ກຽມພົບກັບສັບປະດາວັນແຫ່ງການຄົ້ນຄວ້າ ເພື່ອການພັດທະນາ

ໃນ​ວັນ​ທີ 19 ຕຸລາ 2015 ທີ່​ສະມາຄົມ​ນັກ​ຂ່າວ ​ໄດ້​ຈັດ​ງານ​ຖະ​ແຫຼ​ງຂ່າວ ວັນ​ສັບປະດາ​​ແຫ່ງ​​ການ​ຄົ້ນ​ຄວ້າ ​ເພື່ອການ​ພັດທະນາ ​ເປັນ​ການ​ຮ່ວມ​ມື ​ລະຫວ່າງ ກະຊວງ​ຊັບ​ພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ, ສະ​ຖາ​ບັນ​ຝຣັ່ງ ປະຈຳ​ລາວ ​ແລະ ອົງການ CIRAD. ​ໂດຍ​ມີ​ທ່ານ ສົມ​ສະໜຸກ ມີ​ໄຊ ຮອງ​ປະທານ​ສະມາຄົ​ມນັກ​ຂ່າວແຫ່ງ ສປປລາວ, ທ່ານ ​ເຢ​ໂລມ ຢິວບົວ ​ແມັດ​ຊັງ ທີ່​ປຶກສາ​ດ້ານ​ການ​ຮ່ວມ​ມື ວັດທະນະທຳ ​ແລະ ສື່​ມວນ​ຊົນ​ເຂົ້າ​ຮ່ວມ.

ງານສັບປະດາ ຈະ​ຈັດ​ຂຶ້ນ​ໃນ​ວັນ​ທີ 22-23 ຕຸລາ 2015 ນີ້ ພາຍ​ໃຕ້​ຫົວ​ຂໍ້ ການ​ປ່ຽນ​ແປງ​ດິນ​ຟ້າ​ອາກາດ ​ແລະ ການ​ພັດທະນາ ຄັ້ງ​ທີ 5  ​ງານ​ດັ່ງ​ກ່າວ ​ຈະເປັນ​ເວທີ​​ສົນທະນາ​ ໃນ​ການ​ປຶກສາ​ຫາລື ​​ໃນ​ການແລກປ່ຽນຄຳ​ຄິດ​​ເຫັນ ກ່ຽວກັບ​ການປ່ຽນ​ແປງ​ດິນ​ຟ້າ​ອາກາດ ​ແລະ ການ​ພັດທະນາ ​ໃນ​ສປປ ລາວ, ຈະ​ເຮັດ​ແນວ​ໃດ​ເພື່ອ​ໃຫ້​ເປົ້າໝາຍການ​ພັດທະນາ ​ແລະ ບັນຫາ​ທີ່​ຕິດ​ພັນ​ກັບ​ການ​ປ່ຽນ​ແປງ​ດິນ​ຟ້າ​ອາກາດ ມີ​ຄວາ​ມສອດຄ່ອງ​ຍິ່ງ​ຂຶ້ນ, ບົດບາດ​ສຳຄັນ​ຂອງ​ຂະ​ແໜງກະສິກຳ ​ແລະ ປ່າ​ໄມ້ໃນ ສປປ ລາວ, ການ​ຫຼຸດຜ່ອນ​ການ​ປ່ຽນ​ແປງ​ດິນ​ຟ້າ​ອາກາດ, ການ​ປັບ​ຕົວ​ເຂົ້າ​ກັບ​ການ​ປ່ຽນ​ແປງ​ດິນ​ຟ້າ​ອາກາດ.

ປັດຈຸບັນການ​ປ່ຽນ​ແປງ​ດິນ​ຟ້າ​ອາກາດ ມີ​ຜົນ​ກະທົບ​ຕໍ່​ປັດ​​ໄຈພື້ນຖານ​ຂອງ​ການ​ດຳລົງ​ຊີວິດ, ການ​ຄ້ຳປະກັນ​ສະບຽງອາຫານ, ຊັບພະຍາກອນນໍ້າ ​ແລະ ສຸຂະພາບ​ຂອງ​ປະຊາຊົນ​ຈຳນວນ​ບໍ່ໜ້ອຍ. ບັນຫາ​ຄວາມ​ສ່ຽງດ້ານ​ດິນ​ຟ້າ​ອາກາດ​ ກໍ​ນັບ​ມື້​ຮຸນ​ແຮງ​ຂຶ້ນ​ເລື້ອຍໆ ​ເຊັ່ນ​: ​ໄພ​​ແຫ້ງ​ແລ້ງ ​ແລະ ​ໄພ​ນ້ຳ​ຖ້ວມສະ​ນັ້ນ ສປປ ລາວ ຕ້ອງມີ​ມາດ​ຕະການ​ໃນ​ການ​ຮັບ​ມື ​ເພື່ອ​ກຽມຕົວ​ປະ​ເຊີນໜ້າກັບ​ໄພ​ດັ່ງກ່າວ.

12166417_1656851947924463_1328473194_n

ບົດຄວາມແນະນໍາ

ສະແດງຄວາມຄິດເຫັນ