ໜຶ່ງໃນຕົວແບບການຜະລິດແບບຄອບຄົວປະກອບສ່ວນພັດທະນາປະເທດຊາດ

ຍ້ອນ​ຄວາມ​ມານະ​ອົດທົນ ​ແລະ ດຸ​ໝັ້ນ​ຂະຫຍັນມັ່ນ​ພຽນ ບໍ່​ຍອມ​ແພ້​ຕໍ່​ຄວາມ​ຫຍຸ້​ງຍາກ ​ແລະ ອຸປະສັກ​ນາໆ​ປະການ ປະກອບ​ກັບ​ພັກ-ລັດຖະບານ ​ໄດ້​ມີ​ນະ​ໂຍບາຍເປີດກວ້າງ​ສົ່ງ​ເສີມ​ໃຫ້​ທຸກ​ຊັ້ນ​ຄົນ​ໃນ​ສັງຄົມ ​ປະກອບ​ອາຊີບ ສ້າງ​ເສດຖະກິດ​ຄອບຄົວ ​​ໄດ້​ຄ່ອຍໆ​ຂະຫຍາຍຕົວ​ເທື່ອ​ລະ​ກ້າວ.

ດັ່ງ​ຄອບຄົວທ່ານ ​ເກຍ ອູ໊ສິດທິ​ເດດ​ ​ເຈົ້າ​ຂອງ​ໂຮງງານ​ຜະລິດ​ນໍ້າ​ດື່ມ ​ແລະ ນໍ້າກ້ອນ​ໂລມາ​ຄໍາ ​ໄດ້​ໃຫ້​ສໍາພາດ​ຕໍ່​ສື່​ມວນ​ຊົນ​ ໃນ​ໂອກາດ​ເຂົ້າ​ຮ່ວມ​ກອງ​ປະຊຸມ​ອົງຄະ​ນະ​ພັກ​ແຂວງ​ສະຫວັນ​ນະ​ເຂດ ​​ໃນ​ທ້າຍ​ອາທິດ​ທີ່ຜ່ານມາ​ວ່າ: ​ໂຮງງານ​ຜະລິດ​ນໍ້າ​ດື່ມ ​ແລະ ນໍ້າກ້ອນ​ໂລມາ​ຄໍາ ກໍ​ເປັນ​ອີກ​ຫົວໜ່ວຍ​ທຸລະ​ກິດ​ໜຶ່ງ ​ທີ່​ໄດ້​ເອົາ​ໃຈ​ໃສ່​ຈັດ​ຕັ້ງ​ປະຕິບັດ​​ແນວທາງນະ​ໂຍບາຍຂອງ​ພັກ​ໃນ​ໄລຍະ​ໃໝ່. ເຂົ້າ​ໃນ​ການ​ປະກອບສ່ວນ​ສ້າງສາ​ພັດທະນາປະ​ເທດ​ຊາດ​ ​ແລະ ​ສ້າງ​ວຽກ​ເຮັດ​ງານ​ທໍາ​ໃຫ້​ປະຊາຊົນ​ພາຍ​ໃນແຂວງສະຫວັນນະ​ເຂດ. ກ່ອນ​ໜ້າ​ນີ້​ປີ 1976 ​​ຕົນ​ເອງ​ແມ່ນ​ໄດ້​ປະກອບ​ອາຊີບ​​ເປັນ​ລູກ ຈ້າງຫຼາຍ​ຢ່າງ ພ້ອມໆ​ກັບຊື້ເຄື່ອງ​ຍ່ອຍ ​ແລະ ສິ່ງ​ຂອງ​ອັນ​ຈໍາ​ເປັນ ​ເອົາ​ເມືອ​ຂາຍຢູ່​​ທາງ​ບ້ານ​ເກີດຂອງ​ຕົນ​ເອງ ທາງ​ບ້ານ​ທ່າ​ໂຂງ ​ເມືອງ​ເຊ​ໂປ​ນ​, ພໍ​ຕົນ​​ເອງໄດ້​ມີ​ທຶນຮອນທີ່​ເກັບ​ສະ​ສົມ​ໄວ້​ ມາ​ຮອດ​ປີ 1985 ຈຶ່ງ​ໄດ້ຫັນ​ມາ​ປະກອບ​ອາຊີບ​ເປີດ​ໂຮງງານຕົ້ມ​ເຫຼົ້າ 90 ​ໃຫ້​ບໍລິ​ສັດ​ສະບຽງອາຫານ​ແຂວງ ​ເພື່ອ​ສະໜອງ​ໃຫ້​ໂຮງໝໍ​ແຂວງ ​ໄປ​ພ້ອມໆ​ກັບ​ການ​ລ້ຽງ​ໝູ ​ແລະ ງົວ ຈາກ​ນັ້ນ​ຕົນ​ເອງ ​ກໍ​ໄດ້​ຄ່ອຍໆ​ຂະຫຍາຍ​ທຸລະ​ກິດຂອງ​ຕົນ​ອອກ​ຕື່ມ​ ໂດ​ຍ​ໄດ້​ເປີດ​ເປັນ​ໂຮ​ງງານ​ຊອຍ​ໄມ້​ ເຮັດ​ເຟີ​ນີ​ເຈີ ​ແລະ ກໍ​ຂະຫຍາຍ​ເປັນ​ໂຮງເລື່ອຍ​ໄມ້ ຫຼັກ 4, ​ມາ​ຮອດ​ປີ 1996 ​ໄດ້​ຢຸດ​ເຊົາ​ເຮັດ​ໂຮງ​ເລື່ອຍ.

ທ່ານ​ ເກ​ຍ ອູ໊ສິດທິ​ເດດ ກ່າວ​ຕື່ມ​ວ່າ: ​ເນື່ອງ​ຈາກ​ຕົນ​ເອງ​ຍັງ​ມີ​ພາລະ​ປັບປຸງ​ໂຮງງານ​ນໍ້າກ້ອນ ​ທີ່​ໄດ້​ສັນຍາ​ຊື້​ຈາກ​ລັດ​ໃ​ນປີ 1989 ​ໃນ​ເງື່ອນ​ໄຂ​ສັນຍາ​ໃຫ້​ສືບ​ຕໍ່ທໍາ​ການ​ຜະລິດ​ຕາມ​ນະ​ໂຍບາຍ​ຂອງ ພັກ-ລັດ ດັ່ງ​ນັ້ນ​ຕົນ​ເອງ ຈຶ່ງ​ໄດ້​ລົງທຶນ​ປັບປຸງ​ຊື້​ເຄື່ອງ​ຈັກ​ຜະລິດ​ນໍ້າກ້ອນ​ແທ່ງ ​ແລະ ນໍ້າກ້ອນ​ຫຼອດ​ ເພື່ອ​ມາ​ຜະລິດ​ຕອບ​ສະໜອງ​ຄວາມ​ຕ້ອງການ​ຂອງ​ຜູ້​ບໍລິ​ໂພ​ກ​ແຕ່ລະ​ໄລ​ຍະ ສາມາດ​ຜະລິດ​ນໍ້າກ້ອນ​ແທ່ງ ​ແລະ ນໍ້າກ້ອນ​ຫຼອດ​ໄດ້ 240 ​ໂຕນ​ຕໍ່​ວັນ. ປີ 2006 ກໍ​ໄດ້​ຈັດ​ຊື້​ເຄື່ອງ​ຈັກ​ຜະລິດ​ນໍ້າ​ດື່ມ​ຂະໜາດ​ນ້ອຍ​ ເຂົ້າ​ມາ​ຕິດ​ຕັ້ງ​ເຊິ່ງມື້ໜຶ່ງ​ສາມາດ​ຜະລິດ​ໄດ້ 15.000-20.000 ລິດ ​ເມື່ອ​ເຫັນ​ວ່າຄວາມ​ຕ້ອງ ການ​ຂອງ​ຕະຫຼາດ ​ແລະ ຜູ້​ບໍລິ​ໂພ​ກຊົມ​ໃຊ້​ເພີ່ມ​ຂຶ້ນ​ໃນ​ປີ 2012 ຈຶ່ງ​ໄດ້ຈັດ​ຊື້​ເຄື່ອງ​ຈັກ​ຜະລິດ​ນໍ້າ​ຂະໜາດ​ໃຫຍ່​ ​ແລະ ມີ​ຄວາມ​ທັນ​ສະ​ໄໝ​ກວ່າ​ເກົ່າ​ ສາມາດ​ຜະລິດ​ນໍ້າ​ດື່ມ​ມື້ໜຶ່ງ​ໄດ້ 570.000 ກວ່າ​ລິດ ​​ເຊິ່ງ​ສາມາດ​ຕອງ​ສະໜອງ​ໃຫ້​ຜູ້​ບໍລິ​ໂພ​ກ​ໄດ້​ຢ່າງ​ກວ້າງຂວາງ​ພໍ​ສົມຄວນ. ດ້ວຍ​ຄວາມ​ເຊື້ອ​ໝັ້ນ​ຢ່າງ​ໜັກ​ແໜ້ນ ​ແລະ ​ໃຫ້​ຄວາມ​ສໍາຄັນ​ຕໍ່​ຜູ້​ບໍລິ​   ໂພ​ກ ນໍ້າ​ດື່ມ​ໂລມາ​ຄໍາ​ໃຫ້​ມີ​ຄວາມ​ປອດ​ໄພ, ມີ​ສຸຂະພາບ​ທີ່​ດີ ອີກ​ດ້ານ​ໜຶ່ງ​ກໍ​ເປັນ​ການ​ປະກອບສ່ວນ​ເຮັດ​ໃຫ້​ຜະ ລິດ​ຕະພັນ​ພາຍ​ໃນ​ຂອງ​ຄົນ​ລາວ​ເຮົາ​ໃຫ້​ມີ​ຄຸນະ​ນະພາ​ບສາກົນ​ຍອມຮັບ ​ຈຶ່ງ​ໄດ້​ເຊີນ​ເອົາ​ບໍລິສັດ​ດາ​ຢາ​ມາ​ນູ​ເຊຍ ​ເອສດີ​ເອັນ ບີ​ເຫ​ສດີ (​SDN BHF) ເຊິ່ງ​ເປັນ​ບໍລິສັດ​ທີ່​ປືກສາ​ທັງ​​ເປັນ​ຄູ​ຝຶກ​ຈາກ​ປະ​ເທດ​ມາ​ເລ​ເຊຍ​ ເຂົ້າ​ມາ​ຝຶກ​ອົບຮົມ​ກ່ຽວ​ກັບ​ຂໍ້​ກໍານົດ​ຂອງ​ລະບົບ​ການ​ຈັດການ​ຄວາມ​ປອດ​ໄພ​ຂອງ​ອາຫານ ​ແລະ ​ເຄື່ອງ​ດື່ມ ISO 22000 ​ເວີ​ຊັ້ນ 2005, ​ໃນ​ປີ 2014 ​ໂຮງງານ​ຜະລິດ​ນໍ້າ ​ແລະ ນໍ້າກ້ອນ​ໂລມາ​ຄໍາ ​ຈຶ່ງ​ໄດ້​ຮັບ​ໃບ​ຢັ້ງຢືນ​ຮັບຮອງ​ ກ່ຽວ​ກັບ​ລະບົບ​ການ​ຈັດການ​ຄວາມ​ປອດ​ໄພ​ຂອງ​ອາຫານ ​ແລະ ນໍ້າ​ດື່ມ ISO ຈາກ​ອົງການ​ມາດຕະຖານ​ສາກົນ​ຢ່າງ​ເປັນ​ທາງ​ການ.

ມູນ​ຄ່າ​ການ​ລົງທຶນ​ທັງ​ໝົດ​ແມ່ນ 50 ກວ່າ​ ຕື້​ກີບ. ​ໃນ​ແຕ່ລະ​ປີ​ກໍ​ໄດ້ປະ​ກອບ​ສ່ວນ​ມອບ​ພັນທະ​ພາສີ​ອາກອນ​ຕ່າງໆ​​ໄດ້ຢ່າງ​ຄົບ​ຖ້ວນ ​ແລະ ຖືກຕ້ອງ​ກັບ​ກໍານົດ​ເວລາ​ໃຫ້​ພັກ ​ແລະ ລັດຖະບານວາງ​ອອກ.

12092377_1651421735134151_129389731_n

ບົດຄວາມແນະນໍາ

ສະແດງຄວາມຄິດເຫັນ