Senglao content (728×90)

ເຂື່ອນໄຟຟ້າພະລັງນ້ຳ ເຊນ້ຳນ້ອຍ2-ເຊກະຕຳ 1 ຈະຜະລິດກະແສໄຟຟ້າໃນທ້າຍປີ2016

ການ​ກໍ່ສ້າງ​ເຂື່ອນ​ໄຟຟ້າ​ພະລັງ​ນ້ຳ ​ເຊ​ນ້ຳ​ນ້ອຍ2-​ເຊ​ກະ​ຕຳ 1 ທີ່​ເມືອງ​ປາກ​ຊ່ອງ ​ແຂວງ​ຈຳປາ​ສັກ ປັດຈຸ​ບັນສຳ​​ເລັດ​​ແລ້ວ 50% ຄາດ​ວ່າ​ທ້າຍ​ປີ 2016 ຈະ​ສຳ​ເລັດ ​​ແລະ ​ຜະລິດ​ກະ​ແສໄຟຟ້າ​ໄດ້ .

ທ່ານ ສຸດ​ທະ​ວົງ ​ເຫັມ​ມະ​ວົງ ຫົວໜ້າ​ໂຄງການ​ກໍ່​ສ້າງ​ເຂື່ອນ​ໄຟຟ້າ ​​ພະລັງ​ນ້ຳ ​ເຊ​ນ້ຳ​ນ້ອຍ2-​ເຊ​ກະ​ຕຳ 1 ​ໄດ້​​ເປີດ​ເຜີຍ​ວ່າ: ​ໂຄງການ​ດັ່ງກ່າວ​ ​ໄດ້​ເລີ່​ມຈັດ​ຕັ້ງ​ປະຕິບັດມາ​ແຕ່​ປີ 2009 ​ເປັນເຂື່ອນຂະ   ໜາດນ້ອຍ ເປັນ​ການ​ລົງທຶນ​ຮ່ວມ ນິຕິບຸກຄົນ​ພາຍ​ໃນ​​ບໍລິສັດ ​ເອສວີກຣຸບ ​ແລະ ບໍລິ​ສັດ ບີ ກຣິມ ພາວ​ເວີ ລາວ ​ໃນ​ມູນ​ຄ່າ​ການ​ລົງທຶນ ​ແລະ ການ​ກໍ່ສ້າງ​ທັງ​ສອງ​ໂຄງການ 49 ລ້ານໂດ​ລາ​ສະຫະລັດ ​ອາຍຸ​ສຳ​ປະທານ 50 ປີ ກຳລັງ​ການ​ຕິດ​ຕັ້ງ​ລວມທັງ ສອງ​ໂຄງການ​ແມ່ນ 20,1 ​ເມ​ກາ​ວັດ (MW) ຄາດ​ວ່າ​ຈະສາມາດ​ຜະລິດ​ກະ​ແສ​ໄຟຟ້າ​ໄດ້ 110-120 ກິ​ໂລ​ວັດ​ໂມງ KWh/ປີ. ປັດຈຸ​ບັນ ການ​ກໍ່ສ້າງ​ສຳ​ເລັດ​ແລ້ວ 50% ​ໃນ​ວຽກງານ​ກໍ່ສ້າງ​ຕົວ​ເຂື່ອນ, ການ​ຜະລິດ​ທໍ່, ການ​ຕິດ​ຕັ້ງ​ທໍ່​ສົ່ງ​ນ້ຳ, ຂຸດ​ເຈາະ​ຮາກ​ຖານ​ເຮືອນ​ຈັກ, ຕາມ​ແຜນການ​ຈະ​ສຳ​ເລັດ​ການ​ກໍ່ສ້າງ​ໃນທ້າຍ​ປີ 2016 ​ແລະ ຈະ​ຈໍ່າໜ່າຍ ກະ​ແສ​​ໄຟຟ້າ​ ​ໃຫ້​ລັດ​ວິ​ສາ​ຫະກິດ​ໄຟຟ້າລາວ ​ເມື່ອ​ງ​ໂຄງການ​ສຳ​ເລັດ​ຈະ​ສາມາດ​ສ້າງ​ລາຍ​ຮັບ​ໄດ້​ປະ​ມານ 6,5 ລ້ານ​ໂດ​ລາ​ສະຫະລັດ​/ປີ.

12047560_1651670821775909_1261858864_n

ສະແດງຄຳຄິດເຫັນ