Senglao content (728×90)

ໝາກໂມ ຊ່ວຍຕ້ານມະເຮັງ ແລະ ຄວບຄຸມລະດັບຄວາມດັນຂອງເລືອດ

ໝາກໄມ້ທີ່ຂື້ນຊື່ວ່າເປັນສັນຍາລັກໜ້າຮ້ອນ ນອກຈາກໝາກພ້າວແລ້ວ ກໍໜ້າຈະມີໝາກໂມ  ເພາະ ໝາກໂມເຢັນໆ ຫວານ ຊຸ່ມນ້ຳ ບໍ່ວ່າຈະກິນສົດໆ ຫຼື ນຳໄປປັ່ນກໍແຊບເຢັນຊື່ນໃຈດັບກະຫາຍ ຄາຍຮ້ອນໄດ້ດີແທ້ໆ ແຕ່ນອກຈາກຈະຊ່ວຍດັບຮ້ອນແລ້ວ ຍັງມີປະໂຫຍດອີກຫຼາຍຢ່າງທີ່ທ່ານອາດຈະຍັງບໍ່ຮູ້, ດັ່ງນັ້ນເວັບໄຊ້ ວາລະສານ ທາເກັດ ຈະມາບອກເຖິງຄຸນປະໂຫຍດດີໆຂອງ ໝາກໂມ ໃຫ້ທ່ານໄດ້ຮູ້.

  • ຄຸນປະໂຫຍດດີໆຂອງໝາກໂມ ມີດັ່ງຕໍ່ໄປນີ້:
  1. ໃນໝາກໂມມີສານໄລໂຄປີນເຊິ່ງເປັນຕົວຊ່ວຍຫຼຸດຄວາມສ່ຽງໃນການເປັນພະຍາດມະເຮັງໄດ້
  2. ກົດອາມິໂນໃນໝາກໂມຊ່ວຍຫຼຸດຄວາມສ່ຽງໃນການເປັນໂລກຫົວໃຈ
  3. ເປັນໝາກໄມ້ທີ່ເໝາະກັບຄົນທີ່ກຳລັງຄວບຄຸມນ້ຳໜັກ ເພາະເປັນໝາກໄມ້ທີ່ມີນ້ຳຕານຕ່ຳ ແຄລໍຣີຕ່ຳ
  4. ປ້ອງກັນການສະສົມຂອງໄຂມັນໃນເສັ້ນເລືອດ ຄວບຄຸມລະດັບຄວາມດັນເລືອດ
  5. ມີວິຕາມີນເອສູງ ຊ່ວຍບຳລຸງສາຍຕາ
  6. ຮັກສາອາການອັກເສບບວມແດງ ແລະ ເພີ່ມຄວາມຊຸ່ມໃຫ້ແກ່ຜິວ
  7. ຊ່ວຍບໍາລຸງຜິວ ແລະ ເສັ້ນຜົມໃຫ້ແຂງແຮງ

ເຖິງວ່າໝາກໂມຈະມີປະໂຫຍດຫຼວງຫຼາຍ ສຳລັບຜູ້ທີ່ມີອາການທ້ອງອືດ, ອາຫານບໍ່ຍ່ອຍ, ເພາະນອກຈາກໝາກໂມຈະເຮັດໃຫ້ນານຍ່ອຍໃນກະເພາະອາຫານ ແລະ ເຮັດໃຫ້ຍ່ອຍອາຫານບໍ່ໄດ້ດີ, ຜູ້ເປັນພະຍາດລຳໃສ້ອັກເສບ, ຄວາມດັນເລືອດຕ່ຳ ມີລົມໃນກະເພາະອາຫານ ເຈັບທ້ອງເລື່ອຍໆ ຫຼື ຊ່ວງທີ່ມີໄຂ້ສູງ, ຢ່່າງໃດກໍຕາມເຖິງໝາກໄມ້ຊະນິດດັ່ງກ່າວຈະມີປະໂຫຍດພຽງໃດ ກໍຄວນກີນແຕ່ພໍດີ ຢ່າກີນຫຼາຍເກີນໄປ ເພາະຕໍ່ໃຫ້ມີປະໂຫຍດຫຼາຍເທົ່າໃດ ຫາກກິນຫຼາຍເກີນ ກໍເປັນໂທດຕໍ່ຮ່າງກາຍໄດ້ເຊັ່ນດຽວກັນ.

ຂໍ້ມູນຈາກ : doctor.or.th, thailovehealth.com

ສະແດງຄຳຄິດເຫັນ