ພິທີວາງສິລາເລິກໂຄງການສ້າງຕາໜ່າງ ສະຖານີຕິດຕາມແຜ່ນດິນໄຫວ ແລະ ສູນຂໍ້ມູນແຜ່ນດິນໄຫວແຫ່ງຊາດ ຈັດຂຶ້ນໃນວັນທີ 27 ພະຈິກ 2018 ທີ່ນະຄອນຫຼວງວຽງຈັນ.   ເປັນອີກໜຶ່ງໂຄງການ ທີ່ລັດຖະບານ ສປ ຈີນ ຊ່ວຍເຫຼືອ ລັດຖະບານ ສປປ ລາວ ເຊິ່ງສ່ອງແສງໃຫ້ເຫັນເຖິງການຮ່ວມມືທີ່ສະໜິດແໜ້ນ ກໍຄືມິດຕະພາບອັນເປັນມູນເຊື້ອລະຫວ່າງສອງປະເທດຈີນ-ລາວ; ໂຄງການດັ່ງກ່າວຈະໄດ້ຊ່ວຍເຫຼືອທາງດ້ານເຕັກນິກວິຊາການ, ການຕິດຕັ້ງກໍ່ສ້າງ ແລະ ເຝິກອົບຮົມ, ເພື່ອສ້າງຄວາມເຂັ້ມແຂງໃຫ້ແກ່ການຕິດຕາມ ແລະ ປ້ອງກັນໄພແຜ່ນດິນໄຫວ. ສ້າງລະບົບຕິດຕາມ ແລະ ລາຍງານຂໍ້ມູນການເກີດແຜ່ນດິນໄຫວລະດັບ 03 ຣິກເຕີຂຶ້ນໄປ, ຈັບຈຸດທີ່ເກີດແຜ່ນດິນໄຫວໄດ້ຢ່າງຖືກຕ້ອງຊັດເຈນ ແລະ ລາຍງານຢ່າງທັນການ ພ້ອມແຈ້ງເຕືອນໃນກໍລະນີເກີດແຜ່ນດິນໄຫວທີ່ຮຸນແຮງ ແລະ ຫຼັງສັ່ນສະເທືອນທີ່ຕາມມາ ເຊິ່ງມີຄວາມໝາຍສຳຄັນຍິ່ງ ຕໍ່ການປ້ອງກັນ ແລະ ຫຼຸດຜ່ອນຜົນເສຍຫາຍທາງດ້ານຊີວິດ ແລະ ຊັບສິນຂອງປະຊາຊົນໃນພາກພື້ນກໍຄືໃນ ສປປລາວ; ນອກຈາກນີ້, ຍັງໄດ້ເປັນພື້ນຖານໃຫ້ແກ່ການຄົ້ນຄວ້າວິທະຍາສາດທາງດ້ານທໍລະນີສາດຟິຊິກ ແລະ ອື່ນໆ, ເພື່ອສະໜອງຂໍ້ມູນຂ່າວສານໃຫ້ແກ່ການພັດທະນາອຸດສາຫະກຳ ອັນໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມແຫ່ງຊາດອີກດ້ວຍ; ພ້ອມນີ້ຍັງຈະໄດ້ສ້າງສູນຂໍ້ມູນແຜ່ນດິນໄຫວແຫ່ງຊາດ ຢູ່ທີ່ກົມອຸຕຸນິຍົມ ແລະ ອຸທົກກະສາດ ແລະ ສ້າງສະຖານີຕິດຕາມແຜ່ນດິນໄຫວ 15 ແຫ່ງໃນທົ່ວປະເທດ, ຄາດວ່າໂຄງການດັ່ງກ່າວຈະສ້າງໃຫ້ສຳເລັດໃນປີ ...

ໃນ 9 ເດືອນ ແຂວງຈຳປາສັກ ມີສະຖິຕິການສົ່ງອອກສິນຄ້າ ໄດ້ຈໍານວນ 110.803 ໂຕນ, ມູນຄ່າ 11.438.328 ໂດລາສະຫະລັດ, ອອກໃບຢັ້ງຢືນແຫຼ່ງກໍາເນີດສິນຄ້າ ປະຕິບັດໄດ້ 116 ສະບັບ, ຈໍານວນສິນຄ້າ 134.986 ໂຕນ, ມູນຄ່າ 15,5 ລ້ານໂດລາສະຫະລັດ ສ່ວນໃຫຍ່ແມ່ນຢາງພາລາ, ໄມ້ສໍາເລັດຮູບ, ແປ້ງມັນສໍາເລັດຮູບ, ກາເຟສໍາເລັດຮູບ ແລະ ກາເຟເມັດ. ຕົວເລກການສົ່ງອອກດັ່ງກ່າວ ໂດຍໄດ້ຮັບການລາຍງານຕໍ່ກອງປະຊຸມສະພາການຄ້າ ແລະ ອຸດສາຫະກໍາ (ສຄອ) ແຂວງຈໍາປາສັກ ໃນການສະຫຼຸບການເຄື່ອນໄຫວວຽກງານ 9 ເດືອນ ປີ 2018. ຈັດຂຶ້ນຢູ່ໂຮງແຮມເອລາວັນ ຣີເວີຊາຍ ບ້ານໂພນສະຫວັນ ນະຄອນປາກເຊ ເມື່ອວັນທີ 19 ພະຈິກ 2018 ໂດຍການເປັນປະທານຂອງ ທ່ານ ອຸດອນ ສິງສຸວົງ ຮອງປະທານ ສຄອ ແຂວງ. ມີທ່ານ ດຣ.ຈິນດາ ວົງສຸລິ ທີ່ປຶກສາ ສຄອ ແຂວງ ພ້ອມດ້ວຍຄະນະປະຈໍາ, ...

ທ່ານ ຄໍາມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່ ຊີ້ແຈງກ່ຽວກັບການແກ້ໄຂຂໍ້ຄົງຄ້າງ ການຈັດຕັ້ງປະຕິບັດວຽກງານ ຂອງກະຊວງພະລັງງານ ແລະ ບໍ່ແຮ່ ໃນໄລຍະຜ່ານມາຕໍ່ກອງປະຊຸມສະໄໝສາມັນເທື່ອທີ່ 6 ຂອງສະພາແຫ່ງຊາດຊຸດທີ່ 8 ໃນຕອນເຊົ້າຂອງວັນທີ 26 ພະຈິກ 2018 ຜ່ານມາວ່າ: ໄລຍະການຈັດຕັ້ງປະຕິບັດ ວຽກງານພະລັງງານ ແລະ ບໍ່ແຮ່ ໄດ້ດໍາເນີນໄປຕາມແນວທາງປ່ຽນແປງໃໝ່ຂອງພັກເປັນຕົ້ນ: ການຫັນເປັນອຸດສາຫະກຳທັນສະໄໝ, ປັດຈຸບັນທົ່ວປະເທດມີແຫຼ່ງພະລິດພະລັງງານໄຟຟ້າເຖີງ 61 ແຫ່ງລວມກຳລັງຕິດຕັ້ງ 7ແສນເມກະວັດ ສາມາດຜະລິດໄຟຟ້າໄດ້ 37ລ້ານກວ່າກິໂລວັດໂມງ ນັບແຕ່ປີ 2003 ຫາ 2017 ຂະແໜງທໍລະນີສາດ – ບໍ່ແຮ່ ເປັນຂະແໜງໜື່ງທີ່ສຳຄັນນອນຢູ່ໃນແຖວໜ້າຂອງລະບົບເສດຖະກິດແຫ່ງຊາດ ສາມາດສ້າງລາຍຮັບເຂົ້າງົບປະມານໄດ້ຫຼາຍສົມຄວນ ປະກອບສ່ວນເຂົ້າໃນການພັດທະນາເສດຖະກິດ – ສັງຄົມ ຢ່າງຕໍ່ເນື່ອງ, ຄຽງຄູ່ກັນນັ້ນຍັງຕ້ອງໄດ້ສຸມໃສ່ແກ້ໄຂຂໍ້ຄົງຄ້າງຕື່ມອີກ ໂດຍສະເພາະການພັດທະນາວຽກງານພະລັງງານ ແລະ ບໍ່ແຮ່ ຍັງບໍ່ທັນສອດຄ່ອງກັບສະພາບ ແລະ ຄວາມຮຽກຮ້ອງຕ້ອງການຕົວຈິງຂອງສັງຄົມ, ການກຳນົດຄວາມຮັບຜິດຊອບຂອງຂະແໜງການທີ່ກ່ຽວຂ້ອງ ລະຫວ່າງສູນກາງຍັງບໍ່ທັນລະອຽດ ລວມເຖິງວຽກງານສຳຄັນອື່ນໆ. ປັດຈຸບັນ, ກະຊວງພະລັງງານ ແລະ ບໍ່ແຮ່ ໄດ້ສືບຕໍ່ປັບປຸງຍຸດທະສາດການພັດທະນາວຽກງານພະລັງງານ ແລະ ...

ທ່ານ ທອງລຸນ ສີສຸລິດ ນາຍົກລັດຖະມົນຕີ , ທ່ານ ບຸນຈັນ ສິນທະວົງ ລັດຖະມົນຕີໂຍທາທິການ ແລະ ຂົນສົ່ງ , ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມດ້ວຍແຂກຖືກເຊີນ ໃຫ້ກຽດເຂົ້າຮ່ວມ. ຂົວດັ່ງກ່າວກໍ່່ສ້າງດ້ວຍເບຕົງອັດແຮງ ຄວາມຍາວປະມານ 220 ແມັດ ກວ້າງ 11 ແມັດ ລວມທັງທາງຄົນຍ່າງ ແລະ ກໍານົດເວລາການກໍ່ສ້າງ 24 ເດືອນ ມູນຄ່າຂອງການກໍ່ສ້າງ 105 ຕື້ກີບ ຫຼັງຈາກນັ້ນ ບໍລິສັດກໍ່ຮີບຮ້ອນລົງມືສໍາຫຼວດເກັບກໍາຂໍ້ມູນ ແລະ ອອກແບບລະອຽດ ອີງໃສ່ສະພາບພື້ນທີ່ຕົວຈິງ ແມ່ນມີຄວາມຈໍາເປັນຕ້ອງໄດ້ເພີ່ມລາວຍາວຂອງຂົວໄປຕື່ມ ເປັນ 236 ແມັດ ແລະ ກໍ່ສ້າງທາງເບຕົງສົ້ນຂົວເບື້ອງລະ 30 ແມັດ. ຂົວແຫ່ງນີ້ ແມ່ນໄດ້ເລີ່ມກໍ່ສ້າງແຕ່ວັນທີ 25/6/2016 ຕາມສັນຍາການຈັດຕັ້ງປະຕິບັດໂຄງການ ສະບັບເລກທີ 0612/ຈນວ, ລົງວັນທີ 19/6/2016 ເຊີ່ງຫຼາຍທ່ານຄືຈະຈຳເຫດການເສົ້າສະຫຼົດໃຈ ໃນວັນທີ 26 ພຶດສະພາ 2016 ໄດ້ເກີດເຫດເຮືອຫຼົ້ມ ...

ທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງ ຊີ້ແຈງກ່ຽວກັບການແກ້ໄຂຂໍ້ຄົງຄ້າງການຈັດຕັ້ງປະຕິບັດວຽກງານ ຂອງກະຊວງ ໃນໄລຍະຜ່ານມາ ຕໍ່ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ 8 ໃນຕອນບ່າຍຂອງວັນທີ 26 ພະຈິກ 2018 ຜ່ານມາວ່າ: ໄລຍະຜ່ານມາ ກະຊວງໂຍທາທິການ ແລະ ຂົນສົ່ງ ໄດ້ເອົາໃຈໃສ່ໃນການເກັບຄ່າທຳນຽມທາງຫັນເປັນທັນສະໄໝ ຜ່ານລະບົບທະນາຄານໂດຍສົມທົບກັບກະຊວງການເງິນ ຜ່ານການປະຕິບັດຕົວຈິງເຫັນວ່າ ບໍ່ທັນໄດ້ຮັບການຄຸ້ມຄອງດີປານໃດ ແລະ ໄດ້ສະເໜີພາກສ່ວນທີ່ກ່ຽວຂ້ອງຮີບຮ້ອນແກ້ໄຂໃຫ້ທັນກັບສະພາບການພັດທະນາໃນປັດຈຸບັນ ພ້ອມນັ້ນຍັງໄດ້ເອົາໃຈໃສ່ແກ້ໄຂບັນຫາເຂດຊາຍແດນຕິດຈອດລະຫວ່າງປະເທດ ການກໍ່ສ້າງຕາຝັງເຈື່ອນຕາມແມ່ນ້ຳຕ່າງໆ ຊຸກຍູ້ການກໍ່ສ້າງໂຄງການຕາຝັງເຈື່ອນລຽບຕາມຊາຍແດນລະຫວ່າງປະເທດໃຫ້ທັນກັບສະພາບການ, ກວດກາຄືນ ແລະ ຢຸດຕິການຂຸດຄົ້ນ ແຮ່-ຊາຍຢ່າງຖາວອນ, ພ້ອມທັງເອົາໃຈໃສ່ແກ້ໄຂບັນຫາການນຳເຂົ້າພາຫະນະທີ່ຫຼີກການເສຍພາສີອາກອນ ການເກັບອາກອນຜູ້ນຳໃຊ້ປ້າຍລົດ,ການກໍ່ສ້າງທາງລົດໄຟລາວຈີນ ພ້ອມທັງແກ້ໄຂບັນຫາການບັນທຸກເກີນນ້ຳໜັກ ແລະ ອື່ນໆ. ພາຍຫຼັງສະມາຊິກສະພາແຫ່ງແຕ່ລະເຂດເລືອກຕັ້ງໄດ້ຟັງການຊີ້ແຈງ ກ່ຽວກັບການແກ້ໄຂຂໍ້ຄົງຄ້າງການຈັດຕັ້ງປະຕິບັດວຽກງານຂອງກະຊວງໂຍທາທິການ ແລະ ຂົນສົ່ງ ໃນໄລຍະຜ່ານມາແລ້ວ ສະມາຊິກສະພາແຫ່ງຊາດແຕ່ລະເຂດເລືອກຕັ້ງໄດ້ສືບຕໍ່ປະກອບຄຳເຫັນໃສ່ວຽກງານນີ້ຕື່ມອີກເພື່ອໃຫ້ສອດຄ່ອງກັບສະພາບເງື່ອນໄຂຕົວຈິງໃນປັດຈຸບັນ. ທ່ານ ເພັດແກ້ວ ເຮືອງປັນຍາ ສະມາຊິກສະພາແຫ່ງຊາດປະຈໍາເຂດເລືອກຕັ້ງທີ 17 ແຂວງອັດຕະປືມີຄຳຊັກຖາມ ຕໍ່ການຊີ້ແຈງຂອງລັດຖະມົນຕີ ຍທຂ ວ່າ: ກ່ຽວກັບການຄຸ້ມຄອງ ແລະ ນໍາໃຊ້ທຶນເຂົ້າໃນການສ້ອມແປງເສັ້ນທາງຢູ່ທ້ອງຖິ່ນໄດ້ຈັດຕັ້ງປະຕິບັດແນວໃດ ເພາະເຫັນວ່າພະແນກໂຍທາທິການ ແລະ ຂົນສົ່ງແຂວງຈັດຕັ້ງປະຕິບັດເອງ ...

ລັດຖະບານແຫ່ງ ປະເທດມົງໂກລີ ມອບແກະເປັນຂອງຂວັນໃຫ້ແກ່ລັດຖະບານແຫ່ງ ສປປລາວ ເພື່ອເປັນການເສີມຂະຫຍາຍສາຍພົວພັນມິດຕະພາບ ທີ່ມີມູນເຊື້ອລະຫວ່າງ ລາວ-ມົງໂກລີ ໃຫ້ນັບມື້ແໜ້ນແຟ້ນຂຶ້ນກວ່າເກົ່າ. ພິທີມອບຮັບແກະ ຢ່າງເປັນທາງການຈຳນວນ 1.050 ໂຕ ຈັດຂຶ້ນໃນວັນທີ 23 ພະຈິກ 2018 ແລະ ຈໍານວນດັ່ງກ່າວນີ້ ມີແມ່ພັນ 850 ໂຕ, ພໍ່ພັນ 25 ໂຕ. ແກະທັງໝົດນີ້ ແມ່ນມອບໃຫ້ກະຊວງປ້ອງກັນປະເທດ ນໍາໄປລ້ຽງ ແລະ ຂະຫຍາຍແນວພັນຢູ່ສະຖານທີ່ລ້ຽງຂອງກະຊວງປ້ອງກັນປະເທດ 02 ຈຸດຄື:  ທົ່ງພູເກັງ ແຂວງ ຊຽງຂວາງ ແລະ ທົ່ງຜາເຈຍ ແຂວງຫຼວງພະບາງ. ພ້ອມກັນນີ້, ລັດຖະບານມົງໂກລີຍັງໄດ້ສົ່ງຊ່ຽວຊານ 03 ທ່ານມາຊ່ວຍແນະນໍາໃຫ້ວິຊາການລາວເປັນເວລາ 03 ເດືອນ. ຂອບໃຈຂໍ້ມູນຈາກເພສບຸກທ່ານ ສຸລິອູດົງ ສູນດາຣາ.  

ໂຄງການກໍ່ສ້າງອາຄານຮ່ວມມືການຄົ້ນຄວ້າ ແລະ ຜະລິດກະສິກຳ ລາວ-ຈີນ ຕັ້ງຢູ່ບ້ານໂພນງາມ ເມືອງໄຊທານີ ນະຄອນຫຼວງວຽງຈັນ. ໂຄງການດັ່ງກ່າວ, ເປັນໜຶ່ງໃນໂຄງການ ທີ່ສອງຊາດ ລາວ-ຈີນ ໄດ້ຊຸກຍູ້ສົ່ງເສີມ ເປັນໂຄງການເລີມຕົ້ນຂອງໂຄງການເຂດອຸດສາຫະກຳ-ກະສິກຳທັນສະໄໝ ພາຍໃຕ້ນະໂຍບາຍ “ໜຶ່ງແລວໜຶ່ງເສັ້ນທາງ”. ໂຄງການນີ້, ຈະຊ່ວຍເພີ່ມທະວີການພົວພັນຮ່ວມມື ລະຫວ່າງ ສປປ ລາວ ແລະ ສປ ຈີນ ໃຫ້ແໜ້ນແຟ້ນຂຶ້ນກວ່າເກົ່າ, ທັງເປັນການສົ່ງເສີມການພັດທະນາກະສິກໍາສະ ໄໝໃໝ່ຂອງລາວ ແລະ ມີຄວາມສຳຄັນຫຼາຍໃນການເຊື່ອມໂຍງສາຍພົວພັນລາວ-ຈີນ ໃຫ້ເປັນຮູບປະທຳຫຼາຍຂຶ້ນ. ພິທີວາງສິລາເລິກໂຄງການກໍ່ສ້າງອາຄານຮ່ວມມືຄົ້ນຄວ້າ ແລະ ຜະລິດກະສິກຳລາວ-ຈີນ ຈັດຂຶ້ນໃນວັນທີ 25 ພະຈິກ 2018, ໂດຍມີ ທ່ານ ລຽນ ທິແກ້ວ ລັດຖະມົນຕີ ກະຊວງກະສິກຳ ແລະ ປ່າໄມ້, ທ່ານ ຕູ້ ເຈຍຫາວ (Du Jiahao) ກຳມະການສູນກາງພັກ, ເລຂາພັກແຂວງ, ປະທານສະພາປະຊາຊົນແຂວງ ຫູໜານ ສປ ຈີນ, ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ. ຂໍ້ມູນຈາກ: ຂປລ.

ຕອນເຊົ້າ ວັນທີ 26 ພະຈິກ 2018 ຢູ່ທີ່ຫ້ອງການສ່ວຍສາອາກອນປະຈໍາ ນະຄອນຫຼວງວຽງຈັນ ໄດ້ຈັດກອງປະຊຸມເຜີຍແຜ່ການນໍາໃຊ້ລະບົບ ຄຸ້ມຄອງຂໍ້ມູນຂ່າວສານລາຍຮັບສ່ວຍສາອາກອນ (Tax RIS) ໃຫ້ແກ່ບັນດາວິສາຫະກິດ ພາຍໃນນະຄອນຫຼວງວຽງຈັນ. ກອງປະຊຸມດັ່ງກ່າວຈະດໍາເນີນໄປເຖິງວັນທີ 29 ພະຈິກ 2018 ນີ້. ຂໍ້ມູນຈາກ: ເພສບຸກ sililaththongsin THONGPHENG  

ວັນທີ 26 ພະຈິກ 2018 ນີ້ ທີ່ທຳນຽບປະທານປະເທດ ບັນດາຜູ້ນຳເຮົານຳໂດຍ ທ່ານ ບຸນຍັງ ວໍລະຈິດ ປະທານປະເທດ, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ທ່ານ ພັນຄຳ ວິພາວັນ ຮອງປະທານປະເທດ, ທ່ານ ສະເຫຼີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ໄດ້ຕ້ອນຮັບບັນດາທູຕານຸທູດ ແລະ ຜູ້ຕາງໜ້າອົງການຈັດຕັ້ງສາກົນ ປະຈຳລາວ, ພ້ອມດ້ວຍຄູ່ສົມລົດ ເຂົ້າອວຍພອນ, ເນື່ອງໃນໂອກາດວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 43 ປີ. ໃນໂອກາດດັ່ງກ່າວ ທ່ານ ມິຄາອິນ ບາຣານົບ ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງສະຫະພັນລັດເຊຍ ປະຈຳ ສປປ ລາວ, ພ້ອມທັງເປັນທູດອາວຸໂສ ໄດ້ຕາງໜ້າໃຫ້ແກ່ບັນດາທູ ຕານຸທູດ, ຜູ້ຕາງໜ້າອົງການຈັດຕັ້ງສາກົນ ປະຈຳ ລາວ ສະແດງຄວາມຊົມເຊີຍ ຕໍ່ຜົນສຳເລັດໃນຫຼາຍດ້ານ ທີ່ ...

ສານຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ໃນໂອກາດວັນສາກົນເພື່ອລຶບລ້າງການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ ປະຈໍາປີ 2018 ມີເນື້ອໃນສໍາຄັນບາງຕອນວ່າ: ສປປ ລາວ ໄດ້ໃຫ້ຄວາມສໍາຄັນ ແລະ ເອົາໃຈໃສ່ຢ່າງຕັ້ງໜ້າໃນການຈັດຕັ້ງປະຕິບັດແຜນງານ ເພື່ອການຫຼຸດຜ່ອນ ແລະ ລຶບລ້າງການນໍາໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ. ໃນຊຸມປີຜ່ານມາ, ສປປ ລາວ ໄດ້ເຂົ້າຮ່ວມເຄື່ອນໄຫວ ທັງໃນເວທີພາກພື້ນ ແລະ ສາກົນຢ່າງຕັ້ງໜ້າ ສະແດງອອກໃນການເຂົ້າຮ່ວມເປັນພາຄີໃນສົນທິສັນຍາພື້ນຖານດ້ານສິດທິມະນຸດຂອງ ອົງການສະ​ຫະ​ປະ​ຊາ​ຊາດ ຈຳນວນຫຼາຍສະບັບ, ໃນນັ້ນລວມມີ ສົນທິສັນຍາວ່າດ້ວຍການລຶບລ້າງທຸກຮູບການຈຳແນກຕໍ່ແມ່ຍິງ (CEDAW), ສົນທິສັນຍາວ່າດ້ວຍສິດທິເດັກ (CRC) ແລະ ອະນຸສັນຍາເພີ່ມເຕີມ 2 ສະບັບ ຂອງສົນທິສັນຍາວ່າດ້ວຍສິດທິເດັກທີ່ພົວພັນກັບການຄ້າຂາຍເດັກ, ໂສເພນີເດັກ ແລະ ຮູບພາບລາມົກອານາຈານເດັກ ແລະ ການເອົາເດັກເຂົ້າຮ່ວມໃນການປະທະກັນດ້ານອາວຸດ ພ້ອມທັງ ຮັບຮອງເອົາຖະແຫຼງການ ອາຊຽນ ວ່າດ້ວຍ ການລຶບລ້າງຄວາມຮຸນແຮງຕໍ່ແມ່ຍິງ ແລະ ເດັກ.   ມາຮອດປັດຈຸບັນນີ້, ສາມາດຕີລາຄາໄດ້ວ່າ ສປປ ລາວ ໄດ້ປະສົບຜົນສໍາເລັດໂດຍພື້ນຖານ ໃນການປະຕິບັດພັນທະຂອງຕົນຮ່ວມກັບວົງຄະນະຍາດສາກົນ ແລະ ໄດ້ນໍາເອົາເນື້ອໃນຈິດໃຈຂອງສົນທິສັນຍາສາກົນທີ່ ...