Senglao content (728×90)

ຫວຽດນາມສັ່ງຊື້ຍົນ ແອບັສ 40 ລຳ

ສຳນັກຂ່າວຕ່າງປະເທດລາຍງານຈາກນະຄອນຫຼວງຮາໂນຍ ປະເທດຫວຽດນາມ ໃນວັນທີ 6 ກັນຍາ 2016 ວ່າ: ປະທານາທິບໍດີ ຝຣັ່ງຊົວອອນລອງ ຜູ້ນຳປະເທດຝຣັ່ງ ແລະ ທ່ານ ເຈິນດາຍກວາງ ປະທານປະເທດຫວຽດນາມ ເປັນສັກຂີພະຍານຮ່ວມກັນໃນການລົງນາມຂໍ້ຕົກລົງລະຫວ່າງບໍລິສັດ “ແອບັສ” ກັບສາຍການບິນຫວຽດນາມ Veit Jet Air ແລະ Jetstar Pacific ໃນການສັ່ງຊື້ຍົນໂດຍສານຂອງ “ແອບັສ” ທີ່ມີ ມູນຄ່າລວມ 6.500 ລ້ານໂດລາສະຫະລັດ ໂດຍການລົງນາມເກີດຂຶ້ນທີ່ທຳນຽບປະທານປະເທດໃນນະຄອນຫຼວງຮາໂນຍ ໃນໂອກາດການເດີນທາງຢ້ຽມຢາມຫວຽດນາມຢ່າງເປັນທາງການຂອງຜູ້ນຳຝຣັ່ງ.

ລາຍງານຂອງ “ແອບັສ” ບໍ່ໄດ້ເປີດເຜີຍ ມູນຄ່າທີ່ຊັດເຈນໃນຂໍ້ຕົກລົງຮ່ວມກັບສອງສາຍການບິນ,ແຕ່ລະບຸວ່າ: Veit Jet Air  ສັ່ງຊື້ຍົນ ລຸ້ນ A 321 ຈຳນວນ 20 ລໍາ . ສ່ວນ Vietnam Airlines ເຊິ່ງເປັນຫຸ້ນສ່ວນຂອງ Jetstar Pacific 70% ສັ່ງຊື້ 20 ລໍາ. ໃນຈໍານວນນີ້ເປັນຍົນລຸ້ນຫຼ້າສຸດຄື: A350 ຈຳນວນ 10 ລຳ. ຂ່າວໃຫ້ຮູ້ຕື່ມວ່າ: Veit Jet Air ໄດ້ສັ່ງຊື້ຍົນໂດຍສານ 100 ລໍາຈາກ ບໍລິສັດ “ໂບອິງ” ໃນລະຫວ່າງການເດີນທາງຢ້ຽມຢາມຄັ້ງປະຫວັດສາດຂອງປະທານາທິບໍດີ ບາຣັກ ໂອບາມາ ໃນເດືອນ ພຶດສະພາ ທີ່ຜ່ານມາ ເຊິ່ງຖືເປັນຂໍ້ຕົກລົງຊື້ຍົນການຄ້າມູນຄ່າສູງສຸດໃນປະຫວັດສາດຂອງຫວຽດນາມ ມູນຄ່າ 11.300 ລ້ານໂດລາສະຫະລັດ.

ສະແດງຄຳຄິດເຫັນ