Senglao content (728×90)

ຊຽງຂວາງໄດ້ຮັບການອຸປະຖໍາ100ລ້ານເພື່ອການພັດທະນາສົ່ງເສີມປະຊາຊົນປູກຕົ້ນໄມ້

ເມື່ຶອບໍ່ດົນຜ່ານມານີ້ ທ່ານ ບຸນລ້ຽງ ຄຳພູນ ອະດີດຮອງເຈົ້າແຂວງໆເຊກອງ ທີ່ປຶກສາບໍລິສັດເຂື່ອນໄຟຟ້ານ້ຳງຽບ 3A ຈໍາກັດຜູ້ດຽວ, ພ້ອມດ້ວຍຄະນະ ໄດ້ຕາງໜ້າໃຫ້ບໍລິສັດນໍາເງິນຈຳນວນ100ລ້ານກີບໄປມອບໃຫ້ແຂວງຊຽງຂວາງ ກ່າວຮັບໂດຍທ່ານ ສາດສະດາຈານ ດຣ. ສົມກົດ ມັງໜໍ່ເມກ, ກຳມະການສູນກາງພັກ ເລຂາພັກແຂວງ ເຈົ້າແຂວງໆຊຽງຂວາງ .

ໃນໂອກາດນີ້ທ່ານ ເຈົ້າແຂວງ ໄດ້ສະແດງຄວາມຂອບໃຈຕໍ່ການອຸປະຖຳໃນຄັ້ງນີ້ ​ແລະ ຈຳນວນເງິນດັ່ງກ່າວ ແມ່ນຈະນຳໄປໝູນໃຊ້​ເຂົ້າໃນການພັດທະນາ ແລະ ສົ່ງເສີມ ໃຫ້ປະຊາຊົນປູກຕົ້ນໄມ້ໃຫ້ເປັນປ່າ ເພື່ອຮັກສາແຫຼ່ງນ້ຳ ເຊິ່ງທາງແຂວງມີແຜນການທີ່ຈະປູກຕົ້ນແປກ , ເພື່ອປາດເອົາຢາງຂາຍ, ພ້ອມທັງເປັນການຮັກສາແຫຼ່ງນ້ຳ ໃຫ້ເຂື່ອນໄຟຟ້າ ​ແລະ ທາງແຂວງພ້ອມທີ່ຈະອຳນວຍຄວາມສະດວກໃຫ້ແກ່ເຂື່ອນໄຟຟ້າດັ່ງກ່າວໃນການເຄື່ອນໄຫວວຽກງານ.

 

ສະແດງຄຳຄິດເຫັນ