GoPro Hero 5 ກ້ອງ Action Camera

GoPro HERO 5 ມີ 2 ລຸ້ນໃຫ້ເລືອກຄື HERO5 Black ແລະ HERO5 Session ໂດຍລຸ້ນ HERO5 Black ນັ້ນຈະມີຈໍສໍາຜັດສະແດງຜົນຂະໜາດ 2 ນິ້ວ ຖ່າຍຮູບພາບໄດ້ຄວາມລະອຽດເຖິງ 12 ລ້ານພິກເຊວ ລວມເຖິງຍັງຖ່າຍຮູບພາບໄຟລ໌ RAW ໄດ້ອີກດ້ວຍ ແລະ ວິດີໂອສາມາດຖ່າຍໄດ້ສູງສຸດທີ່ຄວາມລະອຽດ4K ທີ່ 30 fps ແລະ1080p ທີ່120 fps ແລະ ຍັງມີ GPS ມາໃຫ້ໃນຕົວ ໃນລຸ້ນນີ້ນັ້ນມີຄວາມນິ່ງຂອງການບັນທຶກວິດີໂອລະດັບມືອາຊີບດ້ວຍ Professional-Grade Electronic Video Stabilization ( ລະບົບຫຼຸດການສັ່ນໄຫວໃນເວລາຖ່າຍວິດີໂອ ) ເຊິ່ງເປັນລຸ້ນທໍາອິດໃນສາຍ HERO ທີ່ມີຄຸນສົມບັດດັ່ງກ່າວ ໃນຂະນະທີ່ HERO5 Session  ເປັນລຸ້ນທີ່ມີລັກສະນະເປັນກ້ອງຂະໜາດນ້ອຍເຮັດໃຫ້ສະດວກສະບາຍຕໍ່ການຖ່າຍຮູບພາບ ຫຼື ຕັ້ງກ້ອງໄວ້ໃນບ່ອນແຄບໆ ເຊິ່ງລຸ້ນນີ້ຈະສາມາດຖ່າຍວິດີໂອໄດ້ຄວາມລະອຽດ 4K ທີ່ 30 fps ຖ່າຍຮູບພາບທີ່ມີຄວາມລະອຽດ 10 ລ້ານພິກເຊວ.

ທັງນີ້ GoPro Hero5 ທັງ 2 ລຸ້ນນັ້ນມາພ້ອມຮູບລັກສະນະທີ່ສວຍງາມ ສະດວກສະບາຍຕໍ່ການໃຊ້ງານ ແລະ ງ່າຍຂຶ້ນ ທັງການບັນທຶກ ແລະ ແຊຣ໌ເລື່ອງຕ່າງໆໄດ້ໃນທັນທີ ສາມາດອັບໂຫລດຮູບພາບ ແລະ ວິດີໂອໄປຍັງ GoPro Plus ໄດ້ໂດຍອັດຕະໂນມັດ ດ້ວຍການບໍລິການ Cloud-based Subscription Service ເຊິ່ງຊ່ວຍໃຫ້ງ່າຍຕໍ່ການເຂົ້າເຖິງ ຕັດ ແລະ ແຊຣ໌ຄອນເທັນຈາກໂກໂປຣໄດ້ທຸກທີ່ທຸກເວລາ ໂດຍການໃຊ້ໂທລະສັບ ຫຼື ຄອມພິວເຕີ ລວມເຖິງສຸດຍອດຟັງຊັ່ນ Voice Controlຫຼືການຄວບຄຸມສັ່ງງານກ້ອງດ້ວຍສຽງ ເພື່ອຄວາມສະດວກສະບາຍໃນການໃຊ້ງານໃນຊີວິດປະຈໍາວັນຫຼາຍຂຶ້ນ ແລະ ການຖ່າຍຮູບພາບແຈ້ງຫຼາຍຂຶ້ນດ້ວຍໂໝດ WDR (Wide Dynamic Range) ທີ່ຈະເຮັດໃຫ້ການຖ່າຍຮູບພາບຍ້ອນແສງເປັນເລື່ອງງ່າຍ ແລະ ສວຍງາມ ຕະຫຼອດຈົນມີມຸມມອງແບບ New Linear-View ເພື່ອຮູບພາບມຸມກວ້າງໂດຍບໍ່ບິດບ້ຽວນອກຈາກນີ້ຍັງກັນນໍ້າໂດຍບໍ່ຕ້ອງໃສ່ຕົວHousing ໄດ້ລະດັບຄວາມເລິກເຖິງ 33 ຟຸດ ( 10 ແມັດ ) GoPro ຍັງກຽມທີ່ຈະເປີດຕົວອຸປະກອນເສີມໃໝ່ອື່ນໆອີກຫຼາກຫຼາຍໃນຊ່ວງປີນີ້ເຊັ່ນ: ພວງກະແຈ Quick Key ແລະ ຕົວອ່ານກາຣ໌ດ Micro SD ທີ່ສາມາດສຽບເຂົ້າກັບໂທລະສັບມືຖືເພື່ອຖ່າຍໂອນຮູບພາບ ແລະ ວິດີໂອຈາກ GoPro ຂອງທ່ານໄດ້ໄວ ແລະ REMO ຣີໂມດ ເຮັດວຽກຮ່ວມກັບລະບົບ Voice Control ເປີດໃຊ້ງານດ້ວຍສຽງ ນອກຈາກນີ້ຍັງມີການບໍລິການທີ່ດີມີຄວາມເປັນມືອາຊີບ ຄວາມສະດວກໄວ ແລະ ຄວາມເພິ່ງພໍໃຈແກ່ລູກຄ້າຢ່າງສູງສຸດອີກດ້ວຍ.

14643096_1817831431793171_410962384_n 14696801_1817831428459838_130711006_n 14741674_1817831418459839_669609148_n 14797461_1817831425126505_1255160729_n

ບົດຄວາມແນະນໍາ

ສະແດງຄວາມຄິດເຫັນ

error: Content is protected !!