8 ທະນາຄານເຊື່ອມໂຍງຕູ້ ATM ເກືອບທົ່ວປະເທດ

ພາຍຫຼັງທີ່ມີການຮ່ວມມືພາຍໃຕ້ “ໂຄງການເຊື່ອມໂຍງລະບົບຕູ້ ATM ຫຼື BConnex ” ລະຫວ່າງທະນາຄານການຄ້າຕ່າງປະເທດລາວ ມະຫາຊົນ (ທຄຕລ), ທະນາຄານລາວ-ຫວຽດ, ທະນາ ຄານສົ່ງເສີມກະສິກໍາ, ທະນາຄານພັດທະນາລາວ, ທະນາຄານຮ່ວມພັດທະນາ, ທະນາຄານເອັສທີຈໍາກັດ ແລະ ທະນາຄານມາຣູຮານເຈແປນລາວ, ຄັ້ງຫຼ້າສຸດ ກໍໄດ້ຮ່ວມໂຄງການດັ່ງກ່າວກັບທະນາຄານກຸງສີອະຍຸດທະຍາ ຈໍາກັດ ມະຫາຊົນ  ເຊິ່ງເປັນທະນາຄານແຫ່ງທີ 8 ທີ່ສາມາດເຊື່ອມໂຍງລະບົບຕູ້ ATM ຜ່ານລະບົບຮ່ວມ BConnex ຫຼາຍກ່ວາ 750 ໜ່ວຍ ທີ່ມີ​ຢູ່ໃນທົ່ວ ສປປ ລາວ ເຮັດໃຫ້ລູກຄ້າທະນາຄານ ສາມາດຖອນເງິນສົດເປັນສະກຸນເງິນກີບ ແລະ ກວດຍອດເງິນໃນບັນຊີໄດ້ຢ່າງສະດວກ ສະບາຍ ໂດຍຜ່ານຕູ້ ATM ຂອງ 8 ທະນາຄານ.

ການເຂົ້າຮ່ວມການເຊື່ອມໂຍງລະບົບຕູ້ ATM ຂອງທະນາຄານກຸງສີອະຍຸດທະຍາ ຈໍາກັດ ມະຫາຊົນ ໄດ້ຈັດຂຶ້ນໃນວັນທີ 18 ກັນຍາ 2015​ ທີ່ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ພູໂຂງ ຈັນທະຈັກ ຮັກສາການຜູ້ອໍານວຍການ ທຄຕລ ແລະ ພະນັກງານສອງຝ່າຍ.                                  ຜ່ານມາ ທຄຕລ ກັບທະນາຄານກຸງສີ ໄດ້ມີການຮ່ວມມືສ້າງສິດທິພິເສດໃຫ້ແກ່ລູກຄ້າຂອງທັງ 2 ທະນາຄານ ຄື ຜູ້ທີ່ຖືບັດ ATM ບັດນັກສຶກສາ, ບັດ CUP, ບັດ VISA ຂອງ ທຄຕລ ສາມາດຖອນເປັນເງິນບາດ (ສະກຸນເງິນໄທ) ຈາກຕູ້ ATM 5.300 ຕູ້ຂອງທະນາຄານກຸງສີອະຍຸດທະຍາ ຈໍາກັດ ມະຫາຊົນ ຢູ່ທີ່ປະເທດໄທ ໂດຍຈະໄດ້ຮັບສ່ວນຫຼຸດ 20% ຂອງຄ່າທໍານຽມໃນການຖອນເງິນສົດແຕ່ລະຄັ້ງ ແລະ ບັດ CUP, ບັດ VISA ຂອງທະນາ ຄານກຸງສີ ສາມາດຖອນເປັນເງິນກີບຈາກຕູ້ ATM ຂອງ ທຄຕລ ແລະ ໄດ້ຈະຮັບສ່ວນຫຼຸດ 20% ຂອງຄ່າທໍານຽມໃນການຖອນແຕ່ລະຄັ້ງເຊັ່ນດຽວກັນ.

ທ່ານ ນັນທະລາດ ແກ້ວປະເສີດ ຄະນະອໍານວຍການ ທຄຕລ ຢືນຢັນວ່າ:  ການເຊື່ອມໂຍງລະ ບົບຕູ້ ATM ໄດ້ສະແດງໃຫ້ເຫັນຄວາມເປັນຈິດໜຶ່ງໃຈດຽວກັນທີ່ຕ້ອງການພັດທະນາລະບົບບໍລິການຕ່າງໆຂອງທະນາຄານພາຍໃນໃຫ້ທັນສະໄໝເພື່ອກ້າວສູ່ປະຊາຄົມເສດຖະກິດອາຊຽນ ( AEC ), ໂຄງການນີ້ ເປັນໜຶ່ງໃນບັນດາໜ້າວຽກທີ່ສໍາຄັນ ທີ່ເຮັດໃຫ້ທະນາຄານຂອງຕ່າງປະເທດເຫັນຄວາມສາມາດ ແລະ ຄວາມຮ່ວມ​ມືກັນຂອງທະນາຄານລາວ, ປັດຈຸບັັນນີ້ ປະຊາຊົນ ຫຼື ລູກຄ້າໄດ້ນໍາໃຊ້ BConnex ນັບມື້ຫຼາຍຂຶ້ນ ແລະ ການເຊື່ອມໂຍງລະບົບຕູ້ ATM ສາມາດຄວບຄຸມການບໍລິການໄດ້ຫຼາຍກ່ວາ 90% ໃນຂອບເຂດທົ່ວປະເທດ.

ຜູ້ອໍານວຍການໃຫຍ່ ກຸ່ມລູກຄ້າທະນາຄານທຸລະກິດຍີ່ປຸ່ນ ແລະ ບໍລິສັດຂ້າມຊາດ ທະນາຄານກຸງສີອະຍຸດທະຍາ ຈໍາກັດ ມະຫາຊົນ, ທ່ານ Masaaki Suzuki ກ່າວວ່າ: ເປັນບາດກ້າວສໍາຄັນຂອງລະບົບທະນາຄານທັງ 2 ປະເທດທີ່ມີການເຊື່ອມໂຍງລະບົບຕູ້ ATM ຮ່ວມກັນ ແລະ ກໍເປັນທະນາຄານແຫ່ງທໍາອິດຈາກປະເທດໄທ ເປັນທະນາຄານລໍາດັບທີ 8 ໃນສປປ ລາວ ທີ່ໄດ້ເຂົ້າຮ່ວມໂຄງການ

 

ບົດຄວາມແນະນໍາ

ສະແດງຄວາມຄິດເຫັນ

error: Content is protected !!