Senglao content (728×90)

9 ວິທີງ່າຍໆທີ່ຈະຊ່ວຍໃຫ້ການມີເພດສໍາພັນຂອງທ່ານດີຂຶ້ນ     

  ທ່ານສຸພາບບຸລຸດກຳລັງມີບັນຫາກ່ຽວກັບເພດສຳພັນທີ່ຮ່າງກາຍຍັງບໍ່ຕອບສະໜອງຢູ່ຫຼືບໍ່? ໃນມື້ນີ້ເຮົາມີວິທີທີ່ຈະມາຊ່ວຍແນະນຳທ່ານມາເບິ່ງກັນເລີຍ:

  1. ນອນຫຼັບໃຫ້ພຽງພໍ

ຮູ້ກັນດີຢູ່ແລ້ວວ່າຄົນເຮົາຢ່າງໜ້ອຍຄວນນອນໃຫ້ໄດ້ມື້ລະ 7 ຊົ່ວໂມງ ເພາະມັນຈະໄປສົ່ງຜົນເຖິງການຜະລິດຮໍໂມນເພດຊາຍ (Testosterone) ເຊິ່ງເປັນໂຕການກະຕຸ້ນໃຫ້ເກີດການສ້າງອະສຸຈິ ແຕ່ກໍ່ຂຶ້ນກັບວ່າຮ່າງກາຍຂອງທ່ານມີຮໍໂມນເພດຊາຍຫຼາຍເທົ່າໃດ, ໂດຍປົກກະຕິຜູ້ຊາຍຈະຜະລິດ Testosterone ປະມານ 4-9 ມິນລີກຼາມ/ມື້ ແລະ ຜົນວິໄຈຍັງບອກອີກວ່າຖ້າທ່ານນອນພຽງ 4 ຊົ່ວໂມງ/ມື້ ຮໍໂມນ Testosterone ຈະຫຼຸດລົງເຖິງ 60% .

  1. ອາຫານການກິນ

ຕ້ອງມີການບຳລຸງແນ່ຖ້າທ່ານໃດຢາກມີສຸຂະພາບເພດທີ່ດີ ຕ້ອງກິນອາຫານແບບເນັ້ນໂປຼຕີນເຊັ່ນ: ຊີ້ນ, ໄຂ່ດາວ, ນ້ຳມັນໝາກກອກ ຫຼື ໝາກອະໂວຄາໂດກໍ່ໄດ້ເຊັ່ນດຽວກັນ, ແຕ່ຖ້າເປັນຂອງຫວານທີ່ຈະຊ່ວຍກະຕຸ້ນອາລົມທາງເພດກໍ່ຕ້ອງແມ່ນ  Dark chocolate  ທີ່ວ່າກັນວ່າເປັນໂຕຊ່ວຍກະຕຸ້ນອາລົມໄດ້ເປັນຢ່າງດີ ແຕ່ກໍ່ຄວນກິນແບບພໍດີເພາະອາດເຮັດໃຫ້ເກີດຄວາມອ້ວນ ແລະ ອາດເປັນເບົາຫວານໃນທີ່ສຸດ.

  1. ພະຍາຍາມບໍ່ໃຫ້ເກີດຄວາມຕຶງຄຽດ

ຂໍ້ນີ້ສຳຄັນທີ່ສຸດ ບໍ່ວ່າທ່ານຈະຄຽດຈາກການເຮັດວຽກ ຫຼື ຊີວິດປະຈຳວັນກໍ່ຕາມມັນຈະສົ່ງຜົນຕໍ່ການຜະລິດຮໍໂມນ Testosterone ທີ່ຈະເປັນສາເຫດໃຫ້ທ່ານບໍ່ຢາກມີເພດສໍາພັນ.

  1. ໝັ່ນອອກກຳລັງກາຍ

ການອອກກຳລັງກາຍ ນອກຈາກຈະຊ່ວຍໃຫ້ທ່ານຄາຍຄວາມຕຶງຄຽດ ສະໝອງປອດໂປ່ງ ສຸຂະພາບແຂງແຮງແລ້ວ ຍັງສາມາດຊ່ວຍກະຕຸ້ນເຊັກສ໌ໄດ້ດີ ເພາະການໄຫຼວຽນເລືອດທີ່ສູບສີດ ການຫຼັ່ງສານແຫ່ງຄວາມສຸກ ສິ່ງເຫຼົ່ານີ້ຈະຊ່ວຍກະຕຸ້ນໃຫ້ທ່ານຢາກມີເພດສຳພັນນັ້ນເອງ.

  1. ສ້າງບັນຍາກາດໃຫ້ຢາກມີເພດສຳພັນຫຼາຍຂຶ້ນ

ບັນຍາກາດພາຍໃນບ້ານກໍ່ເປັນອີກບັນຫາໜື່ງທີ່ຈະສາມາດຊ່ວຍທ່ານໄດ້ ພຽງແຕ່ທ່ານເຮັດຄວາມສະອາດພາຍໃນບ້ານ ແລະ ຫ້ອງນອນໃຫ້ສະອາດຮຽບຮ້ອຍ ຫາສະເປຼມາສີດເພື່ອຄວາມສົດຊື່ນ ຫຼືຈູດທຽນຫອມເພື່ອເພີ່ມຄວາມສົດຊື່ນຜ່ອນຄາຍ ແລະ ສ້າງຄວາມໂລແມນຕິກ.

  1. ເປີດເພງໃຫ້ເຂົ້າກັບຈັງຫວະ

ຂໍ້ດີຂອງການເປີດເພງໃນເວລາມີເພດສຳພັນກກໍ່ຄື ມັນຈະຊ່ວຍສ້າງຄວາມໝັ້ນໃຈ ແລະ ເພີ່ມອາລົມຮັກໄດ້ເປັນຢ່າງດີ.

  1. ເຮັດໂຕໃຫ້ມີຊີວິດຊີວາ

ເຮັດໂຕໃຫ້ມີຊີວິດຊີວາຢູ່ທຸກມື້ ຢ່າປ່ອຍໃຫ້ໂຕເອງເປັນຄົນໜ້າເບື່ອ ສິ່ງເຫຼົ່ານີ້ສົ່ງຜົນຕໍ່ການມີເພດສຳພັນຂອງທ່ານຫຼາຍ ຫຼືອາດຈະກິນກາເຟໃນຕອນເຊົ້າ ຫຼືກິນນ້ຳໝາກນາວເພື່ອໃຫ້ຮູ້ສຶກສົດຊື່ນ ແລະ ຫາເວລາອອກກຳລັງກາຍທ່ານຈະໄດ້ເບິ່ງເປັນຄົນທີ່ມີສຸຂະພາບດີທັງພາຍນອກ ແລະ ພາຍໃນ.

  1. ສຶກສາຫາຄວາມຮູ້ເພີ່ມເຕິມ

ປັດຈຸບັນມີໝັງສື ແລະ ສື່ອອນລາຍ ທີ່ພ້ອມທີ່ຈະແນະນຳເລື່ອງການມີເພດສຳພັນ ຫຼື ເລື່ອງຕ່າງໆທີ່ທ່ານຢາກຮູ້ໄດ້ເປັນຢ່າງດີ.

  1. ປືກສາໝໍ

ຢ່າອາຍທີ່ຈະໄປປຶກສາໝໍກ່ຽວກັບເລື່ອງເພດ ການໄປພົບໝໍກໍ່ປຽບກັບໄປປຶກສາບັນຫາຕ່າງໆ ໃຫ້ມີຄວາມຮູ້ ແລະ ວິທີທີ່ຖືກຕ້ອງເພື່ອມາແກ້ໄຂໂຕທ່ານເອງ.

ຂໍ້ມູນຈາກ: GQ-health

ສະແດງຄຳຄິດເຫັນ