Senglao content (728×90)

ເປີດຕົວ Samsung Galaxy Note 7.

ໃນຕອນຄໍ່າຂອງວັນທີ 29 ສິງຫາ 2016 ໄດ້ມີການຈັດງານເປີດຕົວ Samsung Galaxy Note 7 ຂຶ້ນຢູ່ທີ່ໂຮງແຮມດອນຈັນພາເລດ ໂດຍກຽດເຂົ້າຮ່ວມການເປັນທ່ານ Seungho Choi ຜູ້ຈັດການໃຫຍ່ບໍລິສັດໄທຊຳຊຸງອີເລັກໂຕຼນິກ ປະຈຳລາວ ແລະ ກຳປູເຈຍ, , ທ່ານ ແຈກ ໄຊຊະນະ ປະທານບໍລິຫານຮ້ານ ຊໍາຊຸງ LTH, ມີບັນດາຫ້າງຮ້ານຂາຍໂທລະສັບ ແລະ ແຂກຖືກເຊີນເຂົ້າຮ່ວມຢ່າງຫຼວງຫຼາຍ.

ຖືໄດ້ວ່າຍຸກນີ້ ເປັນຍຸກທີ່ຜູ້ບໍລິໂພກໄດ້ຮັບຜົນປະໂຫຍດຫລາກຫລາຍ ຈາກການເປັນເຈົ້າຂອງໂທລະສັບມືຖືເຄື່ອງໜຶ່ງຢ່າງກຸ້ມຄ່າທີ່ສຸດທີ່ຕ້ອງຈັບຕາເບິ່ງເປັນພິເສດແມ່ນບໍລິສັດຊຳຊຸງທີ່ເຕີບໂຕຢ່າງວ່ອງໄວ ແລະ ມີຄວາມພ້ອມໃນການທຸ້ມເທທຸກກົນລະຍຸດ ເພື່ອໃຫ້ຊຳຊຸງໂດດເດັ່ນເໜືອຄວາມຄາດໝາຍໄດ້ຕະຫລອດເວລາ ເຫັນໄດ້ຈາກການເປີດໂຕຢ່າງເປັນທາງການຂອງສະມາດທ໌ໂຟນລຸ້ນໃໝ່ຂອງ Samsung ທີ່ໄດ້ເປີດໂຕ Samsung Galaxy Note 7 – The Smartphone that thinks big ໃນທົ່ວໂລກກໍ່ສ້າງຄວາມຮືຮາ ແລະ ເປັນກະແສທີ່ໜ້າຈັບຕາຂອງວົງການສະມາດທ໌ໂຟນໃນທົ່ວໂລກ. SAMSUNG GALAXY NOTE 7 ຍັງສ້າງຄວາມໜ້າສົນໃຈໃຫ້ແຟນໆຊຳຊຸງໃນທົ່ວໂລກດ້ວຍຍອດຈອງຈຳນວນຫລາຍຈົນຜະລິດບໍ່ທັນ ໂດຍສະເພາະຕະຫລາດລາວທີ່ຍອດຈອງທຽບກັບ Galaxy S7 ທີ່ຜ່ານມາແມ່ນສູງກວ່າປະມານ 45% – 50% ໂດຍໄດ້ເລີ່ມເປີດຈອງໃນວັນທີ 6 – 20 ສິງຫາ ແລະ ເລີ່ມຮັບເຄື່ອງໄປແລ້ວໃນວັນທີ 22 ສິງຫາ 2016 ທີ່ຜ່ານມາ.

ສໍາລັບ Galaxy Note 7 ທີ່ເປັນການພັດທະນາແບບກ້າວກະໂດດ ກ້າວຂ້າມທຸກສິ່ງທີ່ຄິດໄວ້ໃນ Note 7 ແລະ ທ່ານໃດທີ່ຢາກສໍາຜັດກັບ Samsung Galaxy Note 7  ໄດ້ໃນງານ Unlock Galaxy Note 7 ທີ່ວຽງຈັນເຊັນເຕີ ໃນວັນທີ 10 – 11 ກັນຍາ 2016.

ສະແດງຄຳຄິດເຫັນ