ບັນດາຜູ້ປ່ອຍສິນເຊື່ອ ຫຼື ເງິນກູ້ ທັງຫຼາຍ ອາດມີຂໍ້ສົງໃສວ່າ: ໃນດ້ານກົດໝາຍ ເຈົ້າໜີ້ ມີສິດຍຶດຫຼັກຊັບຄ້ຳປະກັນແລ້ວປະກາດຂາຍເອງໄດ້ບໍ່? ຄໍາຕອບກະຄື “ບໍ່” ຕາມກົດໝາຍແລ້ວ ເຈົ້າໜີ້ ບໍ່ມີສິດຍຶດຫຼັກຊັບຄ້ຳປະກັນແລ້ວປະກາດຂາຍເອງໄດ້ ຖ້າຫາກ ລູກໜີ້ ບໍ່ເຫັນດີ ຫຼື ບໍ່ຍິນຍອມ. ຫຼັກການນີ້ ມີຢູ່ວ່າ: ຫຼັກຊັບຄໍ້າປະກັນ ແມ່ນຄໍ້າເພື່ອຮັບປະກັນການໃຊ້ແທນໜີ້ສິນ ບໍ່ແມ່ນການຊື້-ຂາຍຊັບແຕ່ຢ່າງໃດ. ເຖິງແມ່ນ ເຈົ້າໜີ້ ແລະ ລູກໜີ້ ຈະມີວິທີການເຫັນດີ ຫຼື ຍິນຍອມກັນລ່ວງໜ້າດ້ວຍຮູບການຕົກລົງກັນໄວ້ແນວໃດກໍຕາມ ເຊັ່ນ: ສັນຍາຂາຍຝາກ, ເອກະສານໂອນລອຍ, ໃບມອບກຳມະສິດ ແລະ ອື່ນໆ ກໍຕາມ ຈະຖືວ່າເປັນໂມຄະ ໃຊ້ການບໍ່ໄດ້ ຖ້າຫາກເປົ້າໝາຍທີ່ເຮັດສັນຍາກັນນັ້ນ ຫາກແມ່ນເພື່ອເປົ້າໝາຍການຄ້ຳປະກັນ ເຊິ່ງບັນຫານີີ້ແມ່ນໄດ້ກຳນົດໄວ້ໃນ ຂໍ້ 5 ຂອງ ຄຳແນະນຳ ຂອງປະທານສານປະຊາຊົນສູງສຸດ ເລກທີ 03/ສປສສ ລົງວັນທີ 29/06/2016 ໂດຍໄດ້ກໍານົດໄວ້ວ່າ “ການນຕົກລົງມອບຊັບ ໂດຍເຮັດໃບມອບກຳມະສິດ, ສັນຍາຊື້-ຂາຍ, ສັນຍາຂາຍຝາກ ແລະ ຮູບການອື່ນ ທີ່ມີຂໍ້ມູນຫຼັກຖານຢັ້ງຢືນວ່າ: ເຮັດຂຶ້ນດ້ວຍການເຊື່ອງອໍາ, ...

ຫຼາຍທ່ານອາດຈະເຄີຍເຫັນຜ່ານຕາເຊັ່ນ ຮ້ານ ເທັກຊັສ ຊິກເກັ້ນ, ຮ້ານກະແລັມ ເດລີ່ ຄວີນ, ຮ້ານພີດຊ່າ ຄໍາປານີ, ທຣູຄອຟຟີ, ຮ້ານກາເຟ ເນັກ ເອັສແພຣສໂຊ ແລະ ອື່ນໆ ໃນຕົວເມືອງນະຄອນຫຼວງວຽງຈັນ ຊຶ່ງເປັນທຸລະກິດ “ແຟຣນຊາຍ” ທີ່ກໍາລັງມາແຮງໃນປັດຈຸບັນ, ສະນັ້ນ,​ ວາລະສານທາເກັດຂອງພວກເຮົາ ຈຶ່ງນໍາທ່ານຜູ້ອ່ານລົງເລິກກ່ຽວກັບທຸລະກິດ “ແຟຣນຊາຍ” ເພື່ອໃຫ້ທ່ານເປັນຂໍ້ມູນໃນການຕັດສິນໃຈຕື່ມໃນການທີ່ຈະເຂົ້າຮ່ວມ ທຸລະກິດ ນີ້. ຄໍາວ່າ: “ແຟຣນຊາຍ” ແມ່ນ ທຸລະກິດທີ່ມີເອກະລັກດຽວກັນ ຊຶ່ງເຈົ້າຂອງສິດ (Franchisor) ຕົກລົງອະນຸຍາດໃຫ້ຜູ້ຮັບສິດ (Franchisee) ດໍາເນີນທຸລະກິດ ພາຍໃຕ້ ຊື່ການຄ້າ, ການບໍລິຫານ ແລະ ລະບົບທຸລະກິດ ຫຼື ວິທີການດໍາເນີນທຸລະກິດ ຂອງເຈົ້າຂອງສິດທີ່ໄດ້ພັດທະນາຂຶ້ນ. ຜູ້ຮັບສິດຕ້ອງດໍາເນີນທຸລະກິດຕາມຮູບແບບ ແລະ ວິທີການຂອງເຈົ້າຂອງສິດ ແລະ ຈ່າຍຄ່າຕອບແທນໃຫ້ເຈົ້າຂອງສິດ ຊຶ່ງອາດລວມມີ ຄ່າທໍານຽມເລີ່ມຕົ້ນ “ແຟຣນຊາຍ” (franchise fee), ຄ່າທໍານຽມແບບສ່ວນແບ່ງ (royalty fee). ໂດຍລວມແລ້ວ, “ແຟຣນຊາຍ” ປະກອບມີ 4 ...

ລັດຖະດຳລັດຂອງປະທານປະເທດແຫ່ງ ສປປ ລາວ ສະບັບເລກທີ 317/ປປທ ລົງວັນທີ 10 ທັນວາ 2018 ວ່າດ້ວຍການເລື່ອນຊັ້ນນາຍທະຫານ ຕົກລົງເລື່ອນຊັ້ນ ທ່ານ ພົນໂທ ຈັນສະໝອນ ຈັນຍາລາດ ຂຶ້ນເປັນ ພົນເອກ ເຊິ່ງເປັນພົນເອກຄົນທີ 3 ໃນປະຫວັດສາດຂອງ ສປປ ລາວ ເຮັດໃຫ້ປັດຈຸບັນປະເທດລາວມີນາຍທະຫານລະດັບພົນເອກ 3 ທ່ານ ຄື: 1. ທ່ານ ພົນເອກ ຄໍາໄຕ ສີພັນດອນ ອະດີດເລຂາທິການໃຫຍ່ພັກຯ ແລະ ປະທານປະເທດແຫ່ງ ສປປ ລາວ. 2. ທ່ານ ພົນເອກ ສີສະຫວາດ ແກ້ວບຸນພັນ ອະດີດນາຍົກລັດຖະມົນຕີແຫ່ງ ສປປ ລາວ. 3. ທ່ານ ພົນເອກ ຈັນສະໝອນ ຈັນຍາລາດ ລັດຖະມົນຕີ ກະຊວງປ້ອງກັນປະເທດ. ປະຫວັດຫຍໍ້ຂອງທ່ານ ພົນເອກ ຈັນສະໝອນ ຈັນຍາລາດ * ວັນ, ເດືອນ, ປີເກີດ: 1/3/1948 ...

ອີງຕາມການລາຍງານຕໍ່ກອງປະຊຸມສະພາແຫ່ງຊາດ ສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ 8 ຄັ້ງວັນທີ 26 ພະຈິກ 2018, ທ່ານ ນາງເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າໃຫ້ຮູ້ວ່າ: ກະຊວງອຸດສາຫະກຳ ແລະ ການຄ້າ ໄດ້ປະສານກັບພາກສ່ວນທີ່ກ່ຽວຂ້ອງຄົ້ນຄວ້າ ແລະ ອອກນິຕິກຳ ເພື່ອຮອງຮັບການອອກທະບຽນວິສາຫະກິດຮູບແບບໃໝ່ ຕາມທີ່ກຳນົດໃນຄຳສັ່ງ ເລກທີ 02/ນຍ ລົງວັນທີ 1 ກຸມພາ 2018 ເຊິ່ງຈະຫຼຸດຂັ້ນຕອນການອອກທະບຽນວິສາກະກິດ ໃຫ້ກະທັດຫັດ, ວ່ອງໄວ ແລະ ໂປ່ງໃສ ໂດຍຕາມແຜນແມ່ນຈະເລີ່ມຈັດຕັ້ງປະຕິບັດໃນຕົ້ນເດືອນມັງກອນ 2019 ນີ້, ໂດຍໄດ້ປັບປຸງຂັ້ໜຕອນການສ້າງຕັ້ງ ແລະ ການເຄື່ອນໄຫວທຸລະກິດຢູ່ໃນ ສປປ ລາວ ໃຫ້ກະທັດຮັດລົງເຊັ່ນ: ຍົກເລີກຂັ້ນຕອນການຈອງຊື່ ແລະ ອອກໃບຮັບຮອງຊື່ວິສາຫະກິດ ໃນຂັ້ນຕອນແຈ້ງຂຶ້ນທະບຽນວິສາຫະກິດ ເຊິ່ງໄດ້ເລີ່ມຈັດຕັ້ງປະຕິບັດແຕ່ເດືອນ ພຶດສະພາ 2018. ເລີ່ມແຕ່ວັນທີ 15 ຕຸລາ 2018 ຢູ່ນະຄອນຫຼວງວຽງຈັນ (ຢູ່ກະຊວງອຸດສາຫະກຳ ແລະ ການຄ້າ (ຄອ), ພະແນກອຸດສາຫະກຳ ...

ບໍລິສັດເບຍລາວ ຢູ່ຄູ່ກັບຄົນລາວມາໄດ້ 45 ປີ ແລ້ວ,  ເນື່ອງໃນໂອກາດງານສະເຫຼີມສະຫຼອງ ຂອງການສ້າງຕັ້ງ ບໍລິສັດເບຍລາວ ຄົບຮອບ 45 ປີ (1973 -2018) ໄດ້ຈັດງານລ້ຽງຂຶ້ນຢ່າງຍິ່ງໃຫຍ່ໃນຄໍ່າຄືນຂອງວັນສຸກ ວັນທີ 7 ທັນວາ 2018 ທີ່ຜ່ານມາ, ຢູ່ທີ່ພັດຕະຄານແກ້ວມີໄຊ, ນະຄອນຫຼວງວຽງຈັນ ແລະ ໃນມື້ທີ່ສະຫງ່າລາສີນີ້ ທ່ານ ຮອງນາຍົກລັດຖະມົນຕີແຫ່ງ ສປປ ລາວ ທ່ານ ສົມດີ ດວງດີ ກໍໃຫ້ກຽດປະດັບຫຼຽນນາມມະຍົດພັດທະນາແຫ່ງຊາດດີເດັ່ນ ໃຫ້ກັບບໍລິສັດເບຍລາວ ຂອງຂໍ້ຕົກລົງດຳລັດ ຂອງປະທານປະເທດແຫ່ງ ສປປ ລາວ ທ່ານ ບຸນຍັງ ວໍລະຈິດ.  ເນື່ອງຈາກເປັນບໍລິສັດທີ່ໄດ້ປະກອບສ່ວນຜົນງານພົ້ນເດັ່ນເຂົ້າໃນການພັດທະນາເສດຖະກິດ-ສັງຄົມ ຕໍ່ປະເທດຊາດຢ່າງຕັ້ງໜ້າຕະຫຼອດ 45 ປີຄື: ໄດ້ມອບງົບປະມານພັນທະໃຫ້ລັດເປັນອັນດັບ 1 ຂອງປະເທດ ໃນປີ 2017 ໄດ້ມອບໃຫ້ເຖິງ  1.800 ຕື້ກີບ, ເປັນບໍລິສັດທີ່ໄດ້ຄືນກຳໄລໃຫ້ແກ່ສັງຄົມບໍ່ວ່າຈະຊ່ວຍເຫຼືອທຶນໃຫ້ການສຶກສາ, ວຽກງານກິລາ, ສາທາລະນະສຸກ, ການຈັດງານບຸນຮີດຄອງປະເພນີຂອງຊາດ ປີໜຶ່ງຫຼາຍຕື້ ເພື່ອເຮັດໃຫ້ສັງຄົມເຮົາມີຊີວິດທີ່ດີຂຶ້ນ. ນອກນີ້, ບໍລິສັດ ຄຣາດສະເບີກ ກໍໄດ້ຮັບການປະດັບຫຼຽນໄຊນາມມະຍົດດີເດັ່ນແຫ່ງຊາດ ແລະ ທາງຄະນະຜູ້ບໍລິການບໍລິສັດເບຍລາວກໍຍັງໄດ້ຮັບການປະດັບຫຼຽນໄຊແຮງງານຊັ້ນ ...

ຂໍ່ານັບຊົມເຊີຍ ລັດຖະດຳລັດຂອງປະທານປະເທດແຫ່ງ ສປປລາວ ສະບັບເລກທີ 317/ປປທ ລົງວັນທີ 10 ທັນວາ 2018 ວ່າດ້ວຍການເລື່ອນຊັ້ນ ພົນໂທ ຂຶ້ນເປັນ ພົນເອກ ຈັນສະໝອນ ຈັນຍາລາດ. ພົນເອກ ຜູ້ທີ 03 ຂອງ ສປປລາວ 1. ທ່ານ ພົນເອກ ຄໍາໄຕ ສີພັນດອນ 2. ທ່ານ ພົນເອກ ສີສະຫວາດ ແກ້ວບຸນພັນ 3. ທ່ານ ພົນເອກ ຈັນສະໝອນ ຈັນຍາລາດ ທີ່ມາ: ກົດໝາຍລາວ LaoLaw

ໃນສະບັບເດືອນທັນວານີ້ ທາງວາລະສານ ໄດ້ຮັບກຽດການໃຫ້ສໍາພາດ ແລະ ຂຶ້ນປົກຂອງທ່ານນາງ ພາຣິນີ ຈັນທະຣະຄຸບ ຜູ້ຈັດການປະຈໍາ ສປປ ລາວ ເຊິ່ງທ່ານຈະແນະນໍາໃຫ້ຊາບເຖິງການເຕີບໃຫຍ່ຂະຫຍາຍຕົວຂອງການບິນໄທ ໂດຍສະເພາະແມ່ນແຜນການຕະຫຼາດໃນສປປ ລາວ. ທ່ານໄດ້ເປີດເຜີຍໃຫ້ຮູ້ວ່າ: ບໍລິສັດ ການບິນໄທ ຈໍາກັດ (ມະຫາຊົນ) ປີນີ້ແມ່ນຄົບຮອບ 58 ປີ , ເລີ່ມເຂົ້າມາດໍາເນີນທຸລະກິດ ໃນປະເທດລາວ ປີນີ້ແມ່ນຈະຄົບຮອບ 25 ປີ, ທີ່ຜ່ານມາ ທາງບໍລິສັດກໍໄດ້ດໍາເນີນການຂະຫຍາຍທຸລະກິດມາໂດຍຕະຫຼອດ ຈົນເຖິງປີ 2016 ທາງບໍລິສັດໄດ້ປ່ຽນເຮືອບິນໂບອິງ 737 – 400 ໄປນໍາໃຊ້ເຮືອບິນແອບັສ (A 330) ຂະໜາດ 300 ບ່ອນນັ່ງ ຊັ້ນທຸລະກິດປະມານ 36-42 ບ່ອນນັ່ງ. ເຊິ່ງເປັນເຮືອບິນມີຂະໜາດໃຫ່ຍທີ່ສຸດໃຊ້ໃນ ສປປ ລາວ.   *ແຜນການບິນໃນ ສປປ ລາວ? ຕັ້ງແຕ່ 17 ທັນວາ 2018 ສາຍການບິນໄທສະມາຍ ໂດຍການບິນໄທ ຈະເພິ່ມຖ້ຽວບິນອີກ 1 ຖ້ຽວບິນຕອນເຊົ້າ ເຊິ່ງຈະເຮັດໃຫ້ສາຍການບິນໄທ ...

ຈາກ​ເຫດ­ການ​ສັນ​ເຂື່ອນ D ຫຼື Saddle dam D ຂອງ​ເຂື່ອນ​ໄຟ­ຟ້າ​ເຊ​ປຽນ-ເຊ​ນ້ຳ​ນ້ອຍ ແຕກ​​ໃນ​ຄ່ຳ​ຄືນ​ວັນ​ທີ 23 ກໍ­ລະ­ກົດ 2018 ເຮັດ​ໃຫ້​ນ້ຳຈຳ­ນວນ 500 ລ້ານ​ກວ່າ​ແມັດ​ກ້ອນ ໄຫຼ​ລົງ​ສູ່​ເມືອງ​ສະ­ໜາມ​ໄຊ ແຂວງ​ອັດ​ຕະ​ປື ​ຢ່າງ​ໄວ­ວາ, ​ເຫດ­ການ​​ດັ່ງ­ກ່າວ ໄດ້​ສ້າງ​ຄວາມ​ເສຍ​ຫາຍ​ຕໍ່​ຊີ­ວິດ ແລະ ຊັບ​ສິນ​ຂອງ​ປະ­ຊາ­ຊົນ​ເປັນ​ຈຳ­ນວນ​ມະ­ຫາ­ສານ ໂດຍ​ສະ­ເພາະ​ແມ່ນ​ເມືອງ​ສະ­ໜາມ​ໄຊ ​ທີ່​ເປັນ​ເມືອງ​ຕັ້ງ​ຢູ່​ລຸ່ມ​ສັນ​ເຂື່ອນ D ອັນ​ໄດ້​ເຮັດ​ໃຫ້​ປະ­ຊາ­ຊົນ​ຢູ່​ໃນ 13 ບ້ານ​ໄດ້​ຮັບ​ຜົນ​ກະ­ທົບ​ຢ່າງ​ກະ­ທັນ­ຫັນ ໃນ​ນັ້ນ ມີ​ຈຳ­ນວນ 6 ບ້ານ​ທີ່​ເປັນ​ບ້ານ​ລຽບ​ຕາມ​ສາຍ​ນ້ຳ​ເຊ​ປຽນ ໄດ້​ຮັບ​ຜົນ​ກະ­ທົບ 100% ມີ​ປະ­ຊາ­ຊົນ​ທີ່​ຖືກ​ຜົນ​ກະ­ທົບ ແລະ ເສຍ​ຫາຍ​ໜັກ 1.611 ຄອບ­ຄົວ 7.095 ຄົນ, ເຫດການຄັ້ງນີ້​ມີ​ຜູ້​ເສຍ​ຊີ­ວິດ ແລະ ສູນ­ຫາຍ​ ສັດ­ລ້ຽງ ແລະ ພື້ນ​ທີ່​ກະ­ສິ­ກຳ ​ຂອງ​ປະ­ຊາ­ຊົນ​ເສຍ​ຫາຍ​ຢ່າງ​ຫຼວງ­ຫຼາຍ ແລະ ປະ­ຊາ­ຊົນ​ແຂວງ​ຈຳ­ປາ​ສັກ ກໍໄດ້​ຮັບ​ຜົນ​ກະ­ທົບ​ຈາກ​ເຫດ­ການ​ນີ້​ຈຳ­ນວນ​ໜຶ່ງ. ຍ້ອນ​ຄວາມ​ເປັນ​ຫ່ວງ​ເປັນ​ໄຍ​ຂອງ ​ພັກແລະລັດ ກອງ​ປະ­ຊຸມ​ກົມ​ການ­ເມືອງ ຄັ້ງ​ວັນ​ທີ 30 ກໍ­ລະ­ກົດ 2018 ໄດ້​ເຫັນ​ດີ​ໃຫ້​ລັດ­ຖະ­ບານ​ແຕ່ງ­ຕັ້ງ​ຄະ­ນະ​ສະ­ເພາະ​ກິດ ເພື່ອ​ກວດ­ກາ​ເຫດ­ການ​ດັ່ງ­ກ່າວ ມາ​ຮອດ​ວັນ​ທີ ...

ຈາກພຶດຕິກຳການໃຊ້ງານອິນເຕີເນັດຂອງຄົນລາວໃນປະເທດເພີ່ມຂຶ້ນຢ່າງຕໍ່ເນື່ອງ ເປັນສິ່ງທີ່ບົ່ງບອກໃຫ້ເຫັນວ່າ  ປັດຈຸບັນ ລູກຄ້າບໍ່ວ່າຈະຢູ່ໃສ ເຮັດຫຍັງ ຊີວິດຄົນເຮົາກໍມັກຈະຢູ່ກັບມືຖືສະມາດໂຟນຕະຫຼອດເວລາ ບໍ່ວ່າຈະເບິ່ງຮູບເງົາ, ຟັງເພງ, ຫຼິ້ນເກມ ຫຼື ຢາກຊອກຫາສິ່ງໃດ, ຂໍ້ມູນໃດ ກໍພຽງແຕ່ Search ຊອກຫາຢູ່ Google ກໍຈະໄດ້ຮູ້ທຸກຢ່າງທີ່ຢາກຮູ້ແລ້ວ…. ຫຼາຍໆພຶດຕິກຳຂອງຜູ້ບໍລິໂພກຍຸກນີ້ ຈຶ່ງແຕກຕ່າງຈາກແຕ່ກ່ອນເຊັ່ນ: ຜູ້ບໍລິໂພກຍຸກນີ້ຕ້ອງການເວົ້າ ແລະ ສື່ສານກັບຄົນຕະຫຼອດເວລາ, ມີຄວາມອົດທົນໃນການລໍຖ້າໜ້ອຍລົງ ຕ້ອງການທີ່ຈະເຂົ້າເຖິງຂໍ້ມູນ ແລະ ຜູ້ຄົນໄດ້ແບບທັນໃຈ, ຕ້ອງການຫຍັງທີ່ສາມາດເຂົ້າເຖິງໄດ້ງ່າຍ ແລະ ມີຄວາມສະດວກສະບາຍ ທີ່ສຳຄັນຜູ້ບໍລິໂພກຍຸກນີ້ຕ້ອງການເຊັກຂໍ້ມູນຕ່າງໆໃຫ້ໝັ້ນໃຈກ່ອນຕັດສິນໃຈຊື້. ສະນັ້ນ, ຖ້າຜູ້ປະກອບການຈະແລ່ນຕາມພຶດຕິກຳລູກຄ້າໃນຍຸກສະມາດໂຟນໄດ້ທັນນັ້ນ ຈຳເປັນຕ້ອງມີເຄື່ອງມີທາງການຕະຫຼາດເຂົ້າມາຊ່ວຍວິເຄາະພຶດຕິກຳລູກຄ້າ ເພື່ອຈະໄດ້ວາງຍຸດທະສາດມັດໃຈຜູ້ບໍລິໂພກໄດ້ຖືກເປົ້າ ແລະ Google My Business  ນີ້ແຫຼະ ກໍຈະເປັນຕົວຊ່ວຍໜຶ່ງທີ່ຈະເຮັດໃຫ້ທ່ານເຂົ້າໃຈລູກຄ້າໄດ້ດີ. ເຊິ່ງ Google My Business ນີ້ ເຮົາກໍສາມາດສະໝັກດ້ວຍຕົນເອງ, ໂດຍບໍ່ເສຍຄ່າສະໝັກໃດໆ ແລະ ເຮົາຍັງສາມາດໃສ່ແຜນທີ່ຮ້ານຂອງເຮົາໄດ້ອີກດ້ວຍຊ່ວຍໃຫ້ລູກຄ້າຊອກຫາຮ້ານເຮົາ ແລະ ໄປຫາຮ້ານຂອງເຮົາໄດ້ງ່າຍໆອີກດ້ວຍ.  ການທີ່ຮ້ານຄ້າ ຫຼື ທຸລະກິດຂອງເຮົາມີຢູ່  Google My Business ຈະມີດີຫຼາຍກວ່າພຽງແຕ່ຊ່ວຍໃຫ້ຮ້ານເຮົາມີຕົວຕົນໃນອອນໄລ໌. ຜ່ານມາຜູ້ປະກອບ SME ອາດຈະເຂົ້າໃຈວ່າ  Google My ...

ກະຊວງການເງິນ ຕາງໜ້າໃຫ້ແກ່ລັດຖະບານ ສປປ ລາວ ຮ່ວມກັບ ບໍລິສັດ ຫຼັກຊັບ ລ້ານຊ້າງ ມະຫາຊົນ, ບໍລິສັດ ຫຼັກຊັບ ທຄຕລ – ກທ ຈຳກັດ ແລະ ບໍລິສັດ ຫຼັກຊັບ ລາວ – ຈີນ ຈຳກັດ ໄດ້ຈັດງານນຳສະເໜີຂໍ້ມູນໃຫ້ຜູ້ລົງທຶນ ( Road show ) ໃນການອອກຈໍາໜ່າຍພັນທະບັດລັດຖະບານຜ່ານຕະຫຼາດຫຼັກຊັບລາວ ໃຫ້ນັກລົງທຶນທັງພາຍໃນ ແລະ ຕ່າງປະເທດ ເຊິ່ງມີແຜນເປີດໃຫ້ຈອງໃນລະຫວ່າງວັນທີ 11 – 17 ທັນວາ 2018 ຜ່ານ ຕລຊລ. ກອງປະຊຸມດັ່ງກ່າວ ໄດ້ມີຂຶ້ນໃນວັນທີ 7 ທັນວາ 2018 ທີ່ອາຄານຕະຫຼາດຫຼັກຊັບລາວ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງ ທ່ານ ສຸລິວັດ ສຸວັນນະຈູມຄຳ ຮອງຫົວໜ້າກົມງົບປະມານແຫ່ງລັດ ກະຊວງການເງິນ, ຕາງໜ້າທະນາຄານ ແຫ່ງ ສປປ ລາວ, ສຳນັກງານຄຸ້ມຄອງຫຼັກຊັບ, ຕະຫຼາດຫຼັກຊັບລາວ ພ້ອມດ້ວຍແຂກກິດຕິມະສັກ ແລະ ...