Senglao content (728×90)

ZenBook UX330 ແລະUX310 ໂດດເດັ່ນດ້ວຍຮູບລັກສະນະ ພ້ອມປະສິດທິພາບລະດັບສູງໃຫ້ເລືອກໄດ້ຕາມຕ້ອງການ

ASUS ເປີດຕົວຜະລິດຕະພັນລຸ້ນໃຫມ່ໃນ SeriesZenBook ເພື່ອມາເຕີມເຕັມຄວາມຕ້ອງການຂອງຕະຫຼາດພ້ອມກັນ ສອງລຸ້ນໄດ້ແກ່ ASUS ZenBook UX330 ທີ່ໂດດເດັ່ນເປັນພິເສດໃນດ້ານຂອງຄວາມເບົາບາງ ແບດເຕີລີ່ທີ່ໃຊ້ງານໄດ້ດົນເຖິງ 12 ຊົ່ວໂມງໂດຍບໍ່ຫຼຸດຜ່ອນປະສິດທິພາບ ຮ່ວມກັບອຸປະກອນເກັບຂໍ້ມູນແບບ SSD ເພື່ອຄວາມໄວໃນການເຂົ້າເຖິງຂໍ້ມູນ ແລະ ຍັງມີ ASUS ZenBook UX310 ທີ່ຄົບທຸກການໃຊ້ງານ ທັງຈໍສະແດງຜົນຄຸນນະພາບສູງ graphics chips ເພື່ອການປະມວນຜົນຮູບພາບທີ່ດີ ການອອກແບບອັນເປັນເອກະລັກໃນແບບສະບັບຂອງ ASUS ZenBook ເຊິ່ງຕອບສະໜອງທັງດ້ານຄວາມບັນເທິງ ແລະ ການໃຊ້ງານໄດ້ທຸກຮູບແບບ

ASUS ZenBook UX330

ການອອກແບບຕົວເຄື່ອງໃຫ້ມີຄວາມບາງສຸດພຽງ 13.5 ມິນລີແມັດ ແລະ ນໍ້າໜັກພຽງແຕ່ 1.2 ກິໂລກຼາມ ເຮັດໃຫ້UX330 ເປັນໜຶ່ງໃນ notebookຂະໜາດ 13.3 ນິ້ວທີ່ບາງ ແລະ ເບົາທີ່ສຸດໃນໂລກ. ASUS ZenBook UX330 ໄດ້ຮັບລາງວັນການອອກແບບຢ່າງ Red Dot Design Award 2016 ພາຍໃຕ້ຮູບຮ່າງທີ່ເບົາບາງແຕ່ຍັງຮັກສາຊ່ອງເຊື່ອມຕໍ່ເອົາໄວ້ຢ່າງຄົບຖ້ວນບໍ່ວ່າຈະເປັນ micro HDMI, ຊ່ອງສຽບຫູຟັງ, ຊ່ອງ SD Card, ຊ່ອງ USB 3.0 ແລະType-C ລວມເຖິງລາງວັນ iFDesign Award ສໍາລັບການອອກແບບ keyboard ໃຫ້ສາມາດໃຊ້ງານໄດ້ງ່າຍ ປຸ່ມກົດຂະໜາດໃຫຍ່ທັງຍັງມີການອອກແບບຊຸດກົນໄກພາຍໃນໃຫ້ມີລັກສະນະແບບມີດຕັດ ຊ່ວຍໃຫ້ສາມາດຕອບສະໜອງຕໍ່ການກົດໄດ້ເປັນຢ່າງດີດ້ວຍໄລຍະການກົດພຽງ 1.5 ມິນລີແມັດເທົ່ານັ້ນ.

ASUS ZenBook UX310

ສໍາລັບຜູ້ຕ້ອງການ notebook ປະສິດທິພາບສູງ ຕອບໂຈດທຸກຮູບແບບໃນການໃຊ້ງານ ASUS ZenBook UX310 ພ້ອມເປັນຜູ້ຊ່ວຍທ່ານໄດ້ໃນທຸກສະຖານະການນັບຕັ້ງແຕ່ວຽກເບົາໆໄປຈົນເຖິງວຽກທີ່ຕ້ອງໃຊ້ປະສິດທິພາບຂອງ hardware ໃນລະດັບສູງ ດ້ວຍການເລືອກໃຊ້ຊິບປະມວນຜົນ 6th Generation Intel® Core™ i7 Processors ຮ່ວມກັບຊິບກຣາຟິກຈາກNVIDIA ພາຍໃຕ້ຮູບຮ່າງທີ່ເບົາບາງ ແລະ ການອອກແບບອັນເປັນສິດທິພິເສດຂອງ ASUS ກັບຄວາມບາງທີ່ສຸດພຽງ 18.35 ມິນລີແມັດ ແລະ ນໍ້າໜັກພຽງແຕ່ 1.45 ກິໂລກຼາມ ເຮັດໃຫ້ສາມາດພົກພາໄປໃຊ້ງານນອກສະຖານທີ່ໄດ້ສະດວກ

14642716_1814192888823692_819617906_n 14620029_1814192885490359_350465575_n 14689062_1814192898823691_227329786_o

ສະແດງຄຳຄິດເຫັນ