ເປິດຕົວ HUAWEI P9 Rose Gold

ວັນທີ 3 ຕຸລາ 2016 ບໍລິສັດ ຫົວເຫວີຍ ເຕັກໂນໂລຊີ ລາວ ໄດ້ຈັດງານເປີດຕົວໂທລະສັບລຸ້ນໃໝ່ຫຼ້າສຸດ Huawei P9 Rose Gold ຢ່າງເປັນທາງການຢູ່ທີ່ ວຽງຈັນ ເຊັນເຕີ, ນະຄອນຫຼວງວຽງຈັນ. ໂດຍການເຂົ້າຮ່ວມຂອງທ່ານ Mr. Zhu jin yong ຜູ້ອຳນວຍການຝ່າຍອຸປະກອນສື່ສານ ບໍລິສັດ ຫົວເຫວີຍ, Presenter ໂທລະສັບຂອງຫົວເຫວີຍລາວ ແລະ ໄທ ພ້ອມດ້ວຍ ແອັນນິຕ້າ ຈັນທະສົມບູນ Brand Ambassador Huawei Lao, ອາເລັກ ທີລະເດດ Brand Ambassador Huawei Thai, ມີບັນດາແຂກທີ່ຖືກເຊີນ, ນັກສິລະປິນ, ນາຍແບບ, ນາງແບບຊື່ດັງຂອງລາວ ແລະ ມີບັນດາແຟນຄັບຂອງສິລະປິນ, ສື່ມວນຊົນເຂົ້າຮ່ວມຢ່າງຫຼວງຫຼາຍ.

ໃນງານເປີດຕົວຄັ້ງນີ້, ຜູ້ເຂົ້າຮ່ວມງານຍັງໄດ້ຊົມການສະແດງ  Brand Ambassador Huawei Lao & thai ຢ່າງອົບອຸ່ນ, ໄດ້ຕື່ນຕາຕື່ນໃຈ ແລະ ໄດ້ສຳຜັດປະສົບການໃໝ່ທາງເຕັກໂນໂລຊີຂອງຫົວເຫວີຍ Huawei P9 ທີ່ເປັນເອກະລັກຂອງຕົວທ່ານ, ໂດດເດັ່ນໃນການຖ່າຍຮູບດ້ວຍກ້ອງຄູ່  Dual-Camera, ມີ 6 ສີໃຫ້ເລືອກ: ສີຂາວ, ສີນໍ້າຕານ+ຄໍາ, ສີຂີ້ເຖົ່າ, ສີປອນ, ສີຄໍາ ແລະ ສີທີ່ເປີດຕົວໃໝ່ (Rose Gold), ລາຄາ 3.990.000 ກີບ ທ່ານສາມາດເປັນເຈົ້າຂອງໄດ້ແລ້ວຕາມສາຂາທົ່ວປະເທດ.

ບົດຄວາມແນະນໍາ

ສະແດງຄວາມຄິດເຫັນ