ກຽມປັບປຸງແຫຼ່ງທ່ອງທ່ຽວ ດົງລີງ ຮູບ: 0195, 0189

ແຫຼ່ງທ່ອງ​ທ່ຽວ ດົງ​ລີງ ບ້ານ​ດົງ​ເມືອງ ​ເມືອງ​ຈຳ​ພອນ ​ແຂວງ​ສະຫວັນ​ນະ​ເຂດ ​ເປັນ​ຈຸດ​ທ່ອງ​ທ່ຽວ​ທີ່​ສຳຄັນ ​ແລະ ​​ເປັນ​ແຫຼ່ງລາຍ​ຮັບ​ໃຫ້​ເມືອງ ກໍ​ຄື​ປະຊາຊົນ​ທ້ອງ​ຖິ່ນ ​ໂດຍ​ສະ​ເພາະ​ບ້ານ ຊະຄຶນເໜືອ, ຊະຄຶນໃຕ້, ທ່າມ່ວງ, ດົງເມືອງ ແລະ ທ່າເມືອງ ເຊິ່ງນອນຢູ່ໃນກຸ່ມບ້ານທີ 10 ຂອງເມືອງ. ​ໃນ​ໂອກາດ​ທີ່ທ່ານ ສີທົນ ນັນທະລາດ ເຈົ້າເມືອງໆຈຳພອນ ພ້ອມ​ຄະນະ ​ໄດ້​ລົງ​ຊຸກຍູ້​ຢູ່​ເຂດ​ດັ່ງ​ກ່າວ ​ເມື່ອ​ທ້າຍ​ອາທິດ​ແລ້ວ​ນີ້ ກໍ​ໄດ້​ມີຄຳ​ເຫັນວ່າ: ຄວນມີການຈັດສັນບ່ອນໃຫ້ອາຫານລີງ, ສະຖານທີ່ຈອດລົດ ແລະ  ຮ້ານຂາຍເຄື່ອງ, ສ້າງຮົ້ວອ້ອມດົງລີງ ເພື່ອຄວາມເປັນລະບຽບ ແລະ ປອດໄພຂອງນັກທ່ອງທ່ຽວ, ໃຫ້ເອົາສັດລ້ຽງຂອງປະຊາຊົນອອກຈາກສະຖານທີ່ທ່ອງທ່ຽວ ເພື່ອບໍ່ໃຫ້ມາລົບກວນລີງ ຫຼື ນັກທ່ອງທ່ຽວໃນເວລາໃຫ້ອາຫານລີງ ​ເຊິ່ງສ້າງຄວາມສັບສົນ ແລະ ອາດເປັນອັນຕະລາຍແກ່ນັກທ່ອງທ່ຽວໄດ້ ​ເພື່ອແກ້ໄຂບັນຫາທີ່ຍັງກົດໜ່ວງການພັດທະນາແຫຼ່ງທ່ອງທ່ຽວດົງລີງ.

ຜ່ານການປຶກສາຫາລືກັບອໍານາດການປົກຄອງບ້ານ ແມ່ນເຫັນດີເປັນເອກະພາບກັນ ໃຫ້ມີການເລັ່ງໃສ່ເຮັດຮົ້ວອ້ອມສະຖານທີ່ທ່ອງທ່ຽວ ຈາກນັ້ນ ຈຶ່ງຄ່ອຍຈັດຄວາມເປັນລະບຽບສະຖານທີ່ພາຍຫຼັງ. ເຊິ່ງການເຮັດຮົ້ວອ້ອມນັ້ນແມ່ນໃຫ້ 4 ບ້ານຄື: ຊະຄຶນເໜືອ, ຊະຄຶນໃຕ້, ທ່າມ່ວງ ແລະ ດົງເມືອງ ເປັນຜູ້ຮັບຜິດຊອບການກໍ່ສ້າງ, ຄາດຈະເລີ່ມລົງມືສ້າງໃນທ້າຍເດືອນກັນຍາ 2015 ນີ້ ແລະ ຈະໃຫ້ສຳເລັດໃນທ້າຍເດືອນຕຸລາ 2015 ນີ້.

 

0189

ບົດຄວາມແນະນໍາ

ສະແດງຄວາມຄິດເຫັນ