ເປີດໂຕລົດກະບະແດຮັນ DT1

ບໍລິສັດໂອໂຕເວີນ ໂຄລາວ ດີວີລົບປິງ ແດຮັນ ຈຳກັດ ໄດ້ຈັດງານຄອນເສີດເປີດຕົວລົດກະບະ DT1 ລຸ້ນໃໝ່ ຍີ່ຫໍ້ DAEHAN ຂຶ້ນຢ່າງເປັນທາງການທີ່ສູນການຄ້າລາວ ໄອເຕັກ ໃນວັນທີ 02 ຕຸລາ 2015 ທີ່ຜ່ານມາໂດຍມີທ່ານ ຣີກັງຊູ ປະທານໂຮງງານ ເດຮັນ ປະຈໍາ ສປປ ລາວ, ທ່ານ ແບດຶກຮ້ວນ ກຳມະການຜູ້ຈັດການ ບໍລິສັດໂອໂຕເວີນ ໂຄລາວ ດີວີລົບປິງ ແດຮັນ ຈຳກັດ ແລະ ພະນັກງານ ບໍລິສັດ ໂອໂຕເວີນ, ບັນດາມວນຊົນເຂົ້າຮ່ວມ.

ລົດລຸ້ນດັ່ງກ່າວເປັນລົດບັນທຸກຂະໜາດນ້ອຍມີຄວາມແຮງ 2600 ຊີຊີ ຂະໜາດບັນທຸກ 1ໂຕນ,  ກິນນໍ້າມັນກາຊວນ ມີການອອກແບບທີ່ງົດງາມ ປະຢັດ​ນ້ຳມັນ ມີ​ກະບະ​ຫຼັງ​ທີ່​ກວ້າງ ​ແຂງ​ແຮງ ​ແລະ ຍາວ​ເປັນ​ພິ​ເສດ.

ພາຍ​ໃນ​ງານຍັງ​ມີ​ການ​ຈັດ​ກິດຈະກຳ ​ແລະ ​ໂປຼ​ໂມ​ຊັນ ​​ແຈກ​ແຖມ​ໃຫ້​ກັບ​ລູກ​ຄ້າ​ຜູ້​ທີ່ເຂົ້າ​ຮ່ວມ​ງານ ​ແລະ ສັ່ງ​ຈອງ ລົດ​ແດ​ຮັນ ​ເຊິ່ງ​ໄດ້​ມີ​ການ​ຈັບ​ສະຫຼາກ​ມອບ​ລາງວັນ​ຢ່າງ​ຫຼວງ​ຫຼາຍ ລວມມີ ​ໂທລະພາບ​ສີ Samsung – FHD LED 3D TV ​ແລະ ອື່ນໆ ອີກ​ຫຼາຍ​ຢ່າງ… ນອກ​ນັ້ນ,​ງານ​ຄອນ​ເສີດ​ ຍັງໄດ້ເຊີນ​ນັກ​ຮ້ອງ ທີ່ມີຊື່ສຽງ ຂອງ ​ລາວ ​ແລະ ​ໄທ​ມາ​ຮ່ວມ​ສ້າງບັນຍາກາດໃນ​ງານ​ຄັ້ງ​ນີ້.

 

12119457_679691295500969_506118017_o 12124189_679691392167626_557263656_o

ບົດຄວາມແນະນໍາ

ສະແດງຄວາມຄິດເຫັນ