ເປີດໂຕຢ່າງເປັນທາງການ Lao Fashion Week 2016

ໃນຕອນບ່າຍ ວັນທີ 12 ກັນຍາ 2016, ຢູ່ວຽງຈັນເຊັນເຕີ້ ໄດ້ມີພິທີເປີດຮ້ານວາງສະແດງສິນຄ້າຂອງນັກອອກແບບທີ່ເຂົ້າຮ່ວມງານ ລາວແຟຊັນວີກ 2016 ພ້ອມທັງການສະແດງອາພອນເພື່ອເປີດໂຕ ແລະ ງານເປີດຕົວ ວາງສະແດງຮູບແຕ້ມ ໂດຍສິລະປິນ ທ່ານ ນາງ ວຽງສະນິດ ພັດທະນາສິນ. ໂດຍລາຍໄດ້ 20% ຈາກການຂາຍສິນຄ້າຂອງນັກອອກແບບ ແລະ ຮູບແຕ້ມຈະໄດ້ມອບເປັນທຶນສົ່ງເສີມນັກອອກແບບໝຸ່ມນ້ອຍຂອງລາວ.

ໃນຕອນຄໍ່າຂອງວັນທີ 12 ກັນຍາ 2016, ທີ່ສະຖານທູດຝຣັ່ງ (France Embassy) ໄດ້ຈັດງານລ້ຽງເປີດໂຕຢ່າງເປັນທາງການງານ ລາວແຟຊັນວີກ 2016  (Lao Fashion Week 2016), ໂດຍໃຫ້ກຽດເປັນປະທານງານໂດຍ ທ່ານ ນາງ Clavdine ເອກອັກຄະລັດຖະທູດຝຣັ່ງປະຈໍາລາວ, ທ່ານ ສົມສະນຸກ ມີໄຊ ຮອງປະທານສະມາຄົມນັກຂ່າວແຫ່ງ ສປປ.ລາວ ທ່ານນາງ ປານີ ໄຊຍະວົງສ໌ ຜູ້ສ້າງຕັ້ງ,ອໍານວຍການລາວແຟຊັນວີກ ແລະ ໂຄງການພັດທະນານັກອອກແບບໜຸ່ມນ້ອຍຂອງລາວ,ພ້ອມດ້ວຍບັນດາທູຕານຸທູດ, ນັກອອກແບບ, ນາງແບບ, ນາຍແບບ ແລະ ສື່ມວນຊົນ.

ໃນງານລ້ຽງໄດ້ມີການເດີນແບບຂອງບັນດານາງແບບ ນາຍແບບໃນຊຸດຜ້າໃໝ ປະຍຸກ ເຊິ່ງໄດ້ສ້າງຄວາມປະທັບໃຈແກ່ແຂກເຂົ້າຮ່ວມເປັນຢ່າງຍິ່ງ. ງານລາວແຟຊັນວີກ ຈະເລີ່ມແຕ່ວັນທີ 12 ກັນຍາ ໄປເຖິງວັນທີ 16 ກັນຍາ 2016.ເຊິ່ງລາຍລະອຽດຂອງງານທ່ານສາມາດເຂົ້າໄປທີ່:

https://www.facebook.com/LaoFashionWeek/?fref=ts#

ບົດຄວາມແນະນໍາ

ສະແດງຄວາມຄິດເຫັນ