດລາສະຫະລັດ ທີ່ນັກທ່ອງທ່ຽວຖືຕິດຕົວມານຳນີ້ຈະຖືກບິແບ່ງໃຊ້ຈ່າຍໃນການພັກແຮມ ຊຶ່ງແບ່ງໃຫ້ໂຮງແຮມ 542 ແຫ່ງ ເຮືອນພັກ 1.907 ແຫ່ງ ທີ່ແຈກຢາຍຢູ່ໃນທົ່ວປະເທດ.  ໃນປີ 2015 ນັກທ່ອງທ່ຽວທີ່ເດີນທາງເຂົ້າມາຢ້ຽມຢາມ, ຊົມຄວາມສວຍງາມ ຂອງ ສປປລາວ ຫຼາຍທີ່ສຸດແມ່ນນັກທ່ອງທ່ຽວຊາຍແດນ ຫຼື ລາຍວັນ ທີ່ມາຈາກບັນດາປະເທດອາຊີ-ປາຊິຟິກ ມີຈຳນວນເຖິງ 4.367.480ຄົນ ໂດຍໄດ້ນຳໃຊ້ເງິນ 356.408.858 ໂດລາສະຫະລັດ. ໃນນີ້ ມີນັກທ່ອງທ່ຽວໄທ 2.321.352 ຄົນ, ຫວຽດນາມ 1.187.954 ຄົນ ຊຶ່ງນັກທ່ອງທ່ຽວກຸ່ມດັ່ງກ່າວນີ້ຈະໃຊ້ໄລຍະເວລາພັກເຊົາຢູ່ລາວສັ້ນຫຼາຍທີ່ສຸດ  ສະເລ່ຍແລ້ວ 2 ມື້ ໂດຍຈ່າຍເງິນ 21-36 ໂດລາຕໍ່ຄົນ.(ລາຍລະອຽດ ສາມາດຊອກຊື້ອ່ານທາງວາລະສານ ທາເກັດ ໄດ້ ໃນສະບັບທີ 121 ເດືອນສິງຫາ  ຕາມເອັມພອຍ ທຸກສາຂາ ຫຼື ສອບຖາມຈອງເປັນສະມາຊິກໄດ້ທີເບີ 021 216 666)

ບົດຄວາມແນະນໍາ

ສະແດງຄວາມຄິດເຫັນ