Senglao content (728×90)

ງານວາງສະແດງສິນຄ້າ ວຽງຈັນ ເອັກໂປ 2015 ຈະຈັດຂຶ້ນທ້າຍເດືອນພະຈິກ

ວັນທີ18 ສິງຫາ 2015 ຢູ່ທີ່ສູນການຄ້າ ລາວ-ໄອເຕັກ ນະຄອນຫຼວງວຽງຈັນ ກະຊວງອຸດສາຫະກຳແລະ ການຄ້າ ໄດ້ຈັດພິທີຖະແຫຼ່ງຂ່າວ ການກະກຽມຈັດງານວາງສະແດງສິນຄ້າ Vientiane EXPO 2015 ເຊິ່ງຈະໄດ້ຈັດຂຶ້ນໃນລະຫວ່າງວັນທີ 30 ພະຈິກ – 6 ທັນວາ 2015 ທີ່ຈະມາເຖິງນີ້ຢູ່ທີ່ສູນການຄ້າລາວ-ໄອເຕັກ ໂດຍການເປັນປະທານຂອງທ່ານ ນາງ ເຂັ້ມມະນີ ພົນເສນາ ລັດຖະມົນຕີວ່າການກະຊວງອຸດສາຫະກຳ ແລະ ການຄ້າ, ຫົວໜ້າອະນຸກຳມະການວາງສະແດງຜົນສຳເລັດການພັດທະນາເສດຖະກິດ-ສັງຄົມແລະ ສິນຄ້າປີ 2015, ທ່ານ ສະເຫຼີມໄຊ ກົມມະສິດ ລັດຖະມົນຕີຊ່ວຍວ່າການກະຊວງການຕ່າງປະເທດ, ມີບັນດາຜູ້ຕ່າງໜ້າແຕ່ລະກະຊວງ, ແຕ່ລະສະຖານທູດປະຈຳລາວ, ສະມາຄົມ ແລະ ກຸ່ມນັກທຸລະກິດ ແລະ ສື່ມວນຊົນເຂົ້າຮ່ວມ.
ວຽງຈັນ ເອັກສໂປ 2015 ຈັດຂຶ້ນເປັນຄັ້ງທຳອິດ ເຊິ່ງເປັນງານສະແດງລະດັບຊາດ ແລະ ພາກພື້ນ, ເພື່ອເປັນການສ້າງຂະບວນການສະເຫຼີມສະຫຼອງ ວັນສະຖາປະນາ ສປປ ລາວ ຄົບຮອບ 40 ປີ ແລະ ການກະກຽມຄວາມພ້ອມໃຫ້ແກ່ການເຂົ້າຮ່ວມປະຊາຄົມເສດຖະກິດອາຊຽນໃນທ້າຍປີ 2015 ແລະ ສປປ ລາວຈະເປັນປະທານອາຊຽນໃນປີ 2016. ພາຍໃນງານວາງສະແດງຈະເປັນການໂຄສະນາເຜີຍແຜ່ວຽກງານພັດທະນາເສດຖະກິດ-ສັງຄົມໃນລະດັບສູນກາງ ແລະ ທ່ອງຖິ່ນ ທີ່ພົ້ນເດັ່ນຂອງອົງການຈັດຕັ້ງໃນໄລຍະຜ່ານມາ ແລະ ຈະເປັນເວທີພົບປະແລກປ່ຽນຂໍ້ມູນຂ່າວສານດ້ານການຄ້າ ແລະ ການລົງທຶນຮ່ວມກັນລະຫວ່າງນັກທຸລະກິດລາວ ແລະ ປະເທດເພື່ອນມິດ.
Expro_01 Expro_02 Expro_03 Expro_04

Comments